Bloggers Unite

Tag: ಗಿನ್ನಿಸ್

  • ಮೂರು ಗಿನ್ನಿಸ್ ದಾಖಲೆ ಬರೆದ ಅಕ್ಷರ ಯೋಗ ಸಂಶೋಧನೆ ಸಂಸ್ಥೆ

    ಮೂರು ಗಿನ್ನಿಸ್ ದಾಖಲೆ ಬರೆದ ಅಕ್ಷರ ಯೋಗ ಸಂಶೋಧನೆ ಸಂಸ್ಥೆ

    ಅಕ್ಷರ ಯೋಗ ಸಂಶೋಧನೆ ಮತ್ತು ಅಭಿವೃದ್ಧಿ ಕೇಂದ್ರವು ಫೆಬ್ರವರಿ 11 ರಂದು ನಡೆದ ಯೋಗ ಉತ್ಸವದಲ್ಲಿ 3 ಹೊಸ ಗಿನ್ನಿಸ್ ವಿಶ್ವ ದಾಖಲೆಗಳನ್ನು ಬರೆದಿದೆ. ಅತಿ ಹೆಚ್ಚು ಜನರ ಭಾಗವಹಿಸಿ ಪ್ರದರ್ಶಿಸಿದ ದಾಖಲೆ ಇದಾಗಿದ್ದು, ಹಲಸಾನ (90 ಸೆಕೆಂಡ್‌ಗಳು), ಉಸ್ಟ್ರಾಸನ (60 ಸೆಕೆಂಡುಗಳು), ಮತ್ತು ವಸಿಷ್ಟಾಸನ (45 ಸೆಕೆಂಡುಗಳು) ವಿಭಾಗಗಳಲ್ಲಿ ಹೀಗೆ ಮೂರು ದಾಖಲೆಗಳನ್ನು ತನ್ನದಾಗಿಸಿಕೊಂಡಿದೆ.

    ದಾಖಲೆಗಳ ಪ್ರಯತ್ನದ ಅಂತಿಮ ತೀರ್ಪಿನಲ್ಲಿ ಹಲಸಾನಕ್ಕೆ 560, ವಶಿಷ್ಠಾಸನಕ್ಕೆ 510 ಮತ್ತು ಉಷ್ಟ್ರಾಸನಕ್ಕೆ 572 ಭಾಗವಹಿಸಿರುವುದರ ಬಗ್ಗೆ ಅಧಿಕೃತವಾಗಿ ಘೋಷಿಸಲಾಯಿತು. ಅಕ್ಷರ ಯೋಗದ ಸಂಸ್ಥಾಪಕ, ಹಿಮಾಲಯನ್ ಸಿದ್ಧಾ ಅಕ್ಷರ್ ಅವರು, ಈ ದಾಖಲೆಗಳನ್ನು ವಿಶ್ವಾದ್ಯಂತ ಯೋಗ ಅಭ್ಯಾಸ ಮಾಡುವವರಿಗೆ ಅರ್ಪಿಸಿದ್ದು ವಿಶೇಷವಾಗಿತ್ತು. ಇದನ್ನೂ ಓದಿ: ಪ್ರೇಮಿಗಳ ದಿನದಂದು ಪತ್ನಿಗೆ ರೊಮ್ಯಾಂಟಿಕ್ ಆಗಿ ನಿರ್ಮಾಪಕ ರವೀಂದ್ರ ವಿಶ್

    ಈ ಕಾರ್ಯಕ್ರಮದಲ್ಲಿ ಅಕ್ಷರ ಯೋಗ ಮಾಸ್ಟರ್ ಶಿಕ್ಷಕರಿಂದ ತರಬೇತಿ ಪಡೆದ ಪೊಲೀಸ್ ಅಧಿಕಾರಿಗಳು, ಹಿಂದುಳಿದ ಮತ್ತು ವಿಕಲ ಚೇತನ ಮಕ್ಕಳು ಸೇರಿದಂತೆ ಸಮಾಜದ ಎಲ್ಲಾ ವರ್ಗಗಳ ಜನರು ಭಾಗವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಉನ್ನತ ಶಿಕ್ಷಣ ಸಚಿವ ಡಾ. ಸಿ ಎನ್ ಅಶ್ವಥ್ ನಾರಾಯಣ ಆಗಮಿಸಿದ್ದರು. ಯೋಗದ ಮಹತ್ವ ಮತ್ತು ಒಟ್ಟಾರೆ ಆರೋಗ್ಯ ಹಾಗೂ ಯೋಗಕ್ಷೇಮಕ್ಕೆ ಅದರ ಪ್ರಯೋಜನಗಳ ಕುರಿತು ಅವರು ಮಾತನಾಡಿದರು.

