ಭಟ್ಕಳ ಸಮುದ್ರ ತೀರದಲ್ಲಿ ಕಾಣಿಸಿಕೊಂಡ ದೈತ್ಯಕಾರದ ತಿಮಿಂಗಿಲ

ಕಾರವಾರ: ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸುವಾಗ ಬೃಹತ್ ತಿಮಿಂಗಿಲ ಕಾಣಿಸಿಕೊಂಡು ಮೀನುಗಾರರನ್ನು ಆತಂಕ ಪಡಿಸಿದ ಘಟನೆ ಭಟ್ಕಳದ ಅರಬ್ಬಿ ಸಮುದ್ರದ ಕಡಲ ತೀರದಲ್ಲಿ ನಡೆದಿದೆ.

ಸಮುದ್ರದಲ್ಲಿ ಹವಾಮಾನ ವೈಪರೀತ್ಯವಾದ್ದರಿಂದ ಬೃಹತ್ ಗಾತ್ರದ ತಿಮಿಂಗಿಲವು ಇದೀಗ ತೀರ ಪ್ರದೇಶಗಳತ್ತ ಆಹಾರ ಅರಸಿ ಬರುತಿದ್ದು, ಇಂದು ಭಟ್ಕಳದ ಅರಬ್ಬಿ ಸಮುದ್ರದ ಕಡಲ ತೀರದಲ್ಲಿ ಪ್ರತ್ಯಕ್ಷವಾಗಿದೆ. ಈ ದೃಶ್ಯವನ್ನು ಮೀನುಗಾರರು ತಮ್ಮ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದು ಒಂದು ಕ್ಷಣ ತಿಮಿಂಗಿಲ ಕಂಡ ಮೀನುಗಾರರ ಎದೆ ಝಲ್ ಎನಿಸಿದೆ. ಇದನ್ನೂ ಓದಿ: ಕಾರವಾರ ಕಡಲತೀರದಲ್ಲಿ ಅಪರೂಪದ ಗ್ರೀನ್ ಸೀ ಆಮೆ ಕಳೇಬರ ಪತ್ತೆ

ಕೆಲದಿನಗಳ ಹಿಂದೆ ಭಟ್ಕಳ, ಕಾರವಾರ ಕಡಲ ತೀರಗಳಲ್ಲಿ ಅಪರೂಪದ ಟೈಗರ್ ಶಾರ್ಕ್ ಮೀನು, ಹಾಕ್ಸ್ ಬಿಲ್ ಮತ್ತು ಗ್ರೀನ್ ಸೀ ಆಮೆಗಳ ಕಳೇಬರ ಪತ್ತೆಯಾಗಿತ್ತು. ಇದನ್ನೂ ಓದಿ: ರಸ್ತೆಯಲ್ಲಿದ್ದ ಸಸಿ ಕಿತ್ತುಕೊಂಡು ನೆಟ್ಟಿಗರ ಕಣ್ಣಿಗೆ ಗುರಿಯಾದ ಮಹಿಳೆಯರು – ವೀಡಿಯೋ ವೈರಲ್