ಮನೆಯಲ್ಲಿರುವ ಸಾಮಗ್ರಿಗಳಲ್ಲಿ ಮಾಡಿ ಸೂಪರ್ ಆಗಿರುವ ಟೊಮೆಟೊ ಸೂಪ್

ನಾಲಿಗೆಯ ಹಸಿವನ್ನು ತಣಿಸುವ ವಿವಿಧ ಖಾದ್ಯಗಳನ್ನು ಸವಿಯಲು ನಾಲಿಗೆ ಬಯಸುತ್ತದೆ. ಬಿಸಿ ಬಿಸಿಯಾದ ವಿಭಿನ್ನ ರುಚಿಯನ್ನು ಹೊಂದಿರುವ ಸೂಪ್‌ನ್ನು ಸೇವಿಸಬೇಕು ಎನಿಸುತ್ತಿದೆಯಾ. ಹಾಗಾದರೆ ಮನೆಯಲ್ಲಿರುವ ಸಾಮಗ್ರಿಗಳಲ್ಲಿ ಸೂಪರ್ ಆಗಿರುವ ಟೊಮೆಟೊ ಸೂಪ್‌ನ್ನು ಮಾಡಿ.

ಬೇಕಾಗುವ ಸಾಮಗ್ರಿಗಳು:
* ಬೆಣ್ಣೆ- 2 ಚಮಚ
* ಈರುಳ್ಳಿ – 1
* ಬೆಳ್ಳುಳ್ಳಿ- 1
* ಪಲಾವ್ ಎಲೆ- 1
* ಟೊಮೆಟೊ -3
* ಕ್ಯಾರೆಟ್- 1
* ರುಚಿಗೆ ತಕ್ಕಷ್ಟು ಉಪ್ಪು
* ಸಕ್ಕರೆ- 1 ಚಮಚ
* ಪೆಪ್ಪರ್ ಪೌಡರ್ 1ಚಮಚ

ಮಾಡುವ ವಿಧಾನ:
* ಮೊದಲಿಗೆ, ಬೆಣ್ಣೆ ಬಿಸಿ ಮಾಡಿ, ಈರುಳ್ಳಿ, ಬೆಳ್ಳುಳ್ಳಿ, ಎಲೆ ಸೇರಿಸಿ ಸ್ವಲ್ಪ ಬೇಯಿಸಿಕೊಳ್ಳಿ.
* ನಂತರ ಟೊಮೆಟೊ, ಕ್ಯಾರೆಟ್ ಉಪ್ಪು ಸೇರಿಸಿ, ಟೊಮೆಟೊ ಮೃದುಬಾಗಿ ಬಣ್ಣ ಬದಲಾಯಿಸುವ ತನಕ ಬೇಯಿಸಿಕೊಳ್ಳಬೇಕು. ನಂತರ ಮೆದುವಾದ ಪೇಸ್ಟ್‌ಗೆ ರುಬ್ಬಿಕೊಳ್ಳಿ.

* ಈಗ ಜರಡಿ ಇಟ್ಟು ಟೊಮೆಟೊ ಪೇಸ್ಟ್ ಅನ್ನು ಸೋಸಿರಿ.
* ನೀರು, ಟೊಮೆಟೊ ಮಿಶ್ರಣ, ಸಕ್ಕರೆ, ಪೆಪ್ಪರ್ ಪೌಡರ್, ಉಪ್ಪು ಸೇರಿಸಿ ಚೆನ್ನಾಗಿ ಕುದಿಸಿದರೆ ರುಚಿಯಾದ ಸೂಪ್ ಸವಿಯಲು ಸಿದ್ಧವಾಗುತ್ತದೆ.