ಅತ್ತೆಗೆ ಮನಸೋತ ಅಳಿಯ, ಒಪ್ಪದಿದ್ರೆ ಕೊಲ್ಲೋದಾಗಿ ಬೆದರಿಕೆ ಹಾಕ್ದ!

ವಿಜಯಪುರ: ಇಲ್ಲೊಬ್ಬ ಅಳಿಯ ತನ್ನ ಅತ್ತೆಯ ಮೇಲೆ ಮನಸೋತಿದ್ದಾನೆ. ತನ್ನ ಮಾತು ಕೇಳದ ಅತ್ತೆಯ ಮೇಲೆ ಹಲ್ಲೆ ಮಾಡಿ ಈಗ ನಾಪತ್ತೆಯಾಗಿದ್ದಾನೆ.

ನಗರದ ಅಲಿಯಾಬಾದ ಹತ್ತಿರದ ದಡ್ಡಿ ಗಲ್ಲಿಯ ನಿವಾಸಿಯಾದ ಸಂತ್ರಸ್ತ ಮಹಿಳೆ ತಮ್ಮ ಮಗಳನ್ನು ಅಮೋಘ ಎಂಬಾತನಿಗೆ ಮದುವೆ ಮಾಡಿಕೊಟ್ಟಿದ್ದರು. ಅಮೋಘ ಮಗಳ ಜೊತೆಗೆ ಅತ್ತೆಯ ಮೇಲೂ ಮೋಹಕ್ಕೊಳಗಾಗಿದ್ದು ಲೈಂಗಿಕ ಕ್ರಿಯೆಗೆ ಆಹ್ವಾನಿಸಿದ್ದಾನೆ.

ಆದರೆ ಅತ್ತೆ ಇದಕ್ಕೆ ನಿರಾಕರಿಸಿದ್ದಾರೆ. ಅಂದಿನಿಂದ ಅತ್ತೆಯನ್ನು ಹಿಂಬಾಲಿಸುವುದು, ಯಾರಾದ್ರೂ ಹತ್ತಿರ ಮಾತನಾಡಿಸಿದ್ರೆ ಅವರ ಮೇಲೆ ಹರಿಹಾಯ್ದು ಮಾಡುತ್ತಿದ್ದನಂತೆ. ಮೇ 21 ರಂದು ಮನೆಗೆ ನುಗ್ಗಿ ಅತ್ತೆಯ ಮೇಲೆ ಹಲ್ಲೆ ನಡೆಸಿ ಪರಾರಿಯಾಗಿದ್ದೇನೆ. ಅಳಿಯನಿಂದ ಹಲ್ಲೆಗೊಳಗಾದ ಅತ್ತೆಯನ್ನು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ಈ ಸಂಬಂಧ ಹಲ್ಲೆ ಮತ್ತು ಲೈಂಗಿಕ ದೌರ್ಜನ್ಯ ಅನ್ವಯದಡಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಪೊಲೀಸರು ಅಮೋಘನ ಪತ್ತೆಗಾಗಿ ಬಲೆ ಬೀಸಿದ್ದಾರೆ.