ಸ್ಪೆಷಲ್ ಚುರುಮುರಿ ಸಖತ್ ಟೇಸ್ಟ್

ರೋಡ್ ಸೈಡ್ ಫುಡ್ ಎಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ. ಪಾನಿಪುರಿ, ಸೇವ್ ಪುರಿ, ಆಲೂ ಚಾಟ್, ಗೋಲ್ ಗಪ್ಪೆ ಅಥವಾ ಭೇಲ್ ಪುರಿ ಹೀಗೆ ಕೆಲವು ಅತ್ಯುತ್ತಮ ಬೀದಿ ಆಹಾರಗಳು ನಿಜಕ್ಕೂ ರುಚಿಕರವಾಗಿದೆ. ಸಂಜೆಯ ತಿಂಡಿಯಾಗಿ ಬಿಸಿ ಕಾಫಿಯ ಜೊತೆ ಹೆಚ್ಚಾಗಿ ಸೇವಿಸಲಾಗುತ್ತದೆ. ಸಂಜೆಯ ಸಮಯದಲ್ಲಿ ಅದರಲ್ಲೂ ಮಳೆ ಬರುವಾಗ ಈ ಚುರುಮುರಿ ಸೂಪರ್ ಆಗಿರುತ್ತದೆ.

ಬೇಕಾಗುವ ಸಾಮಗ್ರಿಗಳು:
* ಮಂಡಕ್ಕಿ- 4 ಕಪ್
* ಈರುಳ್ಳಿ- 2
* ಶೇಂಗಾ- ಅರ್ಧ ಕಪ್
* ರುಚಿಗೆ ತಕ್ಕಷ್ಟು ಉಪ್ಪು
* ಸೇವ್- ಸ್ವಲ್ಪ
* ಕೊತ್ತಂಬರಿ ಸೊಪ್ಪು- ಸ್ವಲ್ಪ
* ಹಸಿಮೆಣಸು- 2
* ಟೊಮ್ಯಾಟೋ- 1
* ಜೀರಿಗೆ- 1 ಚಮಚ
* ಖಾರದ ಪುಡಿ- 1 ಚಮಚ
* ಅಡುಗೆ ಎಣ್ಣೆ- ಅರ್ಧ ಕಪ್

ಮಾಡುವ ವಿಧಾನ:
* ಒಂದು ಪಾತ್ರೆಯನ್ನು ತೆಗೆದುಕೊಳ್ಳಿ ಅದಕ್ಕೆ ಸ್ವಲ್ಪ ಎಣ್ಣೆ ಹಾಕಿ ನಂತರ ಈರುಳ್ಳಿ, ಶೇಂಗಾ, ಹಸಿಮೆಣಸು, ಟೊಮ್ಯಾಟೋ, ಜಿರಿಗೆ ಹಾಗೂ ಸ್ವಲ್ಪ ಅಚ್ಚ ಖಾರದ ಪುಡಿ ಹಾಕಿ ಚನ್ನಾಗಿ ಮಿಶ್ರಣ ಮಾಡಿ. ನಿಮಗೆ ಇಷ್ಟವಿದ್ದರೆ ಇದಕ್ಕೆ ಕ್ಯಾರೆಟ್ ತುರಿದು ಹಾಕಬಹುದು.

* ನಂತರ ಚಾಟ್ ಮಸಾಲಾ ಸಹ ಹಾಕಿದರೆ ಹೆಚ್ಚಿನ ರುಚಿ ಸಿಗುತ್ತದೆ.
* ಇನ್ನು ಆ ಮಿಶ್ರಣಕ್ಕೆ ಮಂಡಕ್ಕಿ, ಉಪ್ಪು, ಕೊತ್ತಂಬರಿ ಹಾಕಿ ಕಲಸಿ. ಇದನ್ನೂ ಓದಿ: ಮಂಗಳೂರು ಸ್ಟೈಲ್ ಚಿಕನ್ ಸುಕ್ಕಾ ಮಾಡೋ ಸುