ಲವ್ಲಿ ದಂಪತಿಯ ಫೋಟೋ ಕ್ಲಿಕ್ಕಿಸಿದ ಮಗಳು

ಬೆಂಗಳೂರು: ಇತ್ತೀಚೆಗೆ ನಟ ಸುದೀಪ್ ಅವರು ತನ್ನ ಮಗಳು ಮತ್ತು ಪತ್ನಿ ಪ್ರಿಯಾ ಸುದೀಪ್ ಜೊತೆ ವಿದೇಶಕ್ಕೆ ಹೋಗಿದ್ದರು. ಈಗ ಈ ದಂಪತಿಯ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಪತ್ನಿ ಪ್ರಿಯಾ ಹೆಗಲ ಮೇಲೆ ನಟ ಸುದೀಪ್ ಒರಗಿಕೊಂಡು ಕುಳಿತಿರುವ ಫೋಟೋ ಸಾಮಾಜಿಕ ಜಾಲತಾಣಗಲ್ಲಿ ವೈರಲ್ ಆಗಿದೆ. ಈ ಫೋಟೋ ನೋಡಿದರೆ ಸುದೀಪ್ ದಂಪತಿ ಹೋಟೆಲ್ ಇರುವುದನ್ನು ಕಾಣಬಹುದು. ಈ ಫೋಟೋವನ್ನು ನಟಿ ಮೇಘನಾ ಗಾಂವ್ಕರ್ ಅವರು ತಮ್ಮ ಟ್ವೀಟ್ ನಲ್ಲಿ ಅಪ್ಲೋಡ್ ಮಾಡಿದ್ದಾರೆ.

ಮೇಘನಾ ಅವರು ಫೋಟೋ ಅಪ್ಲೋಡ್ ಮಾಡಿ, ಕಳೆದ ಕೆಲವು ದಿನಗಳಿಂದ ನನ್ನ ಇನ್ ಸ್ಟಾಗ್ರಾಂನಲ್ಲಿ ಅತ್ಯದ್ಭುತವಾದ ಫೋಟೋ ಇದೆ. ಈ ಫೋಟೋವನ್ನು ನಾನು ಶೇರ್ ಮಾಡಿಕೊಳ್ಳಲು ಇಷ್ಟಪಡುತ್ತೇನೆ. ಏಕೆಂದರೆ ಈ ಫೋಟೋ ನೋಡಿದಾಗ ನನ್ನ ಮುಖದ ಮೇಲೆ ನಗು ಬರುತ್ತದೆ” ಎಂದು ಬರೆದುಕೊಂಡಿದ್ದಾರೆ.

ಮೇಘನಾ ಅವರು ಮಾಡಿದ್ದ ಟ್ವೀಟ್ ಪ್ರಿಯಾ ಸುದೀಪ್ ಅವರು, ಜಾರ್ಜಿಯಾದ ಟಿಬಿಲಿಸಿಯಲ್ಲಿ ಈ ಫೋಟೋವನ್ನು ಸಾನ್ವಿ ತೆಗೆದಿದ್ದಾಳೆ. ಧನ್ಯವಾದಗಳು ಮೇಘನಾ ಎಂದು ರೀಟ್ವೀಟ್ ಮಾಡಿದ್ದಾರೆ.

😁😁😁 thanks Meghana!!Pic taken by Sanvi at Tbilisi,Georgia…and I’m sooooo sleepy 😴 https://t.co/riGUSlooGd

— Priya Sudeep/ಪ್ರಿಯ (@iampriya06) October 26, 2018

ಇತ್ತೀಚೆಗೆ ಸುದೀಪ್ ಮತ್ತು ಪ್ರಿಯಾ ಅವರ ವಿವಾಹ ವಾರ್ಷಿಕೋತ್ಸವ ಇತ್ತು. ಅಂದು ಕೂಡ ಇವರಿಬ್ಬರ ಜೋಡಿ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv