ಯಾವ ಸ್ವಾರ್ಥವೂ ಇಲ್ಲದೆ ಬೀದಿನಾಯಿಗಳ ಸಂರಕ್ಷಣೆ ಮಾಡ್ತಿದೆ `ಲವ್ ಫಾರ್ ಫರ್ಗಟನ್’ ಸಂಸ್ಥೆ

ಬೆಂಗಳೂರು: ಬೀದಿ ನಾಯಿ ಅಂದರೆ ಸಾಕು ಜನರಿಗೆ ಕಚ್ಚುತ್ತೆ, ಗಲೀಜು ಅಂತಾ ದೂರ ಹೋಗುತ್ತಾರೆ. ಆದರೆ ಬೀದಿ ನಾಯಿಗಳ ಸಂರಕ್ಷಣೆಗಾಗಿಯೇ ಒಂದು ಸಂಸ್ಥೆಯನ್ನು ಸ್ಥಾಪಿಸಿ ಅವುಗಳನ್ನು ರಕ್ಷಿಸುತ್ತಿದ್ದಾರೆ.

ಬೆಂಗಳೂರಿನ ಜೆಪಿನಗರದಲ್ಲಿ ಲವ್ ಫಾರ್ ಫರ್ಗಟನ್ ಎನ್ನುವ ಸಂಸ್ಥೆ ಇದೆ. ಕಳೆದ ಒಂದು ವರ್ಷದಿಂದ ಸುಕನ್ಯ ಮತ್ತು ಅವರ ತಂಡ ಈ ಸಂಸ್ಥೆಯನ್ನು ಸ್ಥಾಪಿಸಿ ಬೀದಿ ನಾಯಿಗಳ ರಕ್ಷಣೆಯಲ್ಲಿ ತೊಡಗಿದ್ದಾರೆ. ಹಸಿವಿನಿಂದ, ಅನಾರೋಗ್ಯದಿಂದ ಮತ್ತು ಅಪಘಾತವಾದ ಬೀದಿನಾಯಿಗಳಿಗೆ ಚಿಕಿತ್ಸೆ ಕೊಡಿಸಿ, ತಮ್ಮ ಶೇಲ್ಟರ್ನಲ್ಲಿ ರಕ್ಷಣೆ ನೀಡುತ್ತಿದ್ದಾರೆ. ಅವುಗಳು ಸಂಪೂರ್ಣವಾಗಿ ಚೇತರಿಸಿಕೊಂಡ ಮೇಲೆ ಅವುಗಳ ಮೂಲ ಸ್ಥಳಕ್ಕೆ ಬಿಟ್ಟುಬರುತ್ತಾರೆ.

ಒಂದು ವರ್ಷದಲ್ಲಿ ಸುಮಾರು 150 ಕ್ಕೂ ಹೆಚ್ಚು ಬೀದಿ ನಾಯಿಗಳ ರಕ್ಷಣೆ ಮಾಡಿದ್ದೇವೆ. ನಮ್ಮ ದೊಡ್ಡಮ್ಮನಿಂದ ಉತ್ತೇಜನ ಪಡೆದು ಈ ಕೆಲಸ ಮಾಡುತ್ತಿದ್ದಾನೆ. ಅನಾರೋಗ್ಯದಿಂದ ನರಳುವ ಬೀದಿನಾಯಿಗಳಿಗಾಗಿಯೇ ಶೇಲ್ಟರ್ ನಿರ್ಮಿಸಿದ್ದೇವೆ. ಈಗ ಸುಮಾರು 25 ಕ್ಕೂ ಹೆಚ್ಚಿನ ನಾಯಿಗಳು ಇಲ್ಲಿವೆ. ನಿಮ್ಮ ಏರಿಯಾಗಳಲ್ಲಿ ಅನಾರೋಗ್ಯ ಪೀಡಿತ ನಾಯಿಗಳ ಕಂಡರೆ ನಮಗೆ ತಿಳಿಸಿ ನಾವು ಅವುಗಳ ಕೇರ್ ತಗೋತ್ತೀವೆ ಎಂದು ಟ್ರೇಸ್ಟಿ ಸುಕನ್ಯಾ ಹೇಳಿದರು.

ಯಾವ ಸ್ವಾರ್ಥವೂ ಇಲ್ಲದೆ ತಮ್ಮ ಸಂಪಾದನೆಯಲ್ಲವನು ಇತಂಹ ಬೀದಿನಾಯಿಗಳ ರಕ್ಷಣೆಗೆ ಬಳಸುತ್ತಿರುವ ಸುಕನ್ಯಾ ಮತ್ತು ಅವರ ತಂಡಕ್ಕೆ ಧನ್ಯವಾದಗಳು.