ಬೆದರಿಕೆಯೊಡ್ಡಿ ಹೆತ್ತ ತಾಯಿಯನ್ನೇ ಅತ್ಯಾಚಾರಗೈದ ಕಾಮುಕ ಮಗ

– ಕಳೆದ ಮೂರು ತಿಂಗಳುಗಳಿಂದ ನಿರಂತರ ರೇಪ್
– ತಾಯಿಗೆ ಹೊಡೆದು ಬಡಿದು ಕಿರುಕುಳ

ಮುಂಬೈ: ಮಹಾರಾಷ್ಟ್ರದ ಔರಂಗಾಬಾದಿನಲ್ಲಿ 20 ವರ್ಷದ ಮಗನೋರ್ವ ಹೆತ್ತ ತಾಯಿಗೆ ಜೀವ ಬೆದರಿಕೆಯೊಡ್ಡಿ ನಿರಂತರ ಅತ್ಯಾಚಾರವೆಸೆಗಿದ ನೀಚ ಪ್ರಕರಣ ಬೆಳಕಿಗೆ ಬಂದಿದೆ.

ಕಳೆದ ಮೂರು ತಿಂಗಳಿಂದ ತನ್ನ ಮೇಲೆ ಮಗ ಅತ್ಯಾಚಾರ ನಡೆಸುತ್ತಾ ಬಂದಿದ್ದಾನೆ ಎಂದು ತಾಯಿಯೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ಆಧಾರದ ಮೇಲೆ ಬುಧವಾರ ಇಂತಹ ನೀಚ ಕೃತ್ಯವೆಸೆಗಿದ ಕಾಮುಕ ಮಗನನ್ನು ಪೊಲೀಸರು ಬಂಧಿಸಿದ್ದಾರೆ. ಇದನ್ನೂ ಓದಿ: ಸೆಕ್ಸ್ ನಂತ್ರ 500 ರೂ. ಕೇಳಿದ ಪ್ರೇಯಸಿಯನ್ನೇ ಕೊಂದ

ಆರೋಪಿಯ ತಂದೆ 7 ವರ್ಷಗಳ ಹಿಂದೆ ಮೃತಪಟ್ಟಿದ್ದು, ಕುಟುಂಬ ನಿರ್ವಹಣೆಗಾಗಿ ತಾಯಿ ಆಸ್ಪತ್ರೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ. ತಾಯಿಗೆ ಒಟ್ಟು 4 ಮಕ್ಕಳಿದ್ದು ಅವರಲ್ಲಿ ಆರೋಪಿ ಹಿರಿಯ ಮಗನಾಗಿದ್ದಾನೆ. ಆದರೆ ಮನೆ ನಡೆಸಲು ತಾಯಿಗೆ ನೆರವಾಗಬೇಕಿದ್ದ ಮಗ ಮಾತ್ರ ಬೇಜವಬ್ದಾರಿಯಿಂದ ಪ್ರತಿದಿನ ಮನೆಗೆ ಕುಡಿದು ಬಂದು ಗಲಾಟೆ ಮಾಡುತ್ತಿದ್ದನು. ಮದ್ಯಕ್ಕಾಗಿ ಹಣ ನೀಡುವಂತೆ ತಾಯಿಯನ್ನು ಪೀಡಿಸುತ್ತಿದ್ದನು. ತಾಯಿ ಹಣ ನೀಡಲು ನಿರಾಕರಿಸಿದಾಗ ಹಲ್ಲೆ ನಡೆಸುತ್ತಿದ್ದನು. ಅಷ್ಟೇ ಅಲ್ಲದೆ ಕಳೆದ 3 ತಿಂಗಳಲ್ಲಿ ಹಲವು ಬಾರಿ ತಾಯಿಯ ಮೇಲೆ ಅತ್ಯಾಚಾರ ಎಸಗಿದ್ದಲ್ಲದೇ ಕೊಲೆ ಬೆದರಿಕೆ ಕೂಡ ಹಾಕಿದ್ದಾನೆ. ಇದನ್ನೂ ಓದಿ: ನಾಲ್ಕು ವರ್ಷದವಳಿದ್ದಾಗಿಂದಲೂ ಅತ್ಯಾಚಾರ- 40 ವರ್ಷದ ಮಹಿಳೆ ಆರೋಪ

ಈ ಬಗ್ಗೆ ಯಾರಿಗಾದರು ಹೇಳಿದರೆ ಕೊಲೆ ಮಾಡುತ್ತೇನೆ ಎಂದು ತಾಯಿಯನ್ನು ಹೆದರಿಸಿದ್ದಾನೆ. ಆದರೆ ಮಗನ ಕ್ರೌರ್ಯಕ್ಕೆ ಬೇಸತ್ತ ತಾಯಿ ಕೊನೆಗೂ ಪೊಲೀಸರ ಮೊರೆಹೋಗಿದ್ದು, ತನ್ನ ಮೇಲೆ ಮಗ ಎಸೆಗಿರುವ ದೌರ್ಜನ್ಯ ಅತ್ಯಾಚಾರದ ಕುರಿತು ಪೊಲೀಸರಿಗೆ ತಿಳಿಸಿ, ಮಗನ ವಿರುದ್ಧ ದೂರು ಕೊಟ್ಟಿದ್ದಾರೆ.

ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿ ಮಗನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ಬಂಧಿಸಿ, ಸ್ಥಳೀಯ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ. ಸದ್ಯ ನ್ಯಾಯಾಲಯ ಆರೋಪಿಯನ್ನು ಪೊಲೀಸ್ ಕಸ್ಟಡಿಗೆ ಒಪ್ಪಿಸಿದೆ.