`ಕೆಜಿಎಫ್-2′ ಅಡ್ವಾನ್ಸ್ ಬುಕ್ಕಿಂಗ್ ಸ್ಟಾರ್ಟ್ – ಯಾವಾಗ, ಎಲ್ಲೆಲ್ಲಿ? ಇಲ್ಲಿದೆ ಡಿಟೈಲ್ಸ್

ನ್ಯಾಷನಲ್ ಸ್ಟಾರ್ ಯಶ್ ನಟನೆಯ `ಕೆಜಿಎಫ್-2′ ಸಿನಿಮಾ ರಿಲೀಸ್‌ಗೂ ಮುಂಚೆ ಒಂದಲ್ಲ ಒಂದು ವಿಚಾರವಾಗಿ ಸಖತ್ ಸೌಂಡ್ ಮಾಡ್ತಿದೆ. ಚಿತ್ರದ ಪ್ರಚಾರದಲ್ಲಿ ಪ್ರಶಾಂತ್ ನೀಲ್ ಮತ್ತು ರಾಕಿಭಾಯ್ ಟೀಮ್ ಬ್ಯುಸಿಯಾಗಿದೆ. ಸದ್ಯ ರಿಲೀಸ್ ಆಗಿರೋ `ಗಗನ ನೀ’ ಸಾಂಗ್‌ನಿಂದ ಭಾರೀ ಸದ್ದು ಮಾಡ್ತಿರೋ ಬೆನ್ನಲ್ಲೆ ಹೊಂಬಾಳೆ ಬ್ಯಾನರ್‌ ಚಿತ್ರದ ಬುಕ್ಕಿಂಗ್ ಕುರಿತು ಮಾಹಿತಿ ಹಂಚಿಕೊಂಡಿದೆ.

ರಾಕಿಭಾಯ್ ಎಂಟ್ರಿಗೆ ಕೆಲವೇ ದಿನಗಳು ಬಾಕಿಯಿದ್ದು, ಪ್ರತಿದಿನವೂ ಚಿತ್ರದ ಹೊಸ ಹೊಸ ಅಪ್‌ಡೇಟ್‌ಗಳನ್ನು ಹೇಳಲಾಗುತ್ತಿದೆ. ಬ್ರಿಟನ್‌ನಲ್ಲಿ ಯಾರು ಊಹಿಸದ ಮಟ್ಟದಲ್ಲಿ ಟಿಕೆಟ್‌ಗಳು ಈಗಾಗಲೇ ಬುಕ್ಕಿಂಗ್ ಆಗಿದೆ. ಇದೀಗ ಭಾರತದ ಹಲವು ಭಾಗಗಳಲ್ಲಿ ಟಿಕೆಟ್ ಬುಕ್ಕಿಂಗ್ ಕುರಿತು ಹೊಂಬಾಳೆ ಬ್ಯಾನರ್ ಟ್ವಿಟರ್ ಮೂಲಕ ತಿಳಿಸಿದೆ.

#KGFChapter2 Booking opens TOMORROW on @bookmyshow & @Paytm in North India, Tamil Nadu & Kerala.@Thenameisyash @prashanth_neel @VKiragandur @hombalefilms @duttsanjay @TandonRaveena @SrinidhiShetty7 @excelmovies @AAFilmsIndia @DreamWarriorpic@PrithvirajProd @VaaraahiCC pic.twitter.com/rFm50ySQJ8

— Hombale Films (@hombalefilms) April 6, 2022

`ಕೆಜಿಎಫ್ 2′ ನಿರ್ಮಾಣದ ಸಂಸ್ಥೆ ಟ್ವಿಟರ್ ಮೂಲಕ ಅಡ್ವಾನ್ಸ್ ಬುಕ್ಕಿಂಗ್ ಆರಂಭದ ಕುರಿತು ತಿಳಿಸಲಾಗಿದೆ. ಕೇರಳ, ತಮಿಳುನಾಡು, ಹಾಗೂ ಉತ್ತರಭಾರತದಲ್ಲಿ ಏಪ್ರಿಲ್ 7ರಿಂದ ಬುಕ್ಕಿಂಗ್ ಆರಂಭದ ಕುರಿತು ಘೋಷಿಸಲಾಗಿದೆ. ಇದನ್ನು ಓದಿ:ಸಿನಿಮಾ ಮುಹೂರ್ತದಲ್ಲೇ ನೆಚ್ಚಿನ ನಟನಿಗೆ ದೃಷ್ಟಿ ತಗೆದ ರಶ್ಮಿಕಾ ಮಂದಣ್ಣ

`ಕೆಜಿಎಫ್ 2′ ಚಿತ್ರತಂಡ ಇದುವರೆಗೆ ಬಹುತೇಕ ಎಲ್ಲೆಡೆ ಮುಂಗಡ ಟಿಕೆಟ್ ಬುಕ್ಕಿಂಗ್ ಘೋಷಿಸಿದ್ರು. ಇನ್ನು ಕರ್ನಾಟಕದಲ್ಲಿ ಈ ಬಗ್ಗೆ ಅಧಿಕೃತ ಘೋಷಣೆಯಾಗಿಲ್ಲ. ಕನ್ನಡಿಗರು ಸೇರಿದಂತೆ ವಿಶ್ವದೆಲ್ಲೆಡೆ `ಕೆಜಿಎಫ್-2′ ರಾಕಿಭಾಯ್ ಅವತಾರ ನೋಡಲು ಕಾಯ್ತಿದ್ದಾರೆ.