ಪೋಷಕರೇ.. ಮಕ್ಕಳಿಗೆ ಚಿಪ್ಸ್ ಕೊಡಿಸುವ ಮುನ್ನ ಹುಷಾರ್!

ರಾಯಚೂರು: ಪೋಷಕರೇ ನಿಮ್ಮ ಮಕ್ಕಳಿಗೆ ಬೇಕರಿ ತಿನಿಸುಗಳನ್ನು ಕೊಡುವ ಮೊದಲು ಹುಷಾರಾಗಿರಿ. ಯಾಕಂದ್ರೆ ತಂದೆಯೊಬ್ಬರು ತನ್ನ ಮಗಳಿಗೆ ಚಿಪ್ಸ್ ಕೊಡಿಸಿದಾಗ ಆ ಪ್ಯಾಕೆಟ್‍ನಲ್ಲಿ ಹುಳ ಕಂಡುಬಂದ ಘಟನೆ ರಾಯಚೂರಿನಲ್ಲಿ ನಡೆದಿದೆ.

ಜಿಲ್ಲೆಯ ಯದ್ಲಾಪುರ ಗ್ರಾಮದಲ್ಲಿ ಮಗಳಿಗೆ ಕೊಡಿಸಿದ ಯುರೋ ಕಂಪೆನಿ ಚಿಪ್ಸ್ ಪ್ಯಾಕೆಟ್ ನಲ್ಲಿ ಹುಳ ಕಂಡು ಪೋಷಕರು ದಂಗಾಗಿದ್ದಾರೆ. ಮಗಳು ಶಾಲೆಗೆ ಹೋಗಲು ಅಳುತ್ತಿದ್ದಾಳೆ ಅಂತ ರಮಿಸಲು ಕೊಡಿಸಿದ ಚಿಪ್ಸ್ ನಲ್ಲಿ ಹುಳ ಕಂಡುಬಂದಿದೆ.

ಎಕ್ಸ್ ಪೈರಿ ಡೇಟ್‍ಗಿಂತ ಮೊದಲೇ ಪ್ಯಾಕೆಟ್ ನಲ್ಲಿ ಚಿಪ್ಸ್ ಹಾಳಾಗಿದೆ. ಆತಂಕಗೊಂಡ ಪಾಲಕರು ಮುಂಜಾಗೃತವಾಗಿ ಚಿಪ್ಸ್ ತಿಂದ ಮಗುವನ್ನು ವೈದ್ಯರಿಗೆ ತೋರಿಸಿದ್ದಾರೆ.