ಮುಂಬೈ: ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ಇತ್ತೀಚೆಗೆ ಮೇಕಪ್ ಇಲ್ಲದ ಫೋಟೋ ಕ್ಲಿಕ್ಕಿಸಿಕೊಂಡು ಟ್ರೋಲ್ ಆಗಿದ್ದರು. ಹೀಗಿದ್ದರೂ ಸಹ ಕರೀನಾ ಮತ್ತೆ ಮೇಕಪ್ ಇಲ್ಲದ ಫೋಟೋ ಕ್ಲಿಕ್ಕಿಸಿಕೊಂಡಿದ್ದು, ಈಗ ಅದು ವೈರಲ್ ಆಗುತ್ತಿದೆ.
ಕರೀನಾ ಕಪೂರ್ ತಮ್ಮ ಪತಿ ಸೈಫ್ ಅಲಿ ಖಾನ್ ಹಾಗೂ ಮಗ ತೈಮೂರ್ ಜೊತೆ ಲಂಡನ್‍ನಲ್ಲಿ ರಜೆ ದಿನಗಳನ್ನು ಕಳೆಯುತ್ತಿದ್ದಾರೆ. ಕರೀನಾ ಕಪೂರ್ ಜೊತೆ ಅವರ ಸಹೋದರಿ, ನಟಿ ಕರೀಷ್ಮಾ ಕಪೂರ್ ಹಾಗೂ ಅವರ ಮಕ್ಕಳಾದ ಸಮೈರಾ ಕಪೂರ್ ಹಾಗೂ ಕಿಯಾನ್ ರಾಜ್ ಕೂಡ ರಜೆ ದಿನಗಳನ್ನು ಕಳೆಯುತ್ತಿದ್ದಾರೆ.
ಇಡೀ ಕುಟುಂಬ ಲಂಡನ್‍ನಲ್ಲಿ ಹೆಚ್ಚು ಸಮಯ ಕಳೆಯುತ್ತಿದ್ದಾರೆ. ಅಲ್ಲದೆ ನಟಿ ಕರೀಷ್ಮಾ ಅವರು ರಜೆಯಲ್ಲಿ ತೆಗೆದ ಫೋಟೋಗಳನ್ನು ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಈ ಫೋಟೋಗಳ ನಡುವೆ ಕರೀನಾ ಅವರ ಮೇಕಪ್ ಇಲ್ಲದ ಫೋಟೋ ಕೂಡ ವೈರಲ್ ಆಗುತ್ತಿದೆ.
ಇತ್ತೀಚೆಗೆ ಕರೀನಾ ತಮ್ಮ ಪತಿ ಸೈಫ್ ಅಲಿ ಖಾನ್ ಹಾಗೂ ಮಗ ತೈಮೂರ್ ಜೊತೆ ಇಟಲಿಯ ಟಸ್ಕನಿಯಲ್ಲಿ ರಜೆಯನ್ನು ಕಳೆಯುತ್ತಿದ್ದರು. ಈ ವೇಳೆ ಕರೀನಾ ಮೇಕಪ್ ಇಲ್ಲದಿರುವ ಫೋಟೋವನ್ನು ಅವರ ಅಭಿಮಾನಿಗಳು ಫ್ಯಾನ್ಸ್ ಪೇಜ್‍ನಲ್ಲಿ ಹಂಚಿಕೊಂಡಿದ್ದರು.
ಈ ಫೋಟೋದಲ್ಲಿ ಕರೀನಾ ಯಾವುದೇ ಮೇಕಪ್ ಹಾಕಿರಲಿಲ್ಲ. ಆ ಫೋಟೋ ನೋಡಿ ಜನರು `ಹೌದು. ನಿಮಗೆ ಈಗ ವಯಸ್ಸಾಗಿದೆ’, `ಅಯ್ಯೋ, ದೇವರೇ ಭಯಂಕರ’, `ಭಯಂಕರವಾದ ಮುಖ’ ಎಂದು ಟ್ರೋಲ್ ಮಾಡಿದ್ದರು.
Leave a Reply