ಬೆಳಗ್ಗೆ 5 ಗಂಟೆಗೆ ಕರೆ ಮಾಡಿ ಪೊಲೀಸ್ ಅತಿಥಿಯಾದ

ನೊಯ್ಡಾ: ತನ್ನ ಪತ್ನಿಯನ್ನು ಅತ್ಯಾಚಾರವೆಸಗಿ ಹತ್ಯೆ ಮಾಡಿದ್ದಾರೆಂದು ಸುಳ್ಳು ದೂರು ನೀಡಿದ ವ್ಯಕ್ತಿಯೊಬ್ಬ ಪೊಲೀಸ್ ಅತಿಥಿಯಾಗಿರುವ ಘಟನೆ ಉತ್ತರ ಪ್ರದೇಶದ ನೊಯ್ಡಾದಲ್ಲಿ ನಡೆದಿದೆ.

ನೊಯ್ಡಾ ಪೇಸ್ 2 ಪೊಲೀಸ್ ಠಾಣೆ ವ್ಯಾಪ್ತಿಯ ಇಲಾಹಾಬಸ್ ನಿವಾಸಿ 30 ವರ್ಷದ ನರೇಶ್ ಸಿಂಗ್ ಬಂಧಿತ ವ್ಯಕ್ತಿ. ಸುಳ್ಳು ದೂರು ನೀಡಿದ ಪ್ರಕರಣದ ಮೇಲೆ ಪೊಲೀಸರು ನರೇಶ್ ನನ್ನು ಬಂಧಿಸಿದ್ದಾರೆ.

#NoidaPolice

डायल-100 पर झूठी सूचना देना वाला गिरफ्तार | – थाना फेस-2 नोएडा@Uppolice @dgpup pic.twitter.com/dDRsrvyDUR

— POLICE COMMISSIONERATE GAUTAM BUDDH NAGAR (@noidapolice) July 4, 2019

ವ್ಯಕ್ತಿ ಬುಧವಾರ ಬೆಳಗ್ಗೆ 5 ಗಂಟೆಗೆ ಪೊಲೀಸ್ ಕಂಟ್ರೋಲ್ ರೂಂ 100ಕ್ಕೆ ಕರೆ ಮಾಡಿ, ನನ್ನ ಪತ್ನಿಯನ್ನು ಅತ್ಯಾಚಾರವೆಸಗಿ ಹತ್ಯೆ ಮಾಡಲಾಗಿದೆ ಎಂದು ದೂರು ನೀಡಿದ್ದಾನೆ. ಪೊಲೀಸ್ ತಂಡ ತಕ್ಷಣವೇ ಗ್ರಾಮದ ಆತನ ಮನೆಗೆ ಧಾವಿಸಿದ್ದು, ಮನೆಯಲ್ಲಿ ಎಲ್ಲವೂ ಸರಿಯಾಗಿಯೇ ಇದೆ. ಆತನ ಪತ್ನಿಯೂ ಸಹ ಮನೆಯಲ್ಲಿಯೇ ಇದ್ದು, ಚೆನ್ನಾಗಿಯೇ ಇದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.

ನರೇಶ್ ಸಿಂಗ್‍ನನ್ನು ಐಪಿಸಿ ಸೆಕ್ಷನ್ 107 (ಪಿತೂರಿ ನಡೆಸಿರುವುದು), 116 (ಅಪರಾಧ ನಡೆಯದಿದ್ದರೂ, ಅಪರಾಧಕ್ಕೆ ಪ್ರಚೋದಿಸಿರುವುದು) ಹಾಗೂ ಸೆಕ್ಷನ್ 151 ಕ್ರಿಮಿನಲ್ ಪ್ರೊಸಿಜರ್ ಕೋಡ್ ಅಡಿ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.