ಕೋಲ್ಕತ್ತಾ: ಹೆಪ್ಟಾಥ್ಲಾನ್ ಚಿನ್ನದ ಪದಕ ವಿಜೇತ ಸ್ವಪ್ನಾ ಬರ್ಮನ್ ತಾಯಿ ಟಿವಿಯಲ್ಲಿ ಮಗಳು ಸಾಧನೆಯನ್ನು ನೋಡಿ, ಆನಂದಭಾಷ್ಪದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಪಶ್ಚಿಮ ಬಂಗಾದ ಸ್ವಪ್ನಾ ಬಮರ್ನ್ ಕುಟುಂಬಸ್ಥರು ಟಿವಿ ಮುಂದೆ ಕುಳಿತು ಚಪ್ಪಾಳೆ ತಟ್ಟಿದರೆ, ತಾಯಿ ಮಗಳ ಸಾಧನೆಯನ್ನು ನೆನೆದು ಆನಂದ ಬಾಷ್ಪ ಸುರಿಸಿದರು. ಬುಧವಾರ ವಿರೇಂದ್ರ ಸೆಹ್ವಾಗ್ ಈ ವಿಡಿಯೋವನ್ನು ಟ್ವೀಟ್ ಮಾಡಿದ್ದಾರೆ. ಇದನ್ನು 5.3 ಸಾವಿರ ಜನರು ರಿಟ್ವೀಟ್ ಮಾಡಿದ್ದು 24 ಸಾವಿರ ಜನ ಲೈಕ್ ಮಾಡಿದ್ದಾರೆ.
ವಿಡಿಯೋದಲ್ಲಿ ಏನಿದೆ?
ಪುಟ್ಟ ಮನೆಯೊಂದರಲ್ಲಿ ಕುಟುಂಬದ ಜೊತೆಗೆ ಟಿವಿ ನೋಡುತ್ತಿದ್ದ ಸ್ವಪ್ನಾ ಬರ್ಮನ್ ತಾಯಿ ಆನಂದ ಭಾಷ್ಪ ಸುರಿಸಿದರು. ಎಲ್ಲರೂ ಚಪ್ಪಾಳೆ ತಟ್ಟುತ್ತಾ ಸ್ವಪ್ನಾ ಸಾಧನೆಯನ್ನು ಕುಟುಂಬಸ್ಥರು ಸಂಭ್ರಮಿಸುತ್ತಿದ್ದರು. ಆದರೆ ತಾಯಿ ಸ್ಪಪ್ನಾ ಸಾಧನೆಯನ್ನು ನೋಡಿ ಕುಳಿತ ಜಾಗದಿಂದ ಎದ್ದು ಹೋಗಿ, ದೇವರ ಮುಂದೆ ದೀಡ್ ನಮಸ್ಕಾರ ಹಾಕಿದ್ದಾರೆ.
Have become an even bigger admirer of Swapna Barmam after coming to know of the struggles she had to go through. 6 toes in each leg, bandaged jaw, father a rickshaw puller and countless struggles. This is her mother watching her win the Gold on television, thanking the almighty pic.twitter.com/GNBVPw1kDO
— Virrender Sehwag (@virendersehwag) August 30, 2018
ಸ್ವಪ್ನಾ ನರ್ಮನ್ ಯಾರು?
