ಯುವ ಸಾಮ್ರಾಟ್ ಚಿರುಗೆ ರಿಯಲ್ ಸ್ಟಾರ್ ಉಪ್ಪಿ ಸಾಥ್?

– ಅಷ್ಟಕ್ಕೂ ಇವರಿಬ್ಬರು ಮಾಡ್ತಿರೋದೇನು ಗೊತ್ತಾ?

ಪವರ್ ಫುಲ್ ಟೈಟಲ್, ಕ್ಯಾಚಿ ಟ್ಯಾಗ್ ಲೈನ್ ಮೂಲಕ ಸ್ಯಾಂಡಲ್ ವುಡ್‍ನಲ್ಲಿ ಸಂಚಲನ ಸೃಷ್ಟಿಸ್ತಿರೋ ಸಿನಿಮಾ ‘ಖಾಕಿ’. ಯುವ ಸಾಮ್ರಾಟ್ ಚಿರಂಜೀವಿ ಸರ್ಜಾ, ಬ್ಯೂಟಿಫುಲ್ ತನ್ಯಾ ಹೋಪ್ ನಟನೆಯ ಸಿನಿಮಾ. ಈಗಾಗಲೇ ಟೀಸರ್ ಮೂಲಕ ಸೌಂಡ್ ಮಾಡ್ತಿರೋ ಖಾಕಿ ಚಿತ್ರ ಟ್ರೇಲರ್ ಇದೇ ತಿಂಗಳ 8ರಂದು ರಿಲೀಸ್ ಆಗ್ತಿದೆ. ಇಂಟ್ರೆಸ್ಟಿಂಗ್ ಅಂದ್ರೆ ರಿಯಲ್ ಸ್ಟಾರ್ ಉಪೇಂದ್ರ ಟ್ರೇಲರ್ ಲಾಂಚ್ ಮಾಡಲಿದ್ದಾರೆ.

ಅಂದಹಾಗೇ ಚಿತ್ರಕ್ಕೆ ನವೀನ್ ರೆಡ್ಡಿ ಆ್ಯಕ್ಷನ್ ಕಟ್ ಹೇಳಿದ್ದು, ಮಾಸ್ ಲೀಡರ್, ವಿಕ್ಟರಿ-2 ನಂತಹ ಅದ್ಭುತ ಸಿನಿಮಾಗಳನ್ನ ಕೊಟ್ಟಿರೋ ತರುಣ್ ಶಿವಪ್ಪ ಈ ಚಿತ್ರಕ್ಕೂ ಬಂಡವಾಳ ಹೂಡಿದ್ದಾರೆ. ಮೊದಲಿನಿಂದ್ಲೂ ತರುಣ್ ಟಾಕೀಸ್ ನಿಂದ ಹೊರ ಬಂದಿರೋ ಸಿನಿಮಾಗಳಲ್ಲಿ ತಾಂತ್ರಿಕ ಶ್ರೀಮಂತಿಕೆ ಎದ್ದು ಕಾಣುತ್ತದೆ. ಅಷ್ಟೇ ಅಲ್ಲದೇ ತಮ್ಮ ಸಿನಿಮಾಗಳಿಗೆ ಯಾವುದೇ ಅಗತ್ಯತೆ ಇದ್ದರೆ ಕೊರತೆಯಾಗದಂತೆ ನೋಡಿಕೊಳ್ತಾರೆ ತರುಣ್.

ಇನ್ನು ಖಾಕಿ ಚಿತ್ರಕ್ಕಡ ರಿತ್ವಿಕ್ ಸಂಗೀತ ನೀಡಿದ್ದು, ಬಾಲಾ ಛಾಯಾಗ್ರಹಣ, ವಿನೋದ್ ಸಾಹಸ ನಿರ್ದೇಶನ, ಕೆ.ಎಂ. ಪ್ರಕಾಶ್ ಸಂಕಲನ ಚಿತ್ರಕ್ಕಿದೆ. ಇನ್ನು ಜನವರಿ 24 ರಂದು ಖಾಕಿ ಸಿನಮಾ ಕನ್ನಡ, ತೆಲುಗು ಎರಡು ಭಾಷೆಯಲ್ಲೂ ತೆರೆ ಕಾಣಲಿದೆ.