    Live Tv
    [brid partner=56869869 player=32851 video=960834 autoplay=true]

    Join our Whatsapp group by clicking the below link
    https://chat.whatsapp.com/E6YVEDajTzH06LOh77r25k

  • ವಿಡಿಯೋ: 1 ನಿಮಿಷಕ್ಕೆ 1080 ಬಾರಿ ಚಪ್ಪಾಳೆ ತಟ್ಟಿ ಗಿನ್ನಿಸ್ ದಾಖಲೆ ಬರೆದ ಬಾಲಕ!

    ವಿಡಿಯೋ: 1 ನಿಮಿಷಕ್ಕೆ 1080 ಬಾರಿ ಚಪ್ಪಾಳೆ ತಟ್ಟಿ ಗಿನ್ನಿಸ್ ದಾಖಲೆ ಬರೆದ ಬಾಲಕ!

    ಫ್ಲೋರಿಡಾ: ಅಮೆರಿಕದ ಫ್ಲೊರಿಡಾ ಮೂಲದ ಬಾಲಕನೊಬ್ಬ 60 ಸೆಕೆಂಡ್ ನಲ್ಲಿ 1080 ಬಾರಿ ಚಪ್ಪಾಳೆ ಬಾರಿಸುವ ಮೂಲಕ ಗಿನ್ನಿಸ್ ದಾಖಲೆ ಬರೆದಿದ್ದಾನೆ.

    ಸೆವೆನ್ ವೆಡ್ ಎಂಬ 9 ವರ್ಷದ ಬಾಲಕ ಈ ಸಾಧನೆ ಮಾಡಿದ್ದು, ಈ ಕುರಿತು ಗಿನ್ನಿಸ್ ಸಂಸ್ಥೆ ಅಧಿಕೃತವಾಗಿ ವಿಚಾರವನ್ನು ತಿಳಿಸಿದೆ. ಬಾಲಕನ ಈ ಸಾಧನೆಯ ವಿಡಿಯೋವನ್ನು  ತನ್ನ ವೆಬ್‍ಸೈಟ್‍ನಲ್ಲಿ ಪ್ರಕಟಿಸಿದೆ.

    ವೆಡ್ ಈ ಹಿಂದೆಯೇ ಒಂದು ನಿಮಿಷದಲ್ಲಿ 1020 ಬಾರಿ ಚಪ್ಪಾಳೆ ಬಾರಿಸುವ ಮೂಲಕ ದಾಖಲೆ ನಿರ್ಮಿಸಿದ್ದ. ಸದ್ಯ ಸೆವೆನ್ ತನ್ನ ಸಾಧನೆಯನ್ನೇ ಉತ್ತಮ ಪಡಿಸಿಕೊಂಡಿದ್ದಾನೆ.

    ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಸವೆನ್ ವೆಡ್ ತಂದೆ, ತಮ್ಮ ಮಗ ಈ ಸಾಧನೆ ಮಾಡಲು ಬಹಳ ಶ್ರಮ ವಹಿಸಿದ್ದು, ಪ್ರತಿ ದಿನ ಅಭ್ಯಾಸ ನಡೆಸುತ್ತಿದ್ದ. ಅಲ್ಲದೇ ತನ್ನ ದಾಖಲೆಯನ್ನು ಉತ್ತಮ ಪಡಿಸುವ ಉದ್ದೇಶ ಹೊಂದಿದ್ದ. ಆದರೆ ಇದನ್ನು ಅಧಿಕೃತ ದಾಖಲೆಯಾಗಿ ಪರಿವರ್ತನೆ ಮಾಡಲು ಸ್ಥಿರ ಪ್ರದರ್ಶನ ಅಗತ್ಯವಿತ್ತು. ಈ ಹಿನ್ನೆಲೆಯಲ್ಲಿ ನಾವು ಆತನಿಗೆ ಪ್ರೋತ್ಸಾಹ ನೀಡಿದ್ದಾಗಿ ತಿಳಿಸಿದ್ದಾರೆ.