ಹುಟ್ಟುತ್ತಲೇ ಎರಡೂ ಕೈ ಹಾಗೂ ಎರಡೂ ಕಾಲುಗಳಲ್ಲಿ ತಲಾ ಆರು ಬೆರಳುಗಳನ್ನು ಹೊಂದಿರುವ ಪಶ್ಚಿಮ ಬಂಗಾಳದ ಸ್ವಪ್ನಾ ಬರ್ಮನ್ ಅವರ ಮನೆಯಲ್ಲಿ ಬಡತನವಿದೆ. ಬಡ ಕುಟುಂಬದಿಂದ ಬಂದಿರುವ ಸ್ವಪ್ನಾರ ತಂದೆ ರಿಕ್ಷಾ ಚಾಲಕರಾಗಿದ್ದು ಅವರು ಕೂಡಾ ಅನಾರೋಗ್ಯಕ್ಕೆ ತುತ್ತಾಗಿ ಹಲವು ವರ್ಷಗಳಿಂದ ಹಾಸಿಗೆ ಹಿಡಿದಿದ್ದಾರೆ. ಇದರಿಂದಾಗಿ ತಮ್ಮ ಬದುಕಿನಲ್ಲಿ ಎರಡನೇ ಬಾರಿ ಏಷ್ಯನ್ ಗೇಮ್ಸ್ ನಲ್ಲಿ ಸ್ವಪ್ನಾ ಭಾಗವಹಿಸುವುದು ಅನುಮಾನವಿತ್ತು.
ಸಮಸ್ಯೆಗಳನ್ನು ಎದುರಿಸಿದ ಸ್ವಪ್ನಾ ಏಷ್ಯಾನ್ ಗೇಮ್ಸ್‍ಗೆ ಆಯ್ಕೆಯಾಗಿದ್ದರು. ಆದರೆ ಅವರ ಕಾಲಿಗೆ ಯಾವುದೇ ಕಂಪೆನಿಯ ಶೂಗಳು ಸೂಕ್ತವಾಗುತ್ತಿಲ್ಲ. ಪ್ರತಿ ಟೂರ್ನಿಯಲ್ಲಿ ಸ್ಪರ್ಧಿಸುವ ವೇಳೆ ವಿಶೇಷ ಶೂಗಳನ್ನು ಆಯ್ಕೆ ಮಾಡುವುದೇ ದೊಡ್ಡ ಸಮಸ್ಯೆ ಆಗುತ್ತಿತ್ತು. ಇನ್ನು ಜಂಪ್ ಮಾಡಬೇಕಾದ ಸ್ಪರ್ಧೆಗಳ ವೇಳೆ ಶೂ ಸಮಸ್ಯೆಯಾಗಿ ಕಾಡುತ್ತಿತ್ತು. ಕಾರಣ ಜಿಗಿದು ನೆಲಕ್ಕೆ ಬರುತ್ತಿದ್ದಂತೆ ಶೂ ಕಳಚಿ ಬಿಳುತಿತ್ತು. ಇಲ್ಲವೇ ಬೆರಳು ಹಾಗೂ ಕಾಲು ನೋವು ಕಾಣಿಸಿ ಭಾರೀ ಸಮಸ್ಯೆ ಎದುರಿಸುತ್ತಿದ್ದರು.
ಹೆಪ್ಟಾಥ್ಲಾನ್ ಒಟ್ಟು 7 ಸ್ಪರ್ಧೆಯಲ್ಲಿ 6,026 ಅಂಕ ಪಡೆದು ಸ್ವಪ್ನಾ ಚಿನ್ನಕ್ಕೆ ಮುತ್ತಿಕ್ಕಿದರು. ನಾಲ್ಕು ವರ್ಷಗಳ ಹಿಂದೆಯೂ ಏಷ್ಯನ್ ಗೇಮ್ಸ್ ನಲ್ಲಿ ಸ್ವಪ್ನಾ 5,178 ಅಂಕ ಗಳಿಸಿ 5ನೇ ಸ್ಥಾನ ಪಡೆದಿದ್ದರು.
ಏನಿದು ಹೆಪ್ಟಾಥ್ಲಾನ್?
100 ಮೀಟರ್, 200 ಮೀಟರ್, 800 ಮೀಟರ್, ಲಾಂಗ್ ಜಂಪ್, ಹೈ ಜಂಪ್, ಜಾವಲಿನ್ ಎಸೆತ, ಶಾಟ್‍ಪೂಟ್ ಸ್ಪರ್ಧೆಯಲ್ಲಿ ಗಳಿಸಿದ ಅಂಕದ ಆಧಾರದಲ್ಲಿ ಪದಕ ನೀಡಲಾಗುತ್ತದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv