ಸತ್ತು ದುರ್ವಾಸನೆ ಬರ್ತಿದ್ರೂ ಮರಿಯನ್ನು ಹಿಡಿದುಕೊಂಡು ಅಳುತ್ತಿರೋ ತಾಯಿ ಕೋತಿ- ಕೋಲಾರದಲ್ಲೊಂದು ಮನಕಲಕುವ ಘಟನೆ

ಕೋಲಾರ: ತನ್ನ ಕಂದಮ್ಮ ಸತ್ತು ಎರಡು ದಿನಗಳು ಕಳೆದ್ರೂ ತನ್ನೊಂದಿಗೆ ಮರಿಯನ್ನು ಇರಿಸಿಕೊಂಡಿರುವ ತಾಯಿ ಕೋತಿಯ ಹೃದಯವಿದ್ರಾವಕ ಘಟನೆಯೊಂದು ಕೋಲಾರದಲ್ಲಿ ಬೆಳಕಿಗೆ ಬಂದಿದೆ.

ಜಿಲ್ಲೆಯ ಮುಳಬಾಗಿಲು ಪಟ್ಟಣದ ರಸ್ತೆ ಬದಿಯಲ್ಲಿ ಕುಳಿತಿರೋ ತಾಯಿ ಕೋತಿಯ ರೋಧನೆ ಎಂತಹವರ ಕಣ್ಣುಗಳಲ್ಲೂ ನೀರು ತರಿಸುವಂತಿತ್ತು. ಕೋತಿಯೊಂದು ತನ್ನ ಮರಿ ಸತ್ತು ಹೋಗಿದ್ದರು ಕರುಳಿನ ಕುಡಿಯನ್ನ ಬಿಸಾಕದೆ ರೋಧಿಸುತ್ತಾ ಗುಂಪಿನ ಕೋತಿಗಳ ಜೊತೆಗೆ ಆಹಾರ ಹುಡುಕುತ್ತಿದ್ದ ದೃಶ್ಯ ಮನ ಕಲಕುತ್ತಿದೆ.

ಮನುಷ್ಯ ಸತ್ತರೆ ಶವ ಸಂಸ್ಕಾರ ನಡೆಸಿದ ಮೇಲೆ ಮರೆಯುತ್ತೇವೆ. ಆದರೆ ಈ ಕೋತಿಯ ತನ್ನ ಮರಿ ಸತ್ತು ಎರಡು ದಿನಗಳೇ ಕಳೆದಿವೆ. ಆದರೆ ಈ ಕೋತಿ ತನ್ನ ಮರಿ ಸತ್ತು ದುರ್ವಾಸನೆ ಬರುತ್ತಿದ್ದರೂ, ಮೃತ ಮರಿ ದೇಹ ಬಿಡದೆ ಎತ್ತಿಕೊಂಡು ತಿರುಗುತ್ತಿದ್ದನ್ನು ಕಂಡು ಜನ ತಾಯಿ ಕೋತಿಯ ಪ್ರೀತಿಗೆ ಸಾಟಿಯಿಲ್ಲವೆಂದು ಮರುಗಿದರು.

https://www.youtube.com/watch?v=skyOeTFt_nY