ಟ್ರೋಲ್‍ಗಳಿಗೆ ಚಾಟಿ ಬೀಸಿದ ‘ರಾಜಕುಮಾರ’ ನಟಿ – ಕ್ಷಮೆ ಕೇಳಿದ ಅಭಿಮಾನಿ

ಮುಂಬೈ: ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅವರ ಜೊತೆ ‘ರಾಜಕುಮಾರ’ ಚಿತ್ರದಲ್ಲಿ ನಟಿಸಿದ ಪ್ರಿಯಾ ಆನಂದ್ ಟ್ರೋಲ್‍ಗಳಿಗೆ ಚಾಟಿ ಬೀಸಿದ್ದಾರೆ. ಸದ್ಯ ಪ್ರಿಯಾ ಖಡಕ್ ಪ್ರತಿಕ್ರಿಯೆಗೆ ಅಭಿಮಾನಿ ಕ್ಷಮೆ ಕೇಳಿದ್ದಾನೆ.

ಟ್ವಿಟ್ಟರಿನಲ್ಲಿ ವ್ಯಕ್ತಿಯೊಬ್ಬ, “ಶ್ರೀದೇವಿ, ನಟಿ ಪ್ರಿಯಾ ಆನಂದ್ ಜೊತೆ ‘ಇಂಗ್ಲಿಷ್ ವಿಂಗ್ಲಿಷ್’ ಚಿತ್ರದಲ್ಲಿ ನಟಿಸಿದ್ದರು. ಆದರೆ ಈಗ ಶ್ರೀದೇವಿ ನಿಧನರಾಗಿದ್ದಾರೆ. ಜಿಕೆ ರಿತೇಶ್, ಪ್ರಿಯಾ ಆನಂದ್ ಜೊತೆ ನಟಿಸಿದ್ದರು. ಈಗ ಜಿಕೆ ರಿತೇಶ್ ಕೂಡ ನಿಧನರಾಗದ್ದಾರೆ. ಪ್ರಿಯಾ ಆನಂದ್ ಜೊತೆ ನಟಿಸುತ್ತಿರುವವರು ನಿಧನರಾಗುತ್ತಿದ್ದಾರೆ. ಪ್ರಿಯಾ ಆನಂದ್ ತನ್ನ ಸಹನಟರಿಗೆ ಬ್ಯಾಡ್ ಲಕ್ ಆಗಿದ್ದಾರಾ” ಎಂದು ಪ್ರಶ್ನಿಸಿ ಟ್ವೀಟ್ ಮಾಡಿದ್ದನು.

https://twitter.com/lovel0velove143/status/1119809955610054656

ಈ ಟ್ವೀಟ್‍ಗೆ ಪ್ರತಿಕ್ರಿಯಿಸಿದ ಪ್ರಿಯಾ ಆನಂದ್, “ನಾನು ನಿನ್ನಂತಹ ವ್ಯಕ್ತಿಗಳಿಗೆ ಯಾವುದೇ ಪ್ರತಿಕ್ರಿಯೆ ನೀಡುವುದಿಲ್ಲ. ಆದರೆ ಇದು ತುಂಬಾ ಸೂಕ್ಷ್ಮವಾದ ವಿಚಾರ. ಹಾಗಾಗಿ ನಾನು ಪ್ರತಿಕ್ರಿಯಿಸುತ್ತಿದ್ದೇನೆ. ಸಾಮಾಜಿಕ ಜಾಲತಾಣದಲ್ಲಿ ಎಲ್ಲರ ಗಮನ ಸೆಳೆಯಲು ಇದು ಸುಲಭವಾದ ಕೆಲಸ. ಆದರೆ ನಾನು ನಿನ್ನ ಪ್ರಶ್ನೆಗೆ ಉತ್ತರ ಕೊಡುವ ಮೂಲಕ ಕೀಳು ಮಟ್ಟಕ್ಕೆ ಇಳಿಯುವುದಕ್ಕೆ ಇಷ್ಟಪಡುವುದಿಲ್ಲ” ಎಂದು ರೀ-ಟ್ವೀಟ್ ಮಾಡುವ ಮೂಲಕ ಖಡಕ್ ಆಗಿ ಪ್ರತಿಕ್ರಿಯಿಸಿದ್ದಾರೆ.

I usually don't respond to people like you. But I just want to let you know that it is a very insensitive thing to say. I get that its easy to get away sounding dumb on social media but you my friend have it an all time low! I'm not going to respond by bringing you down…

— Priya Anand (@PriyaAnand) April 21, 2019

ಇದಕ್ಕೆ ಪ್ರತಿಕ್ರಿಯಿಸಿದ ವ್ಯಕ್ತಿ, “ನನ್ನನ್ನು ಕ್ಷಮಿಸಿ. ನಾನು ನನ್ನ ತಪ್ಪನ್ನು ಒಪ್ಪಿಕೊಳ್ಳುತ್ತೇನೆ. ನಾನು ಇಂದು ನಿಮ್ಮ ‘ಎಲ್‍ಕೆಜಿ’ ಹಾಗೂ ‘ಇಂಗ್ಲಿಷ್ ವಿಂಗ್ಲಿಷ್’ ಚಿತ್ರ ವೀಕ್ಷಿಸುತ್ತಿದ್ದೆ. ಎರಡು ಚಿತ್ರದಲ್ಲೂ ನೀವು ಒಂದೇ ರೀತಿ ಇರುವ ಕಾರಣ ನನಗೆ ಈ ಪ್ರಶ್ನೆ ಕೇಳಬೇಕು ಅನಿಸಿತ್ತು. ಹಾಗಾಗಿ ನಾನು ನಿಮ್ಮನ್ನು ಟ್ವೀಟ್ ಮಾಡಿದೆ. ನೀವು ಟ್ವೀಟ್‍ಗಳನ್ನು ಓದುತ್ತೀರಾ ಎಂದು ನಾನು ಅಂದುಕೊಂಡಿರಲಿಲ್ಲ. ನಿಮ್ಮನ್ನು ನೋವು ಮಾಡಿದ್ದಕ್ಕೆ ನನ್ನನ್ನು ಕ್ಷಮಿಸಿ” ಎಂದು ಟ್ವೀಟ್ ಮಾಡಿದ್ದಾನೆ.

https://twitter.com/lovel0velove143/status/1119830944565747712

ವ್ಯಕ್ತಿ ಕ್ಷಮೆ ಕೇಳಿದ ನಂತರ ಪ್ರಿಯಾ, “ನೀನು ಕ್ಷಮೆ ಕೇಳಿದಕ್ಕೆ ಧನ್ಯವಾದಗಳು. ನಾನು ಇದನ್ನು ಮೆಚ್ಚಿಕೊಳ್ಳುತ್ತೇನೆ” ಎಂದು ಟ್ವೀಟ್ ಮಾಡಿ ಪ್ರತಿಕ್ರಿಯಿಸಿದ್ದಾರೆ.

Thank u for ur apology. I appreciate it.

— Priya Anand (@PriyaAnand) April 21, 2019

ಪ್ರಿಯಾ ಆನಂದ್ ಅವರ ಖಡಕ್ ಪ್ರತಿಕ್ರಿಯೆಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಿಪಡಿಸುತ್ತಿದ್ದಾರೆ. ಪ್ರಿಯಾ ಆನಂದ್ ಕನ್ನಡದಲ್ಲಿ ಪುನೀತ್ ರಾಜ್‍ಕುಮಾರ್ ಜೊತೆ ‘ರಾಜಕುಮಾರ’ ಹಾಗೂ ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಜೊತೆ ‘ಆರೆಂಜ್’ ಚಿತ್ರದಲ್ಲಿ ನಟಿಸಿದ್ದಾರೆ.