ಪ್ರಶಾಂತ್ ರಾಜ್ ನಿರ್ದೇಶನದ ಆರೆಂಜ್ ಚಿತ್ರ ದೊಡ್ಡ ಮಟ್ಟದಲ್ಲಿ ಗೆಲ್ಲುವ ಸೂಚನೆ ದಟ್ಟವಾಗಿಯೇ ಕಾಣಿಸುತ್ತಿದೆ. ಇದಕ್ಕೆ ಇದರ ನಾಯಕಿ ಪ್ರಿಯಾ ಆನಂದ್ ಆಡಿರೋ ಮಾತುಗಳೇ ಮತ್ತಷ್ಟು ಪುಷ್ಟಿ ನೀಡುವಂತಿವೆ!
ಪ್ರಿಯಾ ಆನಂದ್ ಕನ್ನಡ ಪ್ರೇಕ್ಷಕರಿಗೆ ಅಪರಿಚಿತರೇನಲ್ಲ. ಕನ್ನಡ ಚಿತ್ರರಂಗದಲ್ಲಿ ಸಾರ್ವಕಾಲಿಕ ದಾಖಲೆ ಬರೆದಿರೋ ರಾಜಕುಮಾರ ಚಿತ್ರಕ್ಕೆ ನಾಯಕಿಯಾಗಿದ್ದವರು ಪ್ರಿಯಾ. ಈ ಚಿತ್ರದ ಮೂಲಕವೇ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದ ಪ್ರಿಯಾ ಪಾಲಿಗೆ ಆರೆಂಜ್ ಎರಡನೇ ಕನ್ನಡ ಚಿತ್ರ.
ಒಂದು ದೊಡ್ಡ ಫ್ಯಾಮಿಲಿ ಸುತ್ತಾ ಸುತ್ತೋ ಈ ಕಥೆಯನ್ನು ಖುಷಿಯಿಂದಲೇ ಪ್ರಿಯಾ ಒಪ್ಪಿಕೊಂಡಿದ್ದರಂತೆ. ಆ ಬಳಿಕ ಪ್ರಶಾಂತ್ ರಾಜ್ ಮತ್ತು ಗಣೇಶ್ ಅವರ ಸಾಂಗತ್ಯದಲ್ಲಿ ಚಿತ್ರೀಕರಣ ಮುಗಿದಿದ್ದೇ ಗೊತ್ತಾಗಿಲ್ಲ. ಈ ಹಿಂದೆ ಪುನೀತ್ ರಾಜ್ ಕುಮಾರ್ ಅವರ ಜೊತೆ ನಟಿಸಿದ್ದ ತನ್ನ ಪಾಲಿಗೆ ಗಣೇಶ್ ಜೊತೆ ನಟಿಸಿದ್ದೇನೆ ಎಂಬುದೂ ಹೆಮ್ಮೆಯ ವಿಚಾರವೇ ಅಂದಿದ್ದಾರೆ ಪ್ರಿಯಾ.
ರಾಜಕುಮಾರ್ ಚಿತ್ರದಂತೆಯೇ ಫ್ಯಾಮಿಲಿ ಡ್ರಾಮ ಹೊಂದಿರೋ ಆರೆಂಜ್ ಬಗ್ಗೆ ಭಾರೀ ನಿರೀಕ್ಷೆ ಇಟ್ಟುಕೊಂಡಿರೋ ಪ್ರಿಯಾ ಪಾಲಿಗೆ ಈ ಚಿತ್ರೀಕರಣಂದ ಅನುಭವ ಕನ್ನಡದಲ್ಲಿಯೇ ನೆಲೆಗೊಳ್ಳಲು ಆಸಕ್ತಿ ಮೂಡುವಂತೆ ಮಾಡಿದೆಯಂತೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
Leave a Reply