ರಾಯಚೂರು: ನೂರಾರು ವರ್ಷಗಳ ಧರ್ಮಗುರುಗಳ ಗೋರಿಗಳು ಈಗ ಉಸಿರಾಡುತ್ತಿವೆಯಂತೆ. ತೀರಾ ಕುತೂಹಲಕ್ಕೆ ಕಾರಣವಾಗಿರುವ ಈ ಘಟನೆ ಜಿಲ್ಲೆಯ ಲಿಂಗಸುಗೂರು ತಾಲೂಕಿನ ಆನೆಹೊಸೂರು ಗ್ರಾಮದಲ್ಲಿ ನಡೆದಿದೆ.
ಇಲ್ಲಿನ ಶರಣರಬಾವಿ ದರ್ಗಾ ಶರೀಫ್ ನಲ್ಲಿರುವ ಮಜಾರಗಳು ಉಸಿರಾಡುವುದನ್ನು ಸಾರ್ವಜನಿಕರೆಲ್ಲಾ ನೋಡಿದ್ದಾರೆ. ಹಜರತ್ ಸೈಯದ್ ಶಾ ನಸರುದ್ದೀನ್ ನಬಿರಾ ಖಾದ್ರಿ ಉರುಸ್ ವೇಳೆ ಈ ಅಚ್ಚರಿ ನಡೆದಿದೆ.
ಇಲ್ಲಿನ ಐದು ಗೋರಿಗಳಿಗೆ ಹೂವಿನ ಅಲಂಕಾರ ಮಾಡಲಾಗಿತ್ತು. ಆದರೆ ಗೋರಿಗಳ ಉಸಿರಾಟದಿಂದ ಹೂವುಗಳು ಮೇಲಕ್ಕೆ ಪುಟಿಯುತ್ತಿದ್ದವು. ಹಿಂದೆದೂ ನಡೆಯದ ಈ ಅಚ್ಚರಿಯನ್ನು ಕಂಡು ಜನರು ಬೆರಗಾಗಿದ್ದಾರೆ. ಆನೆಹೊಸುರು ಜಾಗೀರದಾರ್ ವಂಶಸ್ಥರ ಗೋರಿಗಳಲ್ಲಿ ಈ ವಿಚಿತ್ರ ಘಟನೆ ಕಂಡುಬಂದಿದೆ. ಸೋಮವಾರ ಸಂಜೆಯಿಂದ ಬೆಳಗಿನ ಜಾವದವರೆಗೂ ಗೋರಿಗಳು ಉಸಿರಾಡುವುದನ್ನು ನಾವು ನೋಡಿದ್ದೇವೆ ಜನ ಹೇಳಿದ್ದಾರೆ.
ಗೋರಿಗಳಲ್ಲಿ ಈ ರೀತಿ ನಡೆದಿರುವುದಕ್ಕೆ ಇದುವರೆಗೂ ವೈಜ್ಞಾನಿಕ ಕಾರಣ ತಿಳಿದುಬಂದಿಲ್ಲ. ಗೋರಿಗಳು ಉಸಿರಾಡುತ್ತಿವೆ ಅಂತಲೇ ಭಕ್ತರು ರಾತ್ರಿಯಿಡಿ ಕುರಾನ್ ಪಠಣ ಮಾಡಿದ್ದಾರೆ.
https://www.youtube.com/watch?v=B_rWI21WEfY
