ನಿಷೇಧವಾಗಿದ್ದರೂ ಬರೋಬ್ಬರಿ 500, 1 ಸಾವಿರ ಮುಖಬೆಲೆಯ 3 ಕೋಟಿ ರೂ. ಪತ್ತೆ!

ಪುಣೆ: ನೋಟು ನಿಷೇಧವಾಗಿ ಸುಮಾರು ಒಂದೂವರೆ ವರ್ಷವಾದ್ರೂ 500 ಮತ್ತು 1,000 ರೂ. ಮುಖಬೆಲೆಯ ಬರೋಬ್ಬರಿ 3 ಕೋಟಿ ರೂ.ವನ್ನು ಶುಕ್ರವಾರ ಪೊಲೀಸರು ವಶ ಪಡಿಸಿಕೊಂಡಿದ್ದಾರೆ.

ಖಾದಕ್ ಪೊಲೀಸರು ಈ ಕಾರ್ಯಚರಣೆ ನಡೆಸಿದ್ದು, ಶುಕ್ರವಾರ ರಾತ್ರಿ ಕಾಂಗ್ರೆಸ್ ಶಾಸಕ ಸೇರಿದಂತೆ ಐದು ಜನರನ್ನು ಬಂಧಿಸಿದ್ದಾರೆ. ಶಾಸಕ ಗಜೇಂದ್ರ ಅಹ್ಹಂಗ್, ಸಂಗನ್ಮರ್ ಮುನಿಸಿಪಲ್ ಕೌನ್ಸಿಲ್ ನ ಕಾರ್ಪೊರೇಟರ್ ಎಂದು ತಿಳಿದುಬಂದಿದೆ. ಇತರರನ್ನು ವಿಜಯ್ ಶಿಂಧೆ (38), ಆದಿತ್ಯ ಘಾನ್ (25) ಮತ್ತು ನವನಾಥ್ ಭಂಡಾಗೆಲ್ (28) ಇವರು ಮೂಲತಃ ಪುಣೆಯವರಾಗಿದ್ದು, ಮತ್ತೊಬ್ಬ ಸತಾರಾ ಜಿಲ್ಲೆಯ ಸುರಾಜ್ ಜಗ್ತಾಪ್ (40) ಎಂದು ಗುರುತಿಸಲಾಗಿದೆ.

ಈ ಐದು ಬಂಧಿತ ಆರೋಪಿಗಳು ಶುಕ್ರವಾರ ರಾತ್ರಿ ರವಿವರ್ ಪೆಥ್ ಪ್ರದೇಶದಲ್ಲಿ ಹಳೆಯ ನೋಟುಗಳನ್ನು ವಿನಿಮಯ ಮಾಡಲು ಯತ್ನಿಸುತ್ತಿದ್ದರು. ಈ ಬಗ್ಗೆ ನಿಖರ ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಕೇವಲ 48 ಸಾವಿರ ರೂ.ವನ್ನು ಮಾತ್ರ ಹಳೆಯ ನೋಟಿನಿಂದ ನವೀಕರಣ ಮಾಡಲಾಗಿತ್ತು. ಇನ್ನುಳಿದ 2.99 ಕೋಟಿ ರೂ.ಗಳು ಹಳೆಯ 500 ಮತ್ತು 1,000 ರೂ. ನೋಟುಗಳಿದ್ದವು. ಸದ್ಯಕ್ಕೆ ಈ ಬಗ್ಗೆ ಆದಾಯ ತೆರಿಗೆ ಇಲಾಖೆಗೆ ಮಾಹಿತಿ ತಿಳಿದಿದ್ದು, ಅವರು ಸ್ಥಳಕ್ಕೆ ಬಂದು ಹಣವನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ವಶಪಡಿಸಿಕೊಂಡಿರುವ ಹಣವು ಯಾರದು ಎಂದು ತಿಳಿದುಕೊಳ್ಳಲು ತನಿಖೆಯನ್ನು ಮುಂದುವರೆಸಿದ್ದೇವೆ.

Pune: 5 people have been arrested & Rs 3 Crore in banned currency has been seized. Further investigation underway. #Maharashtra (20.07.18) pic.twitter.com/qLSa97c34u

— ANI (@ANI) July 20, 2018