ವಾಷಿಂಗ್ಟನ್: ಅಮೆರಿಕದ ಕ್ಯಾಲಿಫೋರ್ನಿಯಾ ಮೂಲದ ಮಾಡೆಲ್ ಬೆನ್ನಿ ಹಾರ್ಲೆಮ್ ತಮ್ಮ ವಿಶಿಷ್ಟ ಕೂದಲಿನ ಮೂಲಕ 2017ರಲ್ಲಿ ಗಿನ್ನಿಸ್ ವಿಶ್ವ ದಾಖಲೆ ಬರೆದಿದ್ದಾರೆ. ಅಷ್ಟೇ ಅಲ್ಲದೆ ಅವರ ಕೂದಲು ವಿಶ್ವದ ಅತಿ ಎತ್ತರದ ಮತ್ತು ದಪ್ಪದ ಕೂದಲಾಗಿವೆ.
ಬೆನ್ನಿ ಅವರ ದಾಖಲೆಯನ್ನು ಈವರೆಗೂ ಯಾರೂ ಹಿಂದಿಕ್ಕಿಲ್ಲ. ಆದರೆ ತಂದೆಯ ದಾಖಲೆಯನ್ನು ಹಿಂದಿಕ್ಕಲು ಬೆನ್ನಿ ಮಗಳು ಜಾಕ್ಸೆನ್ ಹಾರ್ಲೆಮ್ ಮುಂದಾಗಿದ್ದಾರೆ.
ಹೌದು. ತಂದೆ-ಮಗಳು ಫೋಟೋಶೂಟ್‍ಗಳಲ್ಲಿ ಇಬ್ಬರೂ ಹೆಚ್ಚಾಗಿ ಒಟ್ಟಿಗೆ ಕಾಣಿಸಿಕೊಳ್ಳುತ್ತಾರೆ. ಬೆನ್ನಿ ತಮ್ಮ ಕೂದಲದ ಬಗ್ಗೆ ಹೆಚ್ಚು ಕಾಳಜಿವಹಿಸುತ್ತಾರೆ. ಇದರಿಂದಾಗಿ ಅವರ ಕೂದಲುಗಳು ಯಾವಾಗಲೂ ಆಕರ್ಷಕವಾಗಿ ಕಾಣುತ್ತವೆ. ಬೆನ್ನಿ ಹಾಗೂ ಜಾಕ್ಸೆನ್ ಕೂದಲಿಗೆ ಯಾವುದೇ ರೀತಿಯ ರಾಸಾಯನಿಕ, ಸಾಂಪು ಬಳಸದೆ ನೈಸರ್ಗಿಕ ಗಿಡಮೂಲಿಕೆ ಬಳಿಸುತ್ತಾರೆ.
ಕ್ಯಾಲಿಫೋರ್ನಿಯಾದ ಬೆನ್ನಿ ಹಾರ್ಲೆಮ್ ಅವರನ್ನು ವಿಶ್ವದ ಅತ್ಯಂತ ಯಶಸ್ವಿ ಬಲಿಷ್ಟ ಕೂದಲು ಹೊಂದಿರುವ ವ್ಯಕ್ತಿಯಾಗಿದ್ದಾರೆ. 2016ರಲ್ಲಿ ಬೆನ್ನಿ ಅವರು ಭಾರೀ ಗಾತ್ರದ ಕೂದಲಿನ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದಾಗ ಅವರು ಮೊದಲು ಬೆಳಕಿಗೆ ಬಂಸಿದ್ದರು. ಆ ಬಳಿಕ ಅಂದ್ರೆ 2017ರಲ್ಲಿ ಗಿನ್ನಿಸ್ ವಿಶ್ವ ದಾಖಲೆ ಬರೆದರು.
ಕೂದಲ ರಕ್ಷಣೆಗಾಗಿ ನಾವು ಮನೆಯಲ್ಲಿ ನೈಸರ್ಗಿಕ ಶಾಂಪೂ ತಯಾರಿಸುತ್ತೇವೆ. ಜೊತೆಗೆ ಪೋಷಕಾಂಶ ನೀಡುವ ಆಹಾರವನ್ನು ತಯಾರಿಸುತ್ತೇವೆ. ಮನೆಯಲ್ಲೇ ಶಾಂಪೂ ತಯಾರಿಸುವುದನ್ನು ಕಲಿಯಬೇಕು ಎಂದು ಮಾಡೆಲ್ ಬೆನ್ನಿ ಹಾರ್ಲೆಮ್ ಹೇಳುತ್ತಾರೆ.
