ಬೆಂಗಳೂರು: ಕ್ರಿಸ್ಮಸ್ ಹಬ್ಬಕ್ಕೆ ಸಿಲಿಕಾನ್ ಸಿಟಿ ಸಕಲ ರೀತಿಯಿಂದಲೂ ಸಜ್ಜುಗೊಂಡಿದೆ. ಕ್ರಿಸ್ಮಸ್ ಅಂದಾಕ್ಷಣ ಎಲ್ಲರಿಗೂ ಸಾಂತಾ ಕ್ಲಾಸ್ ಹಾಗೂ ಕಲರ್‍ಫುಲ್ ಕ್ರಿಸ್ಮಸ್ ಟ್ರೀಗಳು ನೆನಪಾಗುತ್ತದೆ. ನಗರದ ವೈಟ್ ಫಿಲ್ಡ್ ನ ಖಾಸಗಿ ಮಾಲ್‍ನಲ್ಲಿ (ಫೀನಿಕ್ಸ್ ಮಾರ್ಕೆಟ್ ಸಿಟಿಯಲ್ಲಿ) ದೇಶದ ಅತಿ ಎತ್ತರದ ಕ್ರಿಸ್ಮಸ್ ಟ್ರೀ ಅನಾವರಣಗೊಳಿಸಲಾಗಿದೆ.
ಇದು 75 ಅಡಿ ಎತ್ತರ ಹೊಂದಿದ್ದು, 50 ಸಾವಿರ ಮಿನುಗುವ ಲೈಟ್‍ಗಳನ್ನು ಹಾಕಿ ತಯಾರಿಸಿದ್ದಾರೆ. ಇದನ್ನು ಸ್ಪೇನ್ ನ ಖ್ಯಾತ ಕಲಾವಿದರು ಈ ಫೈಬರ್ ಗ್ಲಾಸ್ ನಿಂದ ಅದ್ಭುತ ಟ್ರೀಯನ್ನು ಫಲಾಸ್ ಡಿಸೈನ್ ಸ್ಟೈಲಿನಲ್ಲಿ ರೆಡಿ ಮಾಡಿದ್ದಾರೆ. ಇದನ್ನೂ ಓದಿ: ಬೆಂಗ್ಳೂರಿನಲ್ಲಿ ಧರೆಗಿಳಿದ ಕೇಕ್‍ಗಳ ಲೋಕ
ರಾತ್ರಿ ವೇಳೆಯಲ್ಲಿ ಹೊಳೆಯುವ ನಕ್ಷತ್ರಗಳ ಜೊತೆ ಈ ಕ್ರಿಸ್ಮಸ್ ಟ್ರೀಯನ್ನು ನೋಡುವುದೇ ಚೆಂದ. ಈ ಟ್ರೀ ಮುಂದೆ ಮಕ್ಕಳು, ಯುವಕರು, ವಯೋವೃದ್ಧರಾದಿಯಾಗಿ ಪ್ರತಿಯೊಬ್ಬರೂ ಸೆಲ್ಫಿ ತೆಗಿಸಿಕೊಳ್ಳುತ್ತಿದ್ದಾರೆ.
ಈ ಕ್ರಿಸ್ಮಸ್ ಟ್ರೀ ಜೊತೆ ಕ್ರಿಸ್ಮಸ್ ಮಾರ್ಕೆಟ್ ಸಹ ಇದ್ದು, ಸಾಂತಾ ಕ್ಲಾಸ್, ಟೋಪಿಗಳು, ವಿವಿಧ ರೀತಿಯ ಲೈಟಿಂಗ್‍ಗಳು, ಸ್ಟಾರ್ ಗಳು ಸೇರಿದಂತೆ ಹಬ್ಬಕ್ಕೆ ಮತ್ತು ಕ್ರೀಬ್‍ಗೆ ಬೇಕಾಗುವ ವಿವಿಧ ಸಾಮಗ್ರಿಗಳನ್ನು ಮಾರಾಟಕ್ಕೆ ಇಡಲಾಗಿದೆ.
