ಪತ್ನಿಯ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದಾತನ ಮರ್ಮಾಂಗವನ್ನೇ ಕತ್ತರಿಸಿದ

ಯುರೋಪ್: ಪತ್ನಿಯ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ ವ್ಯಕ್ತಿಯ ಮರ್ಮಾಂಗವನ್ನೇ ಕತ್ತರಿಸಿದ ವಿಲಕ್ಷಣ ಘಟನೆಯೊಂದು ಯೂರೋಪಿನ ಉಕ್ರೈನ್ ನಲ್ಲಿ ನಡೆದಿರುವ ಬಗ್ಗೆ ಬೆಳಕಿಗೆ ಬಂದಿದೆ.

27 ವರ್ಷದ ದ್ಮಿತ್ರಿ ಸ್ಪಾಸ್ ಕಿನ್ ಪತ್ನಿ ಮೇಲೆ 25 ವರ್ಷದ ಇವ್ಚೆಂಕೊ ಲೈಂಗಿಕ ದೌರ್ಜನ್ಯವೆಸಗಿರುವುದನ್ನು ನೋಡಿದ್ದಾನೆ. ಇದೇ ಸಿಟ್ಟಿನಿಂದ ಸ್ಪಾಸ್ ಕಿನ್, ಚಾಕುವಿನಿಂದ ಇವ್ಚೆಂಕೊ ಮರ್ಮಾಂಗವನ್ನು ಕತ್ತರಿಸಿದ್ದಾನೆ.

ನಡೆದಿದ್ದೇನು?
ಇವ್ಚೆಂಕೊ, ಸ್ಪಾಸ್ ಕಿನ್ ಪತ್ನಿ ಹಾಗೂ ಉಳಿದ ಗೆಳೆಯರು ಸ್ಥಳೀಯ ರೆಸ್ಟೋರೆಂಟ್ ಒಂದರಲ್ಲಿ ಭೇಟಿಯಾಗಿದ್ದಾರೆ. ಆದರೆ ಪತಿ ಸ್ಪಾಸ್ ಕಿನ್ ಹೊರಡುವ 10 ನಿಮಿಷ ಮೊದಲು ಪತ್ನಿ ರೆಸ್ಟೋರೆಂಟ್ ನಿಂದ ತೆರಳಿದ್ದಾಳೆ. ಹೀಗೆ ಮನೆಯತ್ತ ಹೆಜ್ಜೆ ಹಾಕುತ್ತಿರುವ ಸಂದರ್ಭದಲ್ಲಿ ಇವ್ಚೆಂಕೊ ಆಕೆಯನ್ನು ತಡೆದಿದ್ದಾನೆ. ಆದರೆ ಇದನ್ನು ಕ್ಯಾರೇ ಎನ್ನದ ಆಕೆ ಮನೆಯತ್ತ ತೆರಳಿದ್ದಾಳೆ. ಇದರಿಂದ ಸಿಟ್ಟಿಗೆದ್ದ ಇವ್ಚೆಂಕೊ ಆಕೆಯ ಮುಖವನ್ನು ತನ್ನ ಕೈಯಿಂದ ಮುಚ್ಚಿ, ಪಕ್ಕದಲ್ಲಿದ್ದ ಪೊದೆಯೊಳಗೆ ಎಳೆದುಕೊಂಡು ಹೋಗಿದ್ದಾನೆ. ಅಲ್ಲದೆ ಆಕೆಯ ಮೇಲೆ ಅತ್ಯಾಚಾರವೆಸಗಿದ್ದಾನೆ.

ಪೊದೆಯಲ್ಲಿ ಪತ್ನಿಯ ಕುತ್ತಿಗೆಯನ್ನು ಹಿಡಿದುಕೊಂಡು ಆಕೆಯ ಮೇಲೆ ಅತ್ಯಾಚಾರವೆಸಗಲು ಪ್ರಯತ್ನ ಮಾಡಿರುವುದು ನನ್ನ ಗಮನಕ್ಕೆ ಬಂದಿದೆ. ಇದರಿಂದ ಸಿಟ್ಟುಗೊಂಡ ಸ್ಪಾಸ್ ಕಿನ್ ಆತನನ್ನು ಹಿಂಬಾಲಿಸಿ ಸರಿಯಾಗಿ ಥಳಿಸಿದ್ದಾನೆ. ಅಲ್ಲದೆ ಹರಿತವಾದ ಚಾಕುವಿನಿಂದ ಆತನ ಮರ್ಮಾಂಗವನ್ನು ಕತ್ತರಿಸಿರುವುದಾಗಿ ಸ್ಪಾಸ್ ಕಿನ್ ಪೊಲೀಸ್ ಅಧಿಕಾರಿಗಳ ಬಳಿ ತಿಳಿಸಿದ್ದಾನೆ.

ಅತ್ಯಾಚಾರ ಆರೋಪ ಹೊತ್ತ ಇವ್ಚೆಂಕೊ ಸದ್ಯ ಸ್ಥಳೀಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಸ್ಥಿತಿ ಚಿಂತಾಜನಕವಾಗಿದೆ. ಆರೋಪಿ ಮಹಿಳೆಯ ಮೇಲೆ ಅತ್ಯಾಚಾರವೆಸಗಲು ಯತ್ನಿಸಿದಾಗ ಆತ ಪಾನಮತ್ತನಾಗಿದ್ದನು ಎಂಬುದಾಗಿ ವರದಿಯಾಗಿದೆ.