ಅಂಡರ್ ಪಾಸ್ ಸೇತುವೆ ವ್ಯಕ್ತಿಯ ಮೇಲೆ ಹುಚ್ಚಾಟ – ಇಳಿಸಲು ಹರಸಾಹಸ ಪಟ್ಟ ಪೊಲೀಸರು- ವಿಡಿಯೋ ವೈರಲ್

ತುಮಕೂರು: ನಗರದ ಉಪ್ಪಾರಹಳ್ಳಿ ಅಂಡರ್ ಪಾಸ್ ಸೇತುವೆ ಮೇಲೆ ಹತ್ತಿ ಮಾನಸಿಕ ಅಸ್ವಸ್ಥನೊಬ್ಬ ರಂಪಾಟ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಉಪ್ಪಾರಹಳ್ಳಿ ಅಂಡರ್ ಪಾಸ್ ಸೇತುವೆಯ ಮೆಟಲ್ ಟ್ರಾಕ್ ಮೇಲೆ ಹತ್ತಿ ಕುಳಿತು ಮಾನಸಿಕ ಅಸ್ವಸ್ಥನೊಬ್ಬ ಹುಚ್ಚಾಟ ಮಾಡಿದ್ದಾನೆ. ಆತನ್ನು ಕೆಳಗೆ ಇಳಿಸಲು ಪೊಲೀಸರು ಹರಸಾಹಸವನ್ನೆ ಪಡಬೇಕಾಯಿತು. ಕೊನೆಗೆ ಅಂಡರ್ ಪಾಸ್ ರಸ್ತೆಯಲ್ಲಿ ಬಂದ ಬಸ್ಸೊಂದನ್ನು ನಿಲ್ಲಿಸಿ, ಅದನ್ನು ಬಳಸಿ ಮಾನಸಿಕ ಅಸ್ವಸ್ಥನನ್ನು ಪೊಲೀಸರು ಕೆಳಗಿಳಿಸಿದ್ದಾರೆ.

ಒಂದು ಗಂಟೆ ಪ್ರಯತ್ನ ಪಟ್ಟು ಪೊಲೀಸರು ಮಾನಸಿಕ ಅಸ್ವಸ್ಥನನ್ನು ಇಳಿಸಿದ್ದಾರೆ. ಬಳಿಕ ಮಾನಸಿಕ ಅಸ್ವಸ್ಥನ್ನು ಜಿಲ್ಲಾಸ್ಪತ್ರೆಗೆ ಚಿಕಿತ್ಸೆಗೆಂದು ದಾಖಲಿಸಲಾಯಿತು. ಸ್ಥಳದಲ್ಲಿದ್ದ ಕೆಲವರು ಈ ಘಟನೆಯನ್ನು ಮೊಬೈಲ್‍ನಲ್ಲಿ ವಿಡಿಯೋ ಮಾಡಿದ್ದು, ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್ ಆಗಿದೆ.

https://www.youtube.com/watch?v=InDkB0FuBQA&feature=youtu.be

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv