ಬುಕ್ ಮಾಡಿದ್ದು ಮೊಬೈಲ್, ಬಂದಿದ್ದು ಸರ್ಫ್ ಎಕ್ಸೆಲ್ ಸೋಪ್!

ಬೆಂಗಳೂರು: ಮೊಬೈಲ್ ಬದಲು ಸರ್ಫ್ ಎಕ್ಸೆಲ್ ಸೋಪ್ ಕೊಟ್ಟು ಆನ್‍ಲೈನ್ ಕಂಪನಿಯೊಂದು ಬೆಂಗಳೂರಿನ ಗ್ರಾಹಕನಿಗೆ ವಂಚಿಸಿದೆ.

ವೆಂಕಟೇಶ್ ಎಂಬುವರು ಆನ್ ಲೈನ್ ನಲ್ಲಿ ಮೊಬೈಲ್ ಖರೀದಿ ಮಾಡಿದ್ದರು. ವೆಂಕಟೇಶ್ ಬೆಂಗಳೂರಿನ ಉತ್ತರಹಳ್ಳಿ ನಿವಾಸಿ ಆಗಿದ್ದು, ಪೇಟಿಯಂ ನಲ್ಲಿ ವೆಂಕಟೇಶ್ 85 ಸಾವಿರ ಹಣ ಪಾವತಿಸಿ ಸ್ಯಾಮ್‍ಸಂಗ್ ನೋಟ್ 9 ಮೊಬೈಲ್ ಖರೀದಿ ಮಾಡಿದ್ದರು.

ಡೆಲಿವರಿ ಬಾಯ್ ಗ್ರಾಹಕನ ಸಹಿ ಪಡೆಯದೇ ಮೊಬೈಲ್ ನೀಡಿದ್ದ. ವೆಂಕಟೇಶ್ ಡೆಲಿವರಿ ಬಾಯ್ ಕೊಟ್ಟ ಬಾಕ್ಸ್ ಓಪನ್ ಮಾಡಿ ನೋಡಿದ್ದಾಗ ಅದರಲ್ಲಿ 5 ರೂ. ಸರ್ಫ್ ಎಕ್ಸೆಲ್ ಸೋಪು ಪತ್ತೆಯಾಗಿದೆ.

ಸುಬ್ರಹ್ಮಣ್ಯಪುರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv