ನನ್ನನ್ನು ಬಿಟ್ ಹೋಗ್ಬೇಡ- ನರಳಾಡುತ್ತಿದ್ದ ಮರಿಯನ್ನು ರಕ್ಷಿಸಿದ ತಾಯಿ ಕೋತಿ ಮನಕಲಕುವ ವಿಡಿಯೋ ನೋಡಿ

ಕೊಪ್ಪಳ: ತಾಯಿ ತನ್ನ ಮಕ್ಕಳನ್ನು ಹೇಗೆ ಕಾಪಾಡಿಕೊಳ್ಳುತ್ತಾಳೆ ಎನ್ನುವುದನ್ನು ಕೋತಿಯೊಂದು ತೋರಿಸಿಕೊಟ್ಟಿದೆ. ಕೊಪ್ಪಳದ ಕಿನ್ನಾಳ ರಸ್ತೆಯಲ್ಲಿ ಗಾಯಗೊಂಡು ನರಳಾಡುತ್ತ ಬಿದ್ದಿದ್ದ ತನ್ನ ಮರಿಯನ್ನು ಕೋತಿಯೊಂದು ರಕ್ಷಿಸಿ ಆರೈಕೆ ಮಾಡಿದೆ.

ಗಾಯಗೊಂಡು ನರಳಾಡುತ್ತಿದ್ದ ಮರಿಯನ್ನು ಗಮನಿಸಿದ ತಾಯಿ ಕೋತಿ ಅದನ್ನು ರಕ್ಷಣೆ ಮಾಡಿಕೊಂಡಿದೆ. ರಸ್ತೆಯಲ್ಲಿ ಬಿದ್ದು ಒದ್ದಾಡುತ್ತಿದ್ದ ಮರಿಯನ್ನು ಕಷ್ಟ ಪಟ್ಟು ಎತ್ತುಕೊಂಡು ಹೋಗಿ ಆರೈಕೆ ಮಾಡಿ ತಾಯಿ ಪ್ರೀತಿಯನ್ನು ತೋರಿಸಿದೆ.

ಸ್ವಲ್ಪ ದೂರ ಹೊತ್ತುಕೊಂಡು ಹೋಗುತ್ತಿದ್ದಾಗ ಭಾರವಿದ್ದ ಮರಿ ನೆಲಕ್ಕೆ ಬಿದ್ದಿದೆ. ನಂತರ ತಾಯಿ ಕೋತಿ ಮುಂದೆ ಹೆಜ್ಜೆ ಹಾಕುತ್ತಿದ್ದಂತೆ ಮರಿ ಕೋತಿ “ಅಮ್ಮ ನನ್ನನ್ನು ಬಿಟ್ಟು ಹೋಗಬೇಡ. ನಾನು ನಿನ್ನ ಜೊತೆ ಬರುತ್ತೇನೆ” ಎಂದು ಹೇಳುವಂತೆ ತಾಯಿಯನ್ನು ಬಿಗಿದು ಅಪ್ಪಿ ಅಪ್ಪಿಕೊಂಡಿದೆ. ಮರಿಯ ನೋವನ್ನು ಕಂಡು ತಾಯಿ ಕೋತಿ ನಂತರ ಕಷ್ಟಪಟ್ಟು ಹೆಜ್ಜೆ ಹಾಕಿ ಮುಂದೆ ಸಾಗಿದೆ.

https://www.youtube.com/watch?v=gCzriAEEkXg

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv