ಮಿಸ್ ವರ್ಲ್ಡ್ ಸೂಪರ್ ಮಾಡೆಲ್ ಸ್ಪರ್ಧೆಯಲ್ಲಿ ಮಂಗ್ಳೂರು ಬೆಡಗಿಗೆ ಮಿಸ್ ಟೀನ್ ಪಟ್ಟ

ಮಂಗಳೂರು: ಥೈಲ್ಯಾಂಡ್‍ನಲ್ಲಿ ಮಿಸ್ ವರ್ಲ್ಡ್ ಸೂಪರ್ ಮಾಡೆಲ್ 2019ರ ಸ್ಪರ್ಧೆಯಲ್ಲಿ ಮಂಗಳೂರು ಮೂಲದ ಬೆಡಗಿ ಮಿಸ್ ಟೀನ್ ಆಗಿ ಆಯ್ಕೆಯಾಗಿದ್ದಾರೆ.

ವೆನ್ಸಿಟಾ ಡಯಾಸ್ ಮಿಸ್ ವರ್ಲ್ಡ್ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಜೊತೆಗೆ ಏಷ್ಯಾದ ವಿವಿಧ ಕಡೆಗಳಿಂದ ಬಂದಿದ್ದ 16 ಮಂದಿ ಅಂತಿಮ ಸುತ್ತಿನಲ್ಲಿ ಭಾಗವಹಿಸಿದ್ದರು. ಆ ಪೈಕಿ ವೆನ್ಸಿಟಾ ಮಿಸ್ ಟೀನ್ ಆಗಿ ಆಯ್ಕೆಯಾಗಿದ್ದಾರೆ.

ಮಂಗಳೂರಿನ ನಾಗುರಿ ನಿವಾಸಿ ವೆನ್ಸಿಟಾ ಸಂಗೀತ, ಡ್ಯಾನ್ಸ್, ನಟನೆ ಹೀಗೆ ಬಹುಮುಖಿ ಪ್ರತಿಭೆಗಳನ್ನು ಹೊಂದಿದ್ದಾರೆ. ವಾಲ್ಟರ್ ಮತ್ತು ಜ್ಯೋತಿ ಡಯಾಸ್ ದಂಪತಿಯ ಪುತ್ರಿಯಾಗಿರುವ ಇವರು ಮಂಗಳೂರಿನಲ್ಲಿ ಸೈಂಟ್ ಆಗ್ನೆಸ್ ಕಾಲೇಜಿನಲ್ಲಿ ಪ್ರಥಮ ಪಿಯು ವಿದ್ಯಾರ್ಥಿನಿಯಾಗಿದ್ದಾರೆ.

ನ. 12ರಿಂದ 16ರವರೆಗೆ ಥೈಲ್ಯಾಂಡ್‍ನಲ್ಲಿ ಈ ಸೌಂದರ್ಯ ಸ್ಪರ್ಧೆ ಆಯೋಜಿಸಲಾಗಿತ್ತು. ಈ ಸ್ಪರ್ಧೆಯಲ್ಲಿ ಪ್ರಿಯದರ್ಶಿನಿ ಗೆದ್ದರೆ, ಬೆಂಗಳೂರು ಮೂಲದ ಆಶಾ ಮೊದಲ ರನ್ನರಪ್ ಆಗಿದ್ದಾರೆ. ಎರಡನೇಯ ರನ್ನರಪ್ ಆಗಿ ದುಬೈ ಮೂಲದ ರಿಹಾ ಖಾನ್ ಆಗಿದ್ದಾರೆ.