ಕಿಚ್ಚ ಸುದೀಪ್ (Kichcha Sudeep) ಅಭಿನಯಿಸುತ್ತಿರುವ ಬಹುನಿರೀಕ್ಷಿತ `ಬಿಲ್ಲ ರಂಗ ಬಾಷ’ (Billa Ranga Baasha) ಸಿನಿಮಾದ ಸೆಟ್ ಎನ್ನಲಾದ ಫೋಟೋವೊಂದು ರಿವೀಲ್ ಆಗಿದೆ. ಕಳೆದ ಎರಡು ತಿಂಗಳಿಂದ ಈ ಚಿತ್ರದ ಚಿತ್ರೀಕರಣ ನಡೆಯುತ್ತಿದೆ. ಸದ್ಯ ಮೊದಲ ಶೆಡ್ಯೂಲ್ ಚಿತ್ರೀಕರಣದಲ್ಲಿ ಕೊಂಚ ಬ್ರೇಕ್ ತೆಗೆದುಕೊಂಡಿದೆ ಸಿನಿಮಾ ತಂಡ.
ಈ ನಡುವೆ ಸೋಮವಾರದಿಂದ ಚಿತ್ರೀಕರಣ ಮತ್ತೆ ಪ್ರಾರಂಭವಾಗಿದ್ದು, ಸೆಟ್‌ನದ್ದೇ ಎನ್ನಲಾದ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.ಇದನ್ನೂ ಓದಿ: ನನ್ನ ಹಂಸಲೇಖ ನಡುವೆ ಮನಸ್ತಾಪ ಯಾಕೆ ಗೊತ್ತಾ – ಕ್ರೇಜಿಸ್ಟಾರ್ ಮನದಾಳ
ಬಿಲ್ಲರಂಗಬಾಷ ಸೆಟ್ ಎನ್ನಲಾದ ಫೋಟೋದಲ್ಲಿ ಎರಡು ವಿಂಟೇಜ್ ಕಾರ್‌ಗಳು ಕಾಣಿಸುತ್ತಿದೆ. ದೂರದಲ್ಲಿ ಆನ್‌ಕ್ಯಾಮೆರಾ ಕಿಚ್ಚ ಸುದೀಪ್ ನಿಂತಿರುವಂತಿದೆ. ಆದರೆ ಸ್ಪಷ್ಟವಾಗಿಲ್ಲ. ಈ ಆಕರ್ಷಕ ಸೆಟ್ ಹಾಕಿರುವುದು ಕಂಠೀರವ ಸ್ಟುಡಿಯೋದಲ್ಲಿ. ಚಿತ್ರವನ್ನ ಅನೂಪ್ ಭಂಡಾರಿ ನಿರ್ದೇಶಿಸುತ್ತಿದ್ದು, ಚಿತ್ರ ಬಹುಕೋಟಿ ಬಜೆಟ್‌ನದ್ದಾಗಿದೆ.
Shoot 📽️⏳ @KicchaSudeep 👑#KicchaSudeep #BillaRangaBaasha pic.twitter.com/dZ8eJwvhRJ
— Team Kiccha Sudeep ® (@TeamKiccha) June 24, 2025
ಆರಂಭಿಕ ಶೆಡ್ಯೂಲ್ ಶೂಟಿಂಗ್ ಬೆಂಗಳೂರಿನಲ್ಲೇ ನಡೆಯುತ್ತಿದೆ. ಸಂಪೂರ್ಣ ಚಿತ್ರ ಸೆಟ್ ಹಾಗೂ ಸಿಜೆಯಲ್ಲೇ ಮಾಡಬೇಕಾದ ಅನಿವಾರ್ಯತೆ ಇದೆ. ಕಾರಣ ಇದು ಭವಿಷತ್ ಕಾಲವನ್ನು ಸೂಚಿಸುವ ವಿಭಿನ್ನ ಸಿನಿಮಾವಾಗಿದೆ. ಇದುವರೆಗೆ ಬಿಲ್ಲರಂಗಬಾಷ ಚಿತ್ರದ ಒಂದು ಪೋಸ್ಟರ್ ಮಾತ್ರ ಅಧಿಕೃತವಾಗಿ ರಿಲೀಸ್ ಆಗಿದೆ. ಬಳಿಕ ಯಾವುದೇ ಮಾಹಿತಿ ಹೊರಬಿದ್ದಿರಲಿಲ್ಲ. ಇದೀಗ ಸೆಟ್‌ನದ್ದೇ ಎನ್ನಲಾದ ವೈರಲ್ ಫೋಟೋ ಭಾರೀ ಕುತೂಹಲ ಕ್ರಿಯೇಟ್ ಮಾಡಿದೆ.ಇದನ್ನೂ ಓದಿ: ಬಾಗಲಕೋಟೆ, ಗದಗ ಜಿಲ್ಲೆಯ ವಿವಿಧೆಡೆ ಬೆಳ್ಳಂಬೆಳಿಗ್ಗೆ ʻಲೋಕಾʼ ರೇಡ್