2 ಕಿ.ಮೀ. ಉದ್ದದ ಸಾಲಿನಲ್ಲಿ ನಿಂತು ಕ್ರಿಕೆಟ್ ಟಿಕೆಟ್ ಖರೀದಿಸಿದ ಅಭಿಮಾನಿಗಳು

ಬೆಂಗಳೂರು: ಭಾರತ-ಆಸ್ಟ್ರೇಲಿಯಾ ಏಕದಿನ ಕ್ರಿಕೆಟ್ ಮ್ಯಾಚ್ ಫೀವರ್ ಹೆಚ್ಚಾಗಿದ್ದು, ಸಿಲಿಕಾನ್ ಸಿಟಿ ಜನತೆ ನಿದ್ದೆ ಬಿಟ್ಟು ಕ್ರಿಕೆಟ್ ಟಿಕೆಟ್ ಗಾಗಿ ಕಾಯುತ್ತಿದ್ದಾರೆ.

ಜ.19ರಂದು ನಡೆಯಲಿರುವ ಇಂಡಿಯಾ-ಆಸ್ಟ್ರೇಲಿಯಾ ಕ್ರಿಕೆಟ್ ಮ್ಯಾಚ್ ನೋಡಲು ಅಭಿಮಾನಿಗಳು ಚಿನ್ನಸ್ವಾಮಿ ಕ್ರೀಡಾಂಗಣದ ಬಳಿ ಕಿಲೋಮೀಟರ್ ಗಟ್ಟಲೇ ಸಾಲುಗಟ್ಟಿ ನಿಂತಿದ್ದರು. ಎಲ್ಲ ವಯೋಮಾನದವರು ನಿದ್ದೆ ಬಿಟ್ಟು ಟಿಕೆಟ್ ಗಾಗಿ 2 ಕಿ.ಮೀ.ವರೆಗೂ ಸಾಲಿನಲ್ಲಿ ನಿಂತಿದ್ದರು. ಇಂಡಿಯಾ, ಇಂಡಿಯಾ ಎಂದು ಘೋಷಣೆ ಕೂಗುತ್ತಾ ಅಭಿಮಾನ ವ್ಯಕ್ತಪಡಿಸುತ್ತಿದ್ದರು.

ಜ.19ರಂದು ನಡೆಯಲಿರುವ ಕ್ರಿಕೆಟ್ ಪಂದ್ಯಕ್ಕಾಗಿ ಟಿಕೆಟ್ ಪಡೆಯುವ ಕ್ರೇಜ್ ಸಹ ಜೋರಾಗಿದೆ. ಅಭಿಮಾನಿಗಳು ಟಿಕೆಟಿಗಾಗಿ ಭಾನುವಾರ ರಾತ್ರಿ 10 ಗಂಟೆಯಿಂದಲೇ ನಿದ್ದೆ ಬಿಟ್ಟು ನಿಂತಿದ್ದರು. ಟಿಕೆಟಿಗಾಗಿ ನಿದ್ದೆ ಬಿಟ್ಟು ಇಲ್ಲಿಯೇ ನಿಂತಿದ್ದೇನೆ ಎಂದು ಕ್ರಿಕೆಟ್ ಅಭಿಮಾನಿ ಬೃಂದಾ ಪ್ರತಿಕ್ರಿಯಿಸಿದ್ದಾರೆ.

ಅಲ್ಲದೆ ಆರಂಭದಲ್ಲೇ ಸಾಲಿನಲ್ಲಿ ನಿಂತು ಟಿಕೆಟ್ ಪಡೆದವರು ಫುಲ್ ಖುಷಿಯಾದರು. ಟಿಕೆಟ್ ದರ 500, 2000 ಹಾಗೂ 20,000 ರೂ. ಇದ್ದರೂ ಮುಗಿಬಿದ್ದು ಟಿಕೆಟ್ ಖರೀದಿಸಿದರು.