ಸ್ಯಾಂಡಲ್‌ವುಡ್‌ನ ನಿರೀಕ್ಷಿತ ಚಿತ್ರ `ಕಾಂತಾರ’ ರಿಲೀಸ್‌ಗೂ ಮುನ್ನವೇ ಸಿಕ್ಕಾಪಟ್ಟೆ ಸುದ್ದಿಯಾಗುತ್ತಿದೆ. `ಕೆಜಿಎಫ್’ ಚಿತ್ರವನ್ನ ಕೊಟ್ಟಿರೋ ಪ್ರತಿಷ್ಠಿತ ಹೊಂಬಾಳೆ ಬ್ಯಾನರ್ ಕಡೆಯಿಂದ ಕಾಂತಾರ ಚಿತ್ರ ಕೂಡ ನಿರ್ಮಾಣವಾಗಿದ್ದು, ಇದೀಗ ಕಾಂತಾರ ರಿಷಬ್ ಶೆಟ್ಟಿಗೆ ನಾಯಕಿಯಾಗಿ ಸಪ್ತಮಿ ಗೌಡ ಫಿಕ್ಸ್ ಆಗಿದ್ದಾರೆ.
`ಪಾಪ್‌ಕಾರ್ನ್ ಮಂಕಿ ಟೈಗರ್’ ಚಿತ್ರದಲ್ಲಿ ಡಾಲಿಗೆ ನಾಯಕಿಯಾಗುವ ಮೂಲಕ ಚಂದನವನಕ್ಕೆ ಪರಿಚಿತರಾದ ನಟಿ ಸಪ್ತಮಿ ಗೌಡ ಈಗ ಕಾಂತಾರ ತಂಡ ಸೇರಿಕೊಂಡಿದ್ದಾರೆ. ಸಪ್ತಮಿ ಗೌಡ ಹುಟ್ಟುಹಬ್ಬದಂದು ಹೊಸ ಚಿತ್ರ ಅನೌನ್ಸ್ ಆಗಿದ್ದು, `ಕಾಂತಾರ’ ಚಿತ್ರದ ನಾಯಕ ರಿಷಬ್ ಶೆಟ್ಟಿ ಜೊತೆ ತೆರೆಹಂಚಿಕೊಳ್ಳಲಿದ್ದಾರೆ. ಇದನ್ನೂ ಓದಿ: ಸನ್ನಿ ಲಿಯೋನ್ ಫುಲ್ ಗರಂ: ಓರ್ವ ವ್ಯಕ್ತಿಗೆ ಸನ್ನಿ ಕೊಟ್ರು ಚಪ್ಪಲಿ ಏಟು
View this post on Instagram
ʻಕಾಂತಾರʼ ಚಿತ್ರದ ನಿರ್ದೇಶನದ ಜತೆ ನಾಯಕನಾಗಿ ರಿಷಬ್ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ. ವಿಜಯ್ ಕಿರಗಂದೂರು ನೇತೃತ್ವದ ಹೊಂಬಾಳೆ ಬ್ಯಾನರ್ ಅಡಿಯಲ್ಲಿ ಈ ಚಿತ್ರ ನಿರ್ಮಾಣವಾಗಿದೆ. ಕಾಂತಾರಾ ಭಿನ್ನ ಕಥೆಗೆ ಈಗ ಸಪ್ತಮಿ ಗೌಡ ಕೂಡ ಸಾಥ್ ನೀಡಿದ್ದು, ಲೀಲಾ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ನಟಿ ಸಪ್ತಮಿಯ ಚಿತ್ರದ ಪೊಲೀಸ್ ಪೇದೆ ಲುಕ್ ರಿವೀಲ್ ಆಗಿದ್ದು, ಪೋಸ್ಟರ್ ಲುಕ್ ಈಗ ಸಂಚಲನ ಮೂಡಿಸುತ್ತಿದೆ. ಇದೇ ಸೆಪ್ಟೆಂಬರ್‌ 30ಕ್ಕೆ ʻಕಾಂತಾರʼ ಚಿತ್ರ ತೆರೆಗೆ ಬರಲಿದೆ.
Leave a Reply