ಪುರುಷರ ಮರ್ಮಾಂಗಕ್ಕೆ ಯುವತಿ ಬಾಯಿಟ್ಟು ಎಡಿಟ್ – ಸೈಕೋ ಸ್ಟೂಡೆಂಟ್ ವಿರುದ್ಧ ದೂರು

ಬೆಂಗಳೂರು: ನಗರದ ಪ್ರತಿಷ್ಠಿತ ಕಾಲೇಜಿನ ಯುವತಿಗೆ ಸೀನಿಯರ್ ವಿದ್ಯಾರ್ಥಿ ಲೈಂಗಿಕ ಕಿರುಕುಳ ನೀಡಿದ ಘಟನೆ ಬೆಳಕಿಗೆ ಬಂದಿದೆ.

ಚೇತನ್ ಕಿರುಕುಳ ನೀಡಿದ ಸೀನಿಯರ್ ಸ್ಟೂಡೆಂಟ್. ಆರೋಪಿ ಚೇತನ್ ಸ್ನೇಹದ ನೆಪದಲ್ಲಿ ಯುವತಿಯ ನಂಬರ್ ಪಡೆಯುತ್ತಿದ್ದನು. ನಂತರ ಆ ವಿದ್ಯಾರ್ಥಿನಿಯ ಅಶ್ಲೀಲ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದನು. ಅಲ್ಲದೆ ಅಶ್ಲೀಲ ಫೋಟೊಗಳನ್ನು ಎಡಿಟ್ ಮಾಡಿ ಕಾಲೇಜಿನ ಗ್ರೂಪ್ ಹಾಗೂ ಕಾಲೇಜು ಪ್ರೊಫೆಸರಿಗೆ ಕಳುಹಿಸುತ್ತಿದ್ದನು.

ರಾತ್ರಿ ವೇಳೆ ಚೇತನ್ ಯುವತಿಗೆ ಕಾಲ್ ಮಾಡಿ ಹಾಗೂ ಮೆಸೇಜ್ ಮಾಡಿ ಅಶ್ಲೀಲ ಪದಗಳಿಂದ ನಿಂದಿಸುತ್ತಿದ್ದನು. ಇದರಿಂದ ಮನನೊಂದ ಯುವತಿ ಸದಾಶಿವನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ದೂರಿನಲ್ಲಿ ಏನಿದೆ?
ನನ್ನ ಕಾಲೇಜಿನಲ್ಲಿಯೇ ಓದುತ್ತಿದ್ದ ಸಿನಿಯರ್ ಸ್ಟೂಡೆಂಟ್ ಚೇತನ್ ವಾಟ್ಸಾಪ್ ಗ್ರೂಪ್ ಮೂಲಕ ನನಗೆ ಮೆಸೇಜ್ ಮಾಡುತ್ತಿದ್ದನು. ನಂತರ ಚೇತನ್ ಜೊತೆ ಮಾತನಾಡಲು, ಮೆಸೇಜ್ ಮಾಡಲು ಆತನ ಸ್ನೇಹಿತರು ನನಗೆ ಒತ್ತಾಯಿಸುತ್ತಿದ್ದರು. ಆತನ ಸ್ನೇಹಿತರು ಎಚ್ಚರಿಕೆ ಮೆಸೇಜ್ ಮಾಡುವ ಮೂಲಕ ಆತನ ಸ್ನೇಹ ಮಾಡಲು ಒತ್ತಾಯಿಸಿದಾಗ ಸ್ನೇಹಿತೆಯಂತೆ ಮಾತನಾಡಲು ಆರಂಭಿಸಿದ್ದೆ.

ಆದರೆ ಜೂನ್ ತಿಂಗಳಿನಲ್ಲಿ ಚೇತನ್ ನನಗೆ ಸಂಬಂಧಿಸಿದ ಫೋಟೋಗಳನ್ನು ಇನ್‍ಸ್ಟಾದಲ್ಲಿ ಹಾಕಿ ನನ್ನ ಮರ್ಯಾದೆಯನ್ನು ಹಾಳು ಮಾಡಿದ್ದಾನೆ. ನಾನು ಚೇತನ್ ನಂಬರ್ ಬ್ಲಾಕ್ ಮಾಡಿದೆ. ಆಗ ಆತ ನನ್ನ ಸ್ನೇಹಿತರ ಬಳಿ ನನ್ನ ಬಗ್ಗೆ ಕೆಟ್ಟದಾಗಿ ಮಾತನಾಡಿ ಗೌರವಕ್ಕೆ ಧಕ್ಕೆ ತಂದಿದ್ದಾನೆ. ಚೇತನ್ ಕೊನೆಯದಾಗಿ ನಾನು ನಿನ್ನ ಸ್ನೇಹಿತೆಯ ಕತುನ್ನು ಕೊಯ್ದು ಅವಳ ರಕ್ತದಿಂದ ಸ್ನಾನ ಮಾಡುತ್ತೇನೆ ಹಾಗೂ ನಿನ್ನ ಮತ್ತೊಬ್ಬ ಸ್ನೇಹಿತೆಯನ್ನು ರೇಪ್ ಮಾಡುವವರಿಗೆ 20 ಭಕ್ಷಿಸುಗಳನ್ನು ಕೊಡುತ್ತೇನೆ ಎಂದು ಮೆಸೇಜ್ ಮಾಡಿದ್ದನು.

ಚೇತನ್ ಕೆಲವು ಮೊಬೈಲ್ ಸಿಮ್‍ಗಳನ್ನು ಪಡೆದುಕೊಂಡು ಕರೆ ಮಾಡಿ ಮಾತನಾಡಲು ಆರಂಭಿಸಿದ್ದಾಗ ನಾನು ಆತನ ಕರೆಗಳನ್ನು ಕಟ್ ಮಾಡುತ್ತಿದ್ದೆ. ಆಗ ಆತ ನನಗೆ ಕೆಟ್ಟದಾಗಿ ಬೆದರಿಕೆ ಹಾಗೂ ಎಚ್ಚರಿಕೆಯ ಮೆಸೇಜ್‍ಗಳನ್ನು ಕಳುಹಿಸುತ್ತಿದ್ದನು. ಅಲ್ಲದೆ ಸ್ನೇಹಿತೆಯಾಗುವಂತೆ ಬೆದರಿಕೆ ಹಾಕಿ ನನ್ನನ್ನು ಹಿಂಬಾಲಿಸುತ್ತಿದ್ದಾನೆ. ಅಲ್ಲದೆ ಪುರುಷನ ಮರ್ಮಾಂಗ ನನ್ನ ಬಾಯಿಯ ಬಳಿ ಇರುವುದನ್ನು ನಾನು ನೋಡಿ ನಗುತ್ತಿರುವಂತೆ ನನ್ನ ಫೋಟೋಗಳನ್ನು ಎಡಿಟ್ ಮಾಡಿದ್ದಾನೆ. ಈತನ ವಿರುದ್ಧ ಕ್ರಮ ಕೈಗೊಳ್ಳಬೇಕು.