ಮುಂಬೈ: ತಮ್ಮ ಹಾಸ್ಯದ ಜುಗಲ್‍ಬಂದಿಯ ಮೂಲಕವೇ ದೇಶಾದ್ಯಂತ ಪರಿಚಿತರಾಗಿರುವ ಕಪಿಲ್ ಶರ್ಮಾ ಮತ್ತು ಸುನಿಲ್ ಗ್ರೋವರ್ ಇಬ್ಬರನ್ನು ತೆರೆಯ ಮೇಲೆ ನೋಡಲು ಅಭಿಮಾನಿಗಳು ಕಾತುರರಾಗಿದ್ದರೆ. ಆದ್ರೆ ಇಬ್ಬರ ನಡುವಿನ ಕಲಹದಿಂದಾಗಿ ಕಿರುತೆರೆಯಲ್ಲಿ ಪ್ರಸಿದ್ಧಿ ಪಡೆದಿದ್ದ ಶೋ ಕೂಡ ಕೊನೆಯಾಯ್ತು. ಸದ್ಯ ಕಪಿಲ್ `ಫ್ಯಾಮಿಲಿ ಟೈಮ್ ವಿಥ್ ಕಪಿಲ್’ ಎಂಬ ಶೋ ಮಾಡ್ತಿದ್ದು, ಪ್ರೋಮೋ ವಿಡಿಯೋ ವೈರಲ್ ಆಗಿದೆ.
ಕೆಲವು ದಿನಗಳ ಹಿಂದೆ ಸುನಿಲ್ ಗ್ರೋವರ್ ಅಭಿಮಾನಿಯೊಬ್ಬರು, ನಿಮ್ಮನ್ನು (ಕಪಿಲ್-ಸುನಿಲ್) ತೆರೆಯ ಮೇಲೆ ಜೊತೆಯಾಗಿ ನೋಡುವುದು ಯಾವಾಗ ಅಂತಾ ಪ್ರಶ್ನೆ ಮಾಡಿದ್ರು. ಅಭಿಮಾನಿ ಪ್ರಶ್ನೆಗೆ ಸುನಿಲ್ ಗ್ರೋವರ್ ಟ್ವಿಟ್ಟರ್ ನಲ್ಲಿಯೇ ಉತ್ತರಿಸಿದ್ದಾರೆ.
ಹೀಗಿತ್ತು ಉತ್ತರ: ನಿಮ್ಮ ಹಾಗೆ ನನಗೆ ಹಲವರು ಇದೇ ರೀತಿಯ ಪ್ರಶ್ನೆಗಳನ್ನು ಮಾಡ್ತಾರೆ. ಆದ್ರೆ ನನಗೆ ಶೋಗಾಗಿ ಯಾರು ಕರೆದಿಲ್ಲ. ನನ್ನ ಮೊಬೈಲ್ ನಂಬರ್ ಸಹ ಬದಲಾಗಿಲ್ಲ. ಇಷ್ಟು ದಿನಗಳವರೆಗೆ ಕಾಯ್ದು, ಬೇರೆ ಪ್ರೊಜೆಕ್ಟ್ ಗೆ ಸಹಿ ಮಾಡಿದ್ದೇನೆ. ನಿಮ್ಮೆಲ್ಲರ ಆಶೀರ್ವಾದದಿಂದ ಒಳ್ಳೆಯ ಪ್ರೊಜೆಕ್ಟ್ ನಲ್ಲಿ ಭಾಗಿಯಾಗಿದ್ದೇನೆ. ಆದಷ್ಟು ಬೇಗ ನಿಮ್ಮ ಮುಂದೆ ಬರಲಿದ್ದೇನೆ ನಮಸ್ಕಾರ ಅಂತಾ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿದ್ದಾರೆ.
ಶುರುವಾಯ್ತು ಟ್ವೀಟ್ ವಾರ್: ಸುನಿಲ್ ಟ್ವೀಟ್ ನೋಡುತ್ತಿದ್ದಂತೆ ಕಪಿಲ್ ಅಭಿಮಾನಿಗಳು ಖಡಕ್ ತಿರುಗೇಟು ನೀಡಿದ್ದಾರೆ. ಒಬ್ಬ ಅಭಿಮಾನಿ `ಅಣ್ಣ ನೀವು ನಿಜವಾಗಿಯೂ ಸುನಿಲ್ ಗೆ ಕಾಲ್ ಮಾಡಿದ್ರಾ? ಈ ಹಿಂದಿನ ಶೋ ಬಗ್ಗೆ ಮಾತನಾಡ್ತಾ ಇದ್ದೀರಾ? ಅಥವಾ ಈಗ ಬರುತ್ತೀರೋ ಶೋ ಬಗ್ಗೆ ಹೇಳ್ತಾ ಇದ್ದೀರಾ? ಎಂಬುದರ ಬಗ್ಗೆ ಸ್ಪಷ್ಟನೆ ನೀಡಿ ಅಂತಾ ಇಬ್ಬರನ್ನೂ ಟ್ವಿಟ್ಟರ್ ನಲ್ಲಿಯೇ ಪ್ರಶ್ನಿಸಿದ್ದಾರೆ.
ನಾನು ಸುನಿಲ್‍ಗೆ ನೂರಕ್ಕೂ ಹೆಚ್ಚು ಬಾರಿ ಕಾಲ್ ಮಾಡಿದ್ದೇನೆ. ಆತನ ಮನೆಗೆ ಹಲವರನ್ನು ಕಳುಹಿಸಿದ್ದೇನೆ. ನಾನು ಸಹ ಸುನಿಲ್ ಮನೆಗೆ ಹೋಗಿದ್ದೇನೆ. ಇನ್ಮುಂದೆ ತಮ್ಮ ಸ್ವಾರ್ಥಕ್ಕಾಗಿ ನನ್ನ ಹೆಸರನ್ನು ದುರ್ಬಳಕೆ ಮಾಡಿಕೊಳ್ಳುವುದು ಬೇಡ. ಇಷ್ಟು ದಿನ ಆಗಿದ್ದೇ ಸಾಕು. ನನಗೆ ಸುನಿಲ್ ಸಪೋರ್ಟ್ ಬೇಕಾಗಿಲ್ಲ. ಆದ್ರೆ ಈ ರೀತಿಯ ಸುಳ್ಳು ಸುದ್ದಿಗಳನ್ನು ಮಾತ್ರ ಹಬ್ಬಿಸಬೇಡಿ ಅಂತಾ ಕಪಿಲ್ ಬೇಸರ ವ್ಯಕ್ತಪಡಿಸಿದ್ದಾರೆ.
Leave a Reply