  • 1 ನಿಮಿಷದಲ್ಲಿ 20 ಉರಿಯುವ ಕ್ಯಾಂಡಲ್ ಬಾಯಲ್ಲಿ ಇಟ್ಟುಕೊಂಡ್ರು!

    1 ನಿಮಿಷದಲ್ಲಿ 20 ಉರಿಯುವ ಕ್ಯಾಂಡಲ್ ಬಾಯಲ್ಲಿ ಇಟ್ಟುಕೊಂಡ್ರು!

    ಮೈಸೂರು: ಒಂದು ನಿಮಿಷದಲ್ಲಿ 20 ಉರಿಯುವ ಕ್ಯಾಂಡಲ್ ಬಾಯಲ್ಲಿ ಇಟ್ಟುಕೊಂಡು ಲಿಮ್ಕಾ ಹಾಗೂ ಗಿನ್ನಿಸ್ ದಾಖಲೆಗೆ ಸೇರುವ ಯತ್ನ ನಗರದಲ್ಲಿ ನಡೆದಿದೆ.

    ಜಿಲ್ಲೆಯ ವಿದ್ಯಾರಣ್ಯಪುರಂ ನಿವಾಸಿ ಶಿವಕುಮಾರ್ ಅವರು ಲಿಮ್ಕಾ ಮತ್ತು ಗಿನ್ನಿಸ್ ದಾಖಲೆ ಸೇರುವ ಪ್ರಯತ್ನ ಮಾಡಿದ್ದಾರೆ. ಈ ಮೂಲಕ ಗೋರೆಗಾಂವ್ ನ ದಿನೇಶ್ ಶಿವನಾಥ್ ಉಪಾಧ್ಯಾಯರವರ ದಾಖಲೆ ಮುರಿಯಲು ಮುಂದಾಗಿದ್ದಾರೆ.

    ಮೈಸೂರಿನ ಪತ್ರಕರ್ತರ ಭವನದಲ್ಲಿ ಶಿವಕುಮಾರ್ ಈ ಸಾಹಸವನ್ನು ಪ್ರದರ್ಶಿಸಿದ್ದಾರೆ. 2008 ರಲ್ಲಿ ಅಂಗೈಯಲ್ಲಿ 24 ಕೋಳಿ ಮೊಟ್ಟೆಗಳನ್ನು ಇಟ್ಟುಕೊಂಡು ಲಿಮ್ಕಾ ದಾಖಲೆಗೆ ಸೇರಿದ್ದ ಶಿವಕುಮಾರ್, 2009 ರಲ್ಲಿ ಬಾಯಲ್ಲಿ 280 ಸ್ಟ್ರಾಗಳನ್ನು ಹಾಗೂ 2011 ರಲ್ಲಿ ಬಾಯಲ್ಲಿ 145 ಸಿಗರೇಟ್ ಗಳನ್ನು ಇಟ್ಟುಕೊಂಡು ಲಿಮ್ಕಾ ದಾಖಲೆ ಮಾಡಲು ಯತ್ನಿಸಿದ್ದರು.

    ಇದೀಗ 20 ಕ್ಯಾಂಡಲ್ ಗಳನ್ನು ಬಾಯಲ್ಲಿ ಇಟ್ಟುಕೊಂಡು ದಾಖಲೆ ಬರೆಯಲು ಮುಂದಾಗಿದ್ದಾರೆ. 15 ಕ್ಯಾಂಡಲ್ ಗಳನ್ನು 30 ಸೆಕೆಂಡ್ ಗಳ ಕಾಲ ಇಟ್ಟುಕೊಂಡು ಗಿನ್ನೆಸ್ ದಾಖಲೆ ನಿರ್ಮಿಸಿರುವ ಮುಂಬಯಿಯ ದಿನೇಶ್ ಶಿವನಾಥ್ ಉಪಾಧ್ಯಾಯ ಅವರ ದಾಖಲೆ ಮುರಿಯಲು ಶಿವಕುಮಾರ್ ಸಿದ್ಧರಾಗಿದ್ದಾರೆ.