ಆಲೂಗೆಡ್ಡೆ, ಗೋಧಿ ಹಿಟ್ಟಿನಿಂದ ಮಾಡಿ ರುಚಿಕರವಾದ ತಿಂಡಿ

ಮಕ್ಕಳು ಮನೆಯಲ್ಲಿರುವುದರಿಂದ ತಿನ್ನಲು ಏನಾದರೂ ಕೇಳುತ್ತಿರುತ್ತಾರೆ. ಮನೆಯಲ್ಲಿ ಆಲೂಗೆಡ್ಡೆ ಇದ್ದೆ ಇರುತ್ತದೆ. ಹೀಗಾಗಿ ರುಚಿಯಾದ ಆಲೂಗೆಡ್ಡೆ ಮತ್ತು ಗೋಧಿ ಹಿಟ್ಟಿನಿಂದ ಸ್ನ್ಯಾಕ್ಸ್ ಮಾಡಿ ಕೊಡಿ. ನಿಮಗಾಗಿ ಆಲೂಗೆಡ್ಡೆ, ಗೋಧಿ ಹಿಟ್ಟಿನಿಂದ ಮಾಡುವ ತಿಂಡಿಯ ವಿಧಾನ…

ಬೇಕಾಗುವ ಸಾಮಗ್ರಿಗಳು
1. ಆಲೂಗಡ್ಡೆ – 2
2. ಗೋಧಿ ಹಿಟ್ಟು – 1 ಕಪ್
3. ಜೀರಿಗೆ – 1 ಚಮಚ
4. ಹಸಿಮೆಣಸಿನಕಾಯಿ – 2
5. ಖಾರದ ಪುಡಿ – 1 ಟೀ ಸ್ಪೂನ್
6. ಕೋತ್ತಂಬರಿ ಸೊಪ್ಪು
7. ಎಣ್ಣೆ
8. ಅರಿಶಿಣ -ಚಿಟಿಕೆ
9. ಉಪ್ಪು – ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ
* ಆಲೂಗಡ್ಡೆಯ ಸಿಪ್ಪೆ ತೆಗೆದು ತೊಳೆದು ತುರಿದುಕೊಳ್ಳಿ. ತುರಿದುಕೊಂಡಿದ್ದ ಆಲೂಗಡ್ಡೆಯನ್ನು ಮತ್ತೊಮ್ಮೆ ತೊಳೆದು ಜರಡಿಯಲ್ಲಿ ಎತ್ತಿಟ್ಟುಕೊಳ್ಳಿ. ಆಲೂಗಡ್ಡೆಯ ನೀರಿನಂಶ ಕಡಿಮೆ ಆಗಬೇಕು.
* ಆಲೂಗಡ್ಡೆಯ ನೀರಿನಂಶ ಕಡಿಮೆಯಾದ ನಂತರ ಮಿಕ್ಸಿಂಗ್ ಬೌಲ್‍ಗೆ ಹಾಕಿಕೊಳ್ಳಿ. ಈಗ ಬೌಲ್‍ಗೆ ಕತ್ತರಿಸಿದ ಹಸಿ ಮೆಣಸಿನಕಾಯಿ, ಕೋತ್ತಂಬರಿ ಸೊಪ್ಪು, ಜೀರಿಗೆ, ಅರಿಶಿಣ, ಉಪ್ಪು ಸೇರಿಸಿ ಎಲ್ಲವನ್ನು ಮಿಕ್ಸ್ ಮಾಡಿಕೊಳ್ಳಿ.
* ಈಗ ಮಿಶ್ರಣಕ್ಕೆ ಗೋಧಿ ಹಿಟ್ಟು ಹಾಕಿ, ಸ್ವಲ್ಪ ನೀರು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ.
* ಸ್ಟೌವ್ ಮೇಲೆ ಪಡ್ಡು ಮಡೋ ಮಣೆಯನ್ನು ಇಟ್ಟುಕೊಂಡು ಎಲ್ಲ ಅಚ್ಚುಗಳಿಗೆ ಎಣ್ಣೆ ಹಾಕಿ.
* ಎಣ್ಣೆ ಬಿಸಿಯಾಗ್ತಿದ್ದಂತೆ ರೆಡಿಯಾದ ಮಿಶ್ರಣವನ್ನು ಎಲ್ಲ ಅಚ್ಚುಗಳಿಗೆ ಹಾಕಿ ಎರಡು ಕಡೆ ಬೇಯಿಸಿಕೊಂಡ್ರೆ ರುಚಿಕರವಾದ ಆಲೂಗೆಡ್ಡೆ ಸ್ನ್ಯಾಕ್ಸ್  ಸವಿಯಲು ಸಿದ್ಧ.