ಬೆಂಗಳೂರು: ಬಿಗ್ ಬಾಸ್ ಸೀಸನ್-6ರಲ್ಲಿ ಕಳೆದ ಶನಿವಾರ ಸ್ಫರ್ಧಿ ಸೋನು ಪಾಟೀಲ್ ಬಿಗ್ ಮನೆಯಿಂದ ಎಲಿಮಿನೇಟ್ ಆಗಿದ್ದಾರೆ. ಸೋನು ಮನೆಯಿಂದ ಹೊರಬರುವಾಗ ಗಾಯಕ ನವೀನ್ ಸಜ್ಜು ಅವರಿಗೆ ಉಡುಗೊರೆಯೊಂದು ನೀಡಿದ್ದು, ಸೋನು ಪ್ರೀತಿಯಿಂದ ನವೀನ್ ಅವರನ್ನು ತಬ್ಬಿಕೊಂಡರು.
ಕಳೆದ ಶನಿವಾರ ‘ವಾರದ ಕತೆ ಕಿಚ್ಚನ ಜೊತೆ’ ಸಂಚಿಕೆಯಲ್ಲಿ ಸುದೀಪ್ ಅವರು ಸೋನು ಪಾಟೀಲ್‍ರನ್ನು ಮನೆಯಿಂದ ಹೊರಬರುವಂತೆ ಹೇಳಿದರು. ಎಲ್ಲರೂ ಸೋನು ಅವರನ್ನು ಮುಖ್ಯ ದ್ವಾರದ ಮೂಲಕ ಮನೆಯಿಂದ ಬೀಳ್ಕೊಟ್ಟರು.
ಈ ವೇಳೆ ನವೀನ್ ರೂಮಿಗೆ ಓಡಿ ಹೋಗಿ ತನ್ನ ಲಗೇಜ್‍ನಲ್ಲಿದ್ದ ಜರ್ಕಿನ್ ತೆಗೆದುಕೊಂಡು ಅದನ್ನು ಸೋನು ಅವರಿಗೆ ಉಡುಗೊರೆಯಾಗಿ ನೀಡಿದರು. ಸೋನು ಜರ್ಕಿನ್ ಪಡೆದು ನಾನು ಒಮ್ಮೆ ನಿನ್ನನ್ನು ತಬ್ಬಿಕೊಳ್ಳಬೇಕು ಎಂದು ಹೇಳಿ ನವೀನ್‍ರನ್ನು ಪ್ರೀತಿಯಿಂದ ತಬ್ಬಿಕೊಂಡರು.
ಈ ಹಿಂದೆ ಟಾಸ್ಕ್ ವೊಂದರಲ್ಲಿ ಸೋನು, ನವೀನ್ ನನಗೆ ಒಳ್ಳೆಯ ಸ್ನೇಹಿತ. ನನಗೆ ಅವನ ಮೇಲೆ ಲವ್ ಇಲ್ಲ. ಕಷ್ಟ ಬಂದಾಗ ನನಗೆ ಯಾರೂ ಸಹಾಯ ಮಾಡಿಲ್ಲ. ಆದರೆ ನವೀನ್ ಹೆಣ್ಣುಮಕ್ಕಳಿಗೆ ಬಹಳ ಗೌರವ ನೀಡುತ್ತಾನೆ. ನನಗೆ ಚಳಿ ಆಗುತ್ತಿರುವಾಗ ಅವನು ಜರ್ಕಿನ್ ಕೊಟ್ಟ. ಹಾಗಾಗಿ ಫ್ರೆಂಡ್ ಆಗಿ ನವೀನ್ `ಐ ಲವ್ ಯು’ ಎಂದು ಹೇಳಿದರು.
ಅಲ್ಲದೇ ನಾನು ಸ್ನೇಹಿತನಾಗಿ ನಿನ್ನನ್ನು ಇಷ್ಟಪಡುತ್ತೇನೆ. ಲವ್, ಮದುವೆ ಎಂದರೆ ನನಗೆ ಇಷ್ಟವಿಲ್ಲ ಎಂದು ಸೋನು ಅವರು ನವೀನ್‍ಗೆ ಸ್ಪಷ್ಟಪಡಿಸಿದರು. ಸೋನು ಮಾತನ್ನು ಕೇಳಿ ನವೀನ್, ನಿನ್ನನ್ನು ಒಳ್ಳೆಯ ಗೆಳತಿ ಎಂದು ಸ್ವೀಕರಿಸುತ್ತೇನೆ ಎಂದು ಹೇಳಿದರು.
ಸೋನು, ನವೀನ್‍ಗೆ ಐ ಲವ್ ಯೂ ಎಂದು ಹೇಳಿದ ಬಳಿಕ ಮನೆಯಲ್ಲಿದ್ದವರು ಇಬ್ಬರ ಬಗ್ಗೆ ಮಾತನಾಡಲು ಶುರು ಮಾಡಿದ್ದರು. ಇತರರ ಮಾತುಗಳಿಂದ ಕೋಪಗೊಂಡ ಸೋನು ಪಾಟೀಲ್, ನೀನು ನನಗೆ ಸ್ನೇಹಿತನಾಗಿ ಇಷ್ಟ. ಲವ್ ಮಾಡಿದರೆ ನಾನು ನಿನ್ನೇ ಲವ್ ಮಾಡ್ತೇನೆ. ಅದು ಏನ್ ಮಾಡಿಕೊಳ್ಳುತ್ತೀಯೋ ಮಾಡಿಕೋ ಎಂದು ಸವಾಲು ಹಾಕಿದ್ದರು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
Leave a Reply