ಸ್ವೀಟ್‌ ಕಾರ್ನ್‌ ಅಂದ್ರೆ ಯಾರಿಗಿಷ್ಟ ಇಲ್ಲ ಹೇಳಿ. ಮಕ್ಕಳಿಂದ ಹಿಡಿದು ವಯಸ್ಕರಿಗೂ ಇಷ್ಟವಾಗುತ್ತೆ. ಬೇಯಿಸಿಕೊಂಡು, ಸುಟ್ಟುಕೊಂಡು ತಿನ್ನೋದು ಅಂದ್ರೇನೆ ಮಜಾ. ಆದ್ರೆ ಯಾವಾಗಲೂ ಒಂದೇ ರೀತಿ ತಿಂದು ಬೇಜಾರಾಗಿದ್ಯಾ? ಅದಕ್ಕೆ ಹೊಸದಾಗಿ ಮಾಡಿ ಕಾರ್ನ್‌ ಪಕೋಡಾ….
ಬೇಕಾಗುವ ಸಾಮಗ್ರಿಗಳು;
ಕಾರ್ನ್‌
ಬೆಳ್ಳುಳ್ಳಿ
ಮೆಣಸಿನಕಾಯಿ
ಕರಿಬೇವು
ಅರಿಶಿಣ
ಕೆಂಪು ಖಾರದ ಪುಡಿ
ಧನಿಯಾ ಪುಡಿ
ಇಂಗು
ಗರಂ ಮಸಾಲಾ
ರುಚಿಗೆ ತಕ್ಕಷ್ಟು ಉಪ್ಪು
ಕಡಲೆ ಹಿಟ್ಟು/ಬಜ್ಜಿ ಹಿಟ್ಟು
ಅಕ್ಕಿ ಹಿಟ್ಟು
ಎಣ್ಣೆ
ಮಾಡುವ ವಿಧಾನ:
ಮೊದಲಿಗೆ ಕಾರ್ನ್‌ನನ್ನು ಚೆನ್ನಾಗಿ ಬೇಯಿಸಿ. ಬೇಯಿಸಿದ ಕಾರ್ನ್‌ ಆರಿದ ನಂತರ ಒಂದು ಬೌಲ್‌ಗೆ ಹಾಕಿಕೊಳ್ಳಿ. ಅದಕ್ಕೆ ಉದ್ದವಾಗಿ ಕತ್ತರಿಸಿದ ಈರುಳ್ಳಿ, ಚಿಕ್ಕದಾಗಿ ಕತ್ತರಿಸಿದ ಬೆಳ್ಳುಳ್ಳಿ, ಮೆಣಸಿನಕಾಯಿ, ಕರಿಬೇವು, ಅರಿಶಿಣ, ಕೆಂಪು ಖಾರದ ಪುಡಿ, ಧನಿಯಾ ಪುಡಿ, ಸ್ವಲ್ಪ ಇಂಗು, ಗರಂ ಮಸಾಲಾ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿಕೊಂಡು ಚೆನ್ನಾಗಿ ಕಲಸಿಕೊಳ್ಳಿ.
ಆನಂತರ ಅದಕ್ಕೆ ಕಡಲೆ ಹಿಟ್ಟು ಅಥವಾ ಬಜ್ಜಿ ಹಿಟ್ಟು ಹಾಕಿ ಕಲಸಿಕೊಳ್ಳಿ. ಕೊನೆಗೆ ಅಗತ್ಯಕ್ಕನುಸಾರವಾಗಿ ನೀರು ಹಾಕಿಕೊಂಡು ಬಜ್ಜಿ ಮಾಡುವ ಹದಕ್ಕೆ ಮಿಶ್ರಣಮಾಡಿಕೊಳ್ಳಿ. ಸ್ವಲ್ಪ ಹೊತ್ತು ಬಿಟ್ಟು ಬಳಿಕ ಎಣ್ಣೆಯಲ್ಲಿ ಚೆನ್ನಾಗಿ ಕರಿದರೆ ಕಾರ್ನ್‌ ಪಕೋಡಾ ತಯಾರಾಗುತ್ತದೆ.
ಇದನ್ನೂ ಸಾಸ್‌, ಚಟ್ನಿಯೊಂದಿಗೆ ಸವಿಯಬಹುದು!