ಬೀಜಿಂಗ್: ಚೆಕಪ್‍ಗಾಗಿ ನಿಂತು ಸುಸ್ತಾದ ಗರ್ಭಿಣಿ ಪತ್ನಿಗೆ ಪತಿಯೊಬ್ಬರು ಕುರ್ಚಿಯಾದ ಅಪರೂಪದ ಸಂಗತಿಯೊಂದು ಚೀನಾದಲ್ಲಿ ನಡೆದಿದ್ದು, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್ ಆಗುತ್ತಿದೆ.
ಪತಿ ತನ್ನ ಗರ್ಭಿಣಿ ಪತ್ನಿ ಜೊತೆ ಚೆಕಪ್‍ಗಾಗಿ ಆಸ್ಪತ್ರೆಗೆ ಹೋಗಿದ್ದಾರೆ. ವೈದ್ಯರ ಬಳಿ ಹೋಗಲು ತಮ್ಮ ಸರದಿ ಬರುವವರೆಗೂ ಇಬ್ಬರು ಹೊರಗೆ ಕಾಯುತ್ತಾ ನಿಂತಿದ್ದಾರೆ. ಈ ವೇಳೆ ಮಹಿಳೆ ನಿಂತು ನಿಂತು ಸುಸ್ತಾಗಿದ್ದರು. ಅಲ್ಲದೆ ಅವರ ಕಾಲು ಸೆಳೆಯುತ್ತಿತ್ತು.
ಪತ್ನಿಯ ಸ್ಥಿತಿ ನೋಡಿ ಪತಿ ಅಲ್ಲಿ ಕುಳಿತಿದ್ದ ಜನರಿಗೆ ಸೀಟು ಬಿಟ್ಟು ಕೊಡುವಂತೆ ಕೇಳಿದ್ದಾರೆ. ಆದರೆ ಯಾರು ಸಹ ಸೀಟು ಬಿಟ್ಟು ಕೊಡಲು ಮುಂದಾಗಲಿಲ್ಲ. ಬಳಿಕ ಪತಿ ತನ್ನ ಭುಜದ ಮೇಲೆ ಪತ್ನಿಯನ್ನು ಕೂರಿಸಿಕೊಳ್ಳುವ ಮೂಲಕ ಕುರ್ಚಿ ಆಗಿದ್ದಾರೆ. ಈ ವಿಡಿಯೋ ನೋಡಿ ನೆಟ್ಟಿಗರು ವಿಶ್ವದ ಅತ್ಯಂತ ಪ್ರೀತಿಯ ಪತಿ ಎಂದು ವ್ಯಕ್ತಿಯನ್ನು ಹೊಗಳುತ್ತಿದ್ದಾರೆ. ಇದನ್ನೂ ಓದಿ: ಪತ್ನಿಗಾಗಿ ಪತಿ ವಿಮಾನದಲ್ಲಿ 6 ಗಂಟೆ ನಿಂತ್ಕೊಂಡೇ ಪ್ರಯಾಣಿಸಿದ
ವರದಿಗಳ ಪ್ರಕಾರ, ಈ ವಿಡಿಯೋವನ್ನು ಈಶಾನ್ಯ ಚೀನಾದ ಹೈಲಾಂಗ್‍ಜಿಯಾಂಗ್ ನಗರದ ಹಿಯಾಂಗ್‍ನ ಪೊಲೀಸರು ಭಾನುವಾರ ಡೋಯಿನ್ ಎಂಬ ಕಿರು ವಿಡಿಯೋ ಆ್ಯಪ್‍ನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋಗೆ 70 ಲಕ್ಷ ಲೈಕ್ಸ್ ದೊರೆತಿದೆ. ಈ ದೃಶ್ಯ ಆಸ್ಪತ್ರೆಯಲ್ಲಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ವಿಡಿಯೋದಲ್ಲಿ, ಮಹಿಳೆ ನಿಂತು ಸುಸ್ತಾಗಿದ್ದಾರೆ. ಈ ವೇಳೆ ಅಲ್ಲಿದ ಜನರು ಕುರ್ಚಿ ಮೇಲೆ ಕುಳಿತುಕೊಂಡು ಮೊಬೈಲ್ ಬಳಸುತ್ತಿದ್ದರು. ಆದರೆ ಯಾರು ಸಹ ತಮ್ಮ ಸೀಟನ್ನು ಮಹಿಳೆಗೆ ಬಿಟ್ಟು ಕೊಡಲಿಲ್ಲ. ತನ್ನ ಪತ್ನಿಯ ಸ್ಥಿತಿಯನ್ನು ನೋಡುವುದಕ್ಕೆ ಆಗದೇ ಪತಿ ಅವರನ್ನು ತನ್ನ ಹೆಗಲ ಮೇಲೆ ಕೂರಿಸಿಕೊಂಡರು
Leave a Reply