ಕಾಲೇಜೊಳಗೆಯೇ ವಿದ್ಯಾರ್ಥಿಯನ್ನು ಬೆತ್ತಲೆಗೊಳಿಸಿ ವಿಡಿಯೋ ಮಾಡಿದ್ರು!

ಕೋಲ್ಕತ್ತಾ: ವಿದ್ಯಾರ್ಥಿಯೊಬ್ಬನನ್ನು ಕಾಲೇಜೊಳಗೆಯೇ ಬೆತ್ತಲೆಗೊಳಿಸಿದ್ದಲ್ಲದೇ, ವಿಡಿಯೋ ಮಾಡಿ ಆತನ ಮೇಲೆ ದೌರ್ಜನ್ಯವೆಸಗಿರುವ ಅಮಾನವೀಯ ಘಟನೆಯೊಂದು ನಡೆದಿದೆ.

ಸದ್ಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಶ್ಚಿಮ ಬಂಗಾಳದ ಸಚಿವ ಪಾರ್ಥ ಚಟರ್ಜಿ ಅವರು ಈ ಘಟನೆಯಲ್ಲಿ ಭಾಗಿಯಾಗಿದ್ದವರ ಮೇಲೆ ಕಠಿಣ ಕ್ರಮ ಕೈಗೊಳ್ಳುವಂತೆ ಸೂಚಿಸಿದ್ದಾರೆ.

ವಿದ್ಯಾರ್ಥಿಯ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಡಿಯೋದಲ್ಲಿ ಸೈಂಟ್ ಪೌಲ್ಸ್ ಕ್ಯಾತೇಡ್ರಲ್ ಕಾಲೇಜಿನ ವಿದ್ಯಾರ್ಥಿಯೊಬ್ಬ ಪರಿಪರಿಯಾಗಿ ಬೇಡಿಕೊಂಡರೂ ತಂಡವೊಂದು ಆತನನನ್ನು ಒತ್ತಾಯ ಮಾಡಿ ಬಟ್ಟೆ ಬಿಚ್ಚಿಸಿದೆ. ಈ ವಿಡಿಯೋ ಸಚಿವರ ಗಮನಕ್ಕೆ ಬಂದಿದೆ. ಅಲ್ಲದೇ ಈ ಕುರಿತು ಕೆಲ ವಿದ್ಯಾರ್ಥಿಗಳು ಸಚಿವರಿಗೆ ದೂರು ನೀಡಿದ್ದರು. ಹೀಗಾಗಿ ಈ ಪ್ರಕರಣದಲ್ಲಿ ಯಾರೆಲ್ಲ ಭಾಗಿಯಾಗಿದ್ದಾರೋ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಸಚಿವರು ಸರ್ಕಾರಕ್ಕೆ ತಿಳಿಸಿದ್ದಾರೆ.

ತೃಣಮೂಲ ಕಾಂಗ್ರೆಸ್ ಛಾತ್ರ ಪರಿಷದ್(ಟಿಎಂಸಿಪಿ) ಸಂಘದ ಸದಸ್ಯನೋರ್ವ, ಮುಂಬರುವ ಕಾಲೇಜು ಫೆಸ್ಟ್ ಗೆ ಹಣ ಖರ್ಚು ಮಾಡುವ ವಿಚಾರ ಕುರಿತು ವಿಚಾರಿಸಿ ಆತನಿಗೆ ತೊಂದರೆ ನೀಡಿದ್ದಾರೆ ಅಂತ ಫ್ರಥಮ ವರ್ಷದ ವಿದ್ಯಾರ್ಥಿ ಶನಿವಾರ ಮಾಧ್ಯಮದ ಮುಂದೆ ಆರೋಪ ಮಾಡಿದ್ದ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಟಿಎಂಸಿಪಿ ರಾಜ್ಯಾಧ್ಯಕ್ಷ ಜಯ ದತ್ತ ಅವರು ಕಾಲೇಜಿನ ಅಧಿಕಾರಿಗಳು ಹಾಗೂ ಸದಸ್ಯರಿಗೆ ಕರೆ ಮಾಡಿ ಮಾಹಿತಿ ಕಲೆ ಹಾಕಿದ್ದಾರೆ.