ಕರ್ನಾಟಕ ರತ್ನ ಪುನೀತ್ ರಾಜ್‌ಕುಮಾರ್ ನಟನೆಯ `ಜೇಮ್ಸ್’ ಸಿನಿಮಾ ಅಪ್ಪು ಹುಟ್ಟಿದ ಹಬ್ಬದೆಂದೇ ತೆರೆಗೆ ಅಬ್ಬರಿಸಿತ್ತು. ಪುನೀತ್ ಕಡೆಯ ಚಿತ್ರವನ್ನ ಅಭಿಮಾನಿಗಳು ಅದ್ದೂರಿಯಾಗಿ ಸ್ವಾಗತಿಸಿದಲ್ಲದೇ ಯಶಸ್ವಿ ಪ್ರದರ್ಶನ ಕಂಡಿತ್ತು. ಅಪ್ಪು ಅಭಿಮಾನಿಗಳು `ಜೇಮ್ಸ್’ ಚಿತ್ರಕ್ಕೆ ಎಮೋಷನಲಿ ಕನೆಕ್ಟ್ ಆಗಿದ್ರು. ಈಗ ಅಪ್ಪು ಫ್ಯಾನ್ಸ್ಗೆ ಚಿತ್ರತಂಡ ಮತ್ತೊಂದು ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ಪುನೀತ್ ಧ್ವನಿಯಲ್ಲೇ ಇಂದು ಜೇಮ್ಸ್ ಚಿತ್ರ ತೆರೆಗೆ ಅಪ್ಪಳಿಸುತ್ತಿದೆ.
ಚೇತನ್‌ ಕುಮಾರ್‌ ನಿರ್ದೇಶನದ ಪುನೀತ್ ನಟನೆಯ ಕಡೆಯ ಚಿತ್ರವನ್ನು ಜೇಮ್ಸ್ ಜಾತ್ರೆಯಾಗಿ ಮಾಡಿದ್ರು. ಈ ಮೂಲಕ ಅಪ್ಪು ಮೇಲಿನ ಅಭಿಮಾನವನ್ನ ತೋರಿಸಿದ್ರು ಅಭಿಮಾನಿ ದೇವರುಗಳು. ಜೇಮ್ಸ್ ಚಿತ್ರ ನೋಡಿ ಇಷ್ಟಪಟ್ಟಿದ್ದ ಫ್ಯಾನ್ಸ್ಗೆ ಅಪ್ಪು ಧ್ವನಿ ಇರಬೇಕಿತ್ತು ಎಂಬ ಕೊರಗಿತ್ತು. ಇದೀಗ ಅಪ್ಪು ಧ್ವನಿಯಲ್ಲಿ `ಜೇಮ್ಸ್’ ರೀ ಎಂಟ್ರಿ ಕೊಟ್ಟಿದ್ದಾರೆ. ಇದನ್ನೂ ಓದಿ:ಮತ್ತೆ ಜೋಡಿಯಾಗಿ ಮಿಂಚಲು ರೆಡಿಯಾದ್ರು ಡಾಲಿ-ಅಮೃತಾ: `ಹೊಯ್ಸಳ’ನಾಗಿ ಡಾಲಿ ಅಬ್ಬರ!
`ಜೇಮ್ಸ್’ನಲ್ಲಿ ಪುನೀತ್ ಭಾಗದ ಚಿತ್ರೀಕರಣವಾಗಿದ್ರು, ಅಪ್ಪು ಪಾತ್ರಕ್ಕೆ ಡಬ್ಬಿಂಗ್ ಆಗಿರಲಿಲ್ಲ. ನಂತರ ಪುನೀತ್ ಪಾತ್ರಕ್ಕೆ ಶಿವರಾಜ್‌ಕುಮಾರ್ ಅವರೇ ಧ್ವನಿ ನೀಡಿದ್ರು. ಆದರೆ ಪುನೀತ್ ಧ್ವನಿಯನ್ನು ಅಳವಡಿಸಲು ಚಿತ್ರತಂಡ ಪ್ರಯತ್ನ ಮುಂದುವರೆಸಿತ್ತು. ಈಗ ಯಶಸ್ವಿಯಾಗಿ ರಾಜ್ಯದ 65 ಚಿತ್ರಮಂದಿರಗಳಲ್ಲಿ ತೆರೆಗೆ ಅಬ್ಬರಿಸುತ್ತಿದೆ. ಈಗಾಗಲೇ ಅನುಪಮಾ ಚಿತ್ರಮಂದಿರದಲ್ಲಿ ಮೊದಲ ಫ್ಯಾನ್ಸ್ ಶೋ ಆಯೋಜಿಸಲಾಗಿದ್ದು, ಇನ್ನು ಮುಂದೆ ಚಿತ್ರಮಂದಿರಗಳಲ್ಲಿ ಪುನೀತ್ ಧ್ವನಿಯಲ್ಲೇ ಚಿತ್ರವನ್ನ ನೋಡಬಹುದಾಗಿದೆ.
ಹೊಸ ತಂತ್ರಜ್ಞಾನದ ಸಹಾಯದೊಂದಿಗೆ ಅಪ್ಪು ಸರ್ ಧ್ವನಿಯಲ್ಲಿ ಜೇಮ್ಸ್ ಚಿತ್ರ ನಾಳೆ ಏಪ್ರಿಲ್ 22 ರಂದು ಮತ್ತೆ ಬಿಡುಗಡೆಯಾಗಲಿದೆ.#James with #Appu‘s voice will be out in theatres from tomorrow #April22.#BoloBoloJames #PowerInU @PuneethRajkumar @BahaddurChethan @actorsrikanth @PriyaAnand @PRKAudio pic.twitter.com/Xbv3dlXqCA
— James (@JamesTheMovie1) April 21, 2022
ಆಧುನಿಕ ತಂತ್ರಜ್ಞಾನದಿಂದ ಜೇಮ್ಸ್ ರೀ-ರಿಲೀಸ್ ಆಗಿದ್ದು, ಸದ್ಯದಲ್ಲೇ ಚಿತ್ರ 50ನೇ ದಿನವನ್ನ ಪೂರೈಸಲಿದೆ. ಕಡೆಗೂ ಅಪ್ಪು ವಾಯ್ಸ್ ಕೇಳಿ ಥ್ರಿಲ್ ಆಗಿರೋ ಫ್ಯಾನ್ಸ್ ಪ್ರೇಕ್ಷಕರಿಗೆ ಸಿಹಿ ಹಂಚಿ ಸಂಭ್ರಮಿಸುತ್ತಿದ್ದಾರೆ. ಅಪ್ಪು ವಾಯ್ಸ್ ಕೇಳಿ ಥಿಯೇಟರ್‌ನಲ್ಲಿ ಸಂಭ್ರಮಿಸಿ ಸಿನಿಮಾ ನೋಡ್ತಿದ್ದಾರೆ.
Leave a Reply