ದಿಢೀರ್ ಎಂದು ಮಾಡಿ ‘ರವೆ ದೋಸೆ’

ಬೆಳಗ್ಗೆ ಎದ್ದ ತಕ್ಷಣ ತಾಯಂದಿರು ಏನು ತಿಂಡಿ ಮಾಡಬೇಕು ಎಂದು ಯೋಚನೆ ಮಾಡುತ್ತಿರುತ್ತಾರೆ. ಅದಕ್ಕೆ ಇಂದು ನಾವು ನಿಮಗೆ ಸುಲಭವಾಗಿ ಮತ್ತು ಸಿಂಪಲ್ ರೆಸಿಪಿಯಲ್ಲಿ ಹೇಗೆ ‘ರವೆ ದೋಸೆ’ ಮಾಡಬಹುದು ಎಂದು ಹೇಳಿಕೊಡುತ್ತಿದ್ದೇವೆ. ನೀವು ಇದನ್ನು ಮಾಡಿ ರುಚಿ ನೋಡಿ.

ಬೇಕಾಗುವ ಸಾಮಾಗ್ರಿಗಳು
* ರವೆ – 1 ಕಪ್
* ಅಕ್ಕಿ ಹಿಟ್ಟು – 1/2 ಕಪ್
* ಮೈದಾ ಹಿಟ್ಟು – 1/4 ಕಪ್
* ಸಣ್ಣಗೆ ಕಟ್ ಮಾಡಿದ ಹಸಿರು ಮೆಣಸಿನಕಾಯಿ – 1

* ಜೀರಿಗೆ – 1/2 ಟೀಸ್ಪೂನ್
* ರುಚಿಗೆ ತಕ್ಕಷ್ಟು ಉಪ್ಪು
* ಮೊಸರು – 1/4 ಕಪ್
* ಸಣ್ಣದಾಗಿ ಕಟ್ ಮಾಡಿದ ಈರುಳ್ಳಿ – 2 ಟೀಸ್ಪೂನ್
* ಕೊತ್ತಂಬರಿ ಸೊಪ್ಪು – ಅರ್ಧ ಕಪ್
* ಎಣ್ಣೆ
* ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ
* ಒಂದು ಪಾತ್ರೆಯಲ್ಲಿ ರವೆ, ಅಕ್ಕಿ ಹಿಟ್ಟು, ಮೈದಾ ಹಿಟ್ಟು, ಸಣ್ಣಗೆ ಹೆಚ್ಚಿದ ಹಸಿ ಮೆಣಸಿನಕಾಯಿ, ಜೀರಿಗೆ, ಉಪ್ಪು ಮತ್ತು ಮೊಸರು ತೆಗೆದುಕೊಳ್ಳಿ. ಚೆನ್ನಾಗಿ ಕಲಸಿ. * 2 ಕಪ್ ನೀರು ಸೇರಿಸಿ ಚೆನ್ನಾಗಿ ಬೆರೆಸಿ, ಹಿಟ್ಟನ್ನು 15 ನಿಮಿಷಗಳ ಕಾಲ ಹಾಗೆಯೇ ಬಿಡಿ.
* ನಂತರ ಮತ್ತೆ ಅರ್ಧ ಕಪ್ ನೀರು ಸೇರಿಸಿ ಚೆನ್ನಾಗಿ ಬೆರೆಸಿ. ದೋಸೆ ಹಿಟ್ಟು ಮಜ್ಜಿಗೆಯಷ್ಟೇ ತೆಳುವಾಗಿರಬೇಕು.
* ಬಿಸಿ ಕಾವಲಿ ಮೇಲೆ ನೀರು ಸಿಂಪಡಿಸಿ ಒಂದು ಬಟ್ಟೆಯಿಂದ ಒರೆಸಿ. ಸಣ್ಣಗೆ ಹೆಚ್ಚಿದ ಈರುಳ್ಳಿ ಮತ್ತು ಕೊತ್ತಂಬರಿ ಸೊಪ್ಪನ್ನು ಕಾವಲಿ ಮೇಲೆ ಹರಡಿ.
* ಒಂದು ಸಣ್ಣ ಲೋಟದ ಸಹಾಯದಿಂದ ದೋಸೆ ಹಿಟ್ಟನ್ನು ಕಾವಲಿಯ ಮೇಲೆ ಹರಡಿ. ಮೇಲ್ಗಡೆ ಒಂದು ಚಮಚ ಎಣ್ಣೆಯನ್ನು ಹಾಕಿ.
* ಮುಚ್ಚಳ ಮುಚ್ಚಿ ಮಧ್ಯಮ ಉರಿಯಲ್ಲಿ ದೋಸೆ ಗರಿಯಾಗುವ ತನಕ ಬೇಯಿಸಿ ತೆಗೆಯಿರಿ.

– ನಿಮಗಿಷ್ಟವಾದ ಚಟ್ನಿಯ ಜೊತೆ ಸವಿಯಲು ಗರಿಯಾದ ರವೆ ದೋಸೆ ರೆಡಿ

Live Tv