ರಾಕೇಶ್ ಅಡಿಗ, ಸ್ಪೂರ್ತಿ ಗೌಡ ಮತ್ತು ಸೋನು ಶ್ರೀನಿವಾಸ್ ಗೌಡ ಅವರ ತ್ರಿಕೋನ ಪ್ರೇಮಕಥೆ ದಿನಕ್ಕೊಂದು ತಿರುವು ಪಡೆದುಕೊಳ್ಳುತ್ತಿದೆ. ಒಂದೊಂದು ಸಲ ಅದು ತಮಾಷೆಯಾಗಿ, ಮತ್ತೊಂದು ಸಲ ಸೀರಿಯಸ್ ಆಗಿ ಬದಲಾಗುತ್ತದೆ. ಹಾಗಾಗಿ ಇಡೀ ಮನೆಯಲ್ಲಿ ಈ ಜೋಡಿ ಸಖತ್ ಕನ್ ಫ್ಯೂಸ್ ಹುಟ್ಟಿಸುತ್ತಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿ ಇವರನ್ನು ಬಿಟ್ಟು ಇನ್ನೂ ಹದಿಮೂರು ಸ್ಪರ್ಧಿಗಳು ಇದ್ದರೂ, ಈ ಮೂವರು ಮಾತ್ರ ಯಾವಾಗಲೂ ಅಂಟಿಕೊಂಡೇ ಇರುತ್ತಾರೆ.
ಎಲ್ಲರದ್ದೂ ಒಂದು ರೀತಿಯ ಆಟವಾದರೆ, ಈ ಮೂವರದ್ದು ಮತ್ತೊಂದು ರೀತಿಯ ಆಟ. ರಾಕೇಶ್ ಎಲ್ಲಿರುತ್ತಾನೋ ಅವನ ಸುತ್ತಲೇ ಸೋನು ಶ್ರೀನಿವಾಸ್ ಗೌಡ ಮತ್ತು ಸ್ಪೂರ್ತಿ ಗೌಡ ಸುತ್ತುತ್ತಲೇ ಇರುತ್ತಾರೆ. ಹಾಗಾಗಿ ಮನೆಯಲ್ಲಿ ಇರುವವರೂ ಕೂಡ ಈ ಮೂವರ ಬಗ್ಗೆ ತಮ್ಮ ತಮ್ಮೊಳಗೆ ಮಾತನಾಡಿಕೊಳ್ಳುವಂತಹ ಅವಕಾಶವನ್ನು ಸ್ವತಃ ಈ ಮೂವರೇ ಸೃಷ್ಟಿ ಮಾಡಿಕೊಂಡಿದ್ದಾರೆ. ಇದನ್ನೂ ಓದಿ:ಗಾಯಕ ಶಿವಮೊಗ್ಗ ಸುಬ್ಬಣ್ಣ ವಿಧಿವಶ
ಲೀವಿಂಗ್ ಏರಿಯಾದ ಸೋಫಾದ ಮೇಲೆ ರಾಕೇಶ್ ಅಡಿಗೆ ಮತ್ತು ಸೋನು ಶ್ರೀನಿವಾಸ್ ಗೌಡ ಶುಕ್ರವಾರ ತಣ್ಣಗೆ ತಮ್ಮ ಪಾಡಿಗೆ ತಾವು ಕುಳಿತುಕೊಂಡಿದ್ದಾಗ, ಅಲ್ಲಿಗೆ ಆಗಮಿಸುವ ಸ್ಪೂರ್ತಿ ಗೌಡ, ತಾನೂ ಕೂಡ ರಾಕೇಶ್ ಪಕ್ಕದಲ್ಲಿ ಕೂರುವುದಾಗಿ ಕೇಳುತ್ತಾರೆ. ಕೇಳುವುದಷ್ಟೇ ಅಲ್ಲ, ಬಂದು ಕೂರುತ್ತಾರೆ. ರಾಕೇಶ್ ಎಡಕ್ಕೆ ಸೋನು ಕುಳಿತುಕೊಂಡಿದ್ದರೆ, ಸ್ಪೂರ್ತಿ ಬಲಕ್ಕೆ ಬಂದು ಕೂರುತ್ತಾರೆ. ಸುಮ್ಮನೆ ಕುಳಿತುಕೊಳ್ಳದೇ ಇಬ್ಬರು ಹೆಂಡರ ಮುದ್ದಿನ ಗಂಡ ಎಂದು ರಾಕೇಶ್ ನನ್ನು ಕರೆಯುತ್ತಾರೆ. ಸೋನು ಮೊದಲನೇ ಹೆಂಡತಿಯಾದರೆ, ತಾವು ಎರಡನೇ ಹೆಂಡತಿ ಎನ್ನುವಂತೆ ಈ ಡೈಲಾಗ್ ಹೊಡೆಯುತ್ತಾರೆ.
ಸ್ಪೂರ್ತಿ ಇಂಥದ್ದೊಂದು ಮಾತು ಹೇಳುತ್ತಿದ್ದಂತೆಯೇ ಸುತ್ತಲೂ ನಿಂತವರು ನಕ್ಕರೆ, ಸೋನು ಶ್ರೀನಿವಾಸ್ ಗೌಡ ಈ ಮಾತನ್ನು ಪಾಸಿಟಿವ್ ಆಗಿ ತಗೆದುಕೊಳ್ಳದೇ ತಮ್ಮದೇ ಆದ ರೀತಿಯಲ್ಲಿ ಇದನ್ನು ಒಪ್ಪಲ್ಲ ಎನ್ನುವಂತೆ ಮತ್ತೊಂದು ಡೈಲಾಗ್ ಹೊಡೆಯುತ್ತಾರೆ. ಒಂದು ರೀತಿಯಲ್ಲಿ ಇದು ತಮಾಷೆ ಅನಿಸಿದರೂ, ಲವ್, ಫ್ಲರ್ಟ್ ವಿಷಯದಲ್ಲಿ ಸ್ಪೂರ್ತಿ ಮತ್ತು ಸೋನು ಮಧ್ಯೆ ಹೀಗೆ ನಿರಂತರ ಮಾತುಗಳು ಆಗುತ್ತಲೇ ಇವೆ.
Leave a Reply