ಮಂಡ್ಯ: ಸುಮಲತಾ ಎದುರಾಳಿಯಾಗಿ ಸುಮಲತಾ ಹೆಸರಿನ ಮಹಿಳೆಯರು ಕಣದಲ್ಲಿ ಇರುವುದು ನಿಮಗೆ ಗೊತ್ತೇ ಇದೆ. ಈಗ ಥೇಟ್ ಸುಮಲತಾರಂತೆ ಕನ್ನಡಕ ಮತ್ತು ಅವರಂತೆ ಡ್ರೆಸ್ ಮಾಡಿಸಿ ಸುಮಲತಾ ಅವರ ಫೋಟೋ ಇವಿಎಂನಲ್ಲಿ ಇರಲಿದೆ.
ಹೌದು, ಎವಿಎಂನ ಕ್ರಮ ಸಂಖ್ಯೆ 20ರಲ್ಲಿ ಸುಮಲತಾ ಅಂಬರೀಶ್ ಸ್ಪರ್ಧಿಸುತ್ತಿದ್ದರೆ ಕ್ರಮ ಸಂಖ್ಯೆ 19ರಲ್ಲೂ ಸುಮಲತಾ ಸ್ಪರ್ಧಿಸುತ್ತಿದ್ದಾರೆ. ಕ್ರ.ಸಂಖ್ಯೆ 19ರ ಸುಮಲತಾ ಅವರನ್ನು ಸುಮಲತಾ ಅವರಂತೆ ಮೇಕಪ್ ಮಾಡಿ ಫೋಟೋ ತೆಗೆಸಿದ್ದು, ಆ ಫೋಟೋ ಇವಿಎಂನಲ್ಲಿ ಇರಲಿದೆ.
ಎವಿಎಂನ ಕ್ರಮ ಸಂಖ್ಯೆ 19ರ ಸುಮಲತಾ ಅವರನ್ನು ತಕ್ಷಣ ನೋಡಿದರೆ ಮತದಾರರು ಕನ್‍ಫ್ಯೂಸ್ ಆಗುವ ಸಾಧ್ಯತೆಯಿದೆ. ಸುಮಲತಾ ಅವರಂತೆ ಫುಲ್ ಬ್ಲೌಸ್, ಡ್ರೆಸ್ ಮತ್ತು ಕನ್ನಡಕ ಹಾಕಿಸಿ ಫೋಟೋ ಕ್ಕಿಕ್ಕಿಸಿದ್ದಾರೆ. ಆ ಫೋಟೋವನ್ನೇ ಎವಿಎಂನಲ್ಲೂ ಹಾಕಲಾಗಿದೆ.
ಈ ಬಗ್ಗೆ ಮಂಡ್ಯದ ಹೆಬ್ಬಕವಾಡಿಯಲ್ಲಿ ಪ್ರತಿಕ್ರಿಯೆ ನೀಡಿದ ಸುಮಲತಾ ಅವರು, ನನ್ನನ್ನು ಸೋಲಿಸಲು ಅಭ್ಯರ್ಥಿಗಳನ್ನು ಹಾಕಿದ್ದು ಮಾತ್ರವಲ್ಲದೇ ಈಗ ಕುತಂತ್ರ ರಾಜಕೀಯ ಮಾಡುತ್ತಿದ್ದಾರೆ. ನನ್ನ ಥರವೇ ಫುಲ್ ಬ್ಲೌಸ್ ಹಾಕಿಸಿ ಕನ್ನಡಕ ಹಾಕಿಸಿ ಅಭ್ಯರ್ಥಿ ನಿಲ್ಲಿಸಿದ್ದಾರೆ. ಸೀರಿಯಲ್ ನಂಬರ್ 19ನೇ ಅಭ್ಯರ್ಥಿಯನ್ನ ಥೇಟ್ ನನ್ನಂತೆ ಬಿಂಬಿಸಿದ್ದಾರೆ. ನೈತಿಕತೆ ಇಟ್ಟುಕೊಂಡು ರಾಜಕೀಯ ಮಾಡಬೇಕು. ಈ ರೀತಿ ಕುತಂತ್ರ ಮಾಡುವುದು ಸರಿಯಲ್ಲ ಎಂದು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ
Leave a Reply