ರಾಕಿಂಗ್ ಸ್ಟಾರ್ ಯಶ್ ನ್ಯೂ ಲುಕ್ – ಅಭಿಮಾನಿಗಳಿಗೆ ನೀಡ್ತಿದೆ ಸಖತ್ ಕಿಕ್

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಅಭಿನಯಿಸುತ್ತಿರುವ `ಕೆಜಿಎಫ್, ಸಿನಿಮಾದ ಒಂದೊಂದೇ ಲುಕ್ ಬಿಡಿಗಡೆಯಾಗುತ್ತಿದ್ದು, ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಯಶ್ ಅವರ ನಯಾ ಫೋಟೋವೊಂದು ಸಖತ್ ವೈರಲ್ ಆಗಿದೆ.

ಯಶ್ ದಿನಕ್ಕೊಂದು ವಿಷ್ಯದಿಂದ ಸುದ್ದಿಯಾಗುತ್ತಲ್ಲೇ ಇರುತ್ತಾರೆ. ಇವತ್ತು ನಯಾ ಲುಕ್ ವಿಚಾರವಾಗಿ ಸಿಕ್ಕಾಪಟ್ಟೆ ಸುದ್ದಿಯಾಗಿದ್ದಾರೆ. ಆಗಲೇ ಹೇಳಿದ ಹಾಗೇ ಯಶ್ ಹೊಸ ಹೊಸ ಲುಕ್‍ನ ಟ್ರೈ ಮಾಡುತ್ತಲ್ಲೇ ಇರುತ್ತಾರೆ. ಕೆಜಿಎಫ್‍ನಲ್ಲೂ ಡಿಫರೆಂಟ್- ಡಿಫರೆಂಟ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ರಿಲೀಸ್ ಆಗಿರುವ ಪೋಸ್ಟರ್ ಗಳಲ್ಲಿ ಖಡಕ್ಕಾಗಿ ಮಿಂಚಿ ಸಿನಿಮಾ ಬಗ್ಗೆ ಇನ್ನಿಲ್ಲದ ನಿರೀಕ್ಷೆ ಮೂಡಿಸಿದ್ದಾರೆ.

ಲಕ್ಕಿ ಸಿನಿಮಾದಲ್ಲಿ ಯಶ್ ಹಾಗೂ ರಮ್ಯಾ ಜತೆ ಶ್ವಾನವೊಂದು ಮಿಂಚಿತ್ತು. ಈಗ ಯಸ್ ಜೊತೆ ಶ್ವಾನ ಕೂಡ ಇರುವುದರಿಂದ ಸಾಮಾಜಿಕ ಜಾಲತಾಣದಲ್ಲಿ ಈ ಫೋಟೋ ವೈರಲ್ ಆಗಿದೆ.

ಕೆಜಿಎಫ್ ಸಿನಿಮಾದಲ್ಲಿ ಯಸ್ ಜೊತೆ ಶ್ವಾನವೂ ಇರುತ್ತಾ ಅಂತ ಕನ್ ಪ್ಯೂಸ್ ಆಗಬೇಡಿ. ಅದು ಕೆಜಿಎಫ್ ಸಿನಿಮಾದ ಲುಕ್ ಅಲ್ಲ. ಯಶ್ ಅಭಿಮಾನಿಗಳೇ ಸೇರಿಕೊಂಡು ಮಾಸ್ಟರ್ ಪೀಸ್ ಖದರ್ ತೋರಿಸುತ್ತಿರುವ ಪೋಸ್ಟರ್ ವೊಂದನ್ನ ಡಿಸೈನ್ ಮಾಡಿದ್ದಾರೆ.

ಸದ್ಯಕ್ಕೆ ಕೆಜಿಎಫ್ ಚಿತ್ರೀಕರಣ ನಡೆಯುತ್ತಿದ್ದು, ಒಂದು ಹಾಡಿನ ಶೂಟಿಂಗ್ ಮಾತ್ರ ಬಾಕಿಯಿದೆ. ಯಸ್ ಜತೆ ಶ್ವಾನವು ಇರಬೇಕು. ಸೈನಿಕನಂತೆ ಅಣ್ತಮ್ಮ ಘರ್ಜಿಸಬೇಕು ಅನ್ನೋದು ಅವರ ಅಭಿಮಾನಿಗಳ ಆಶಯ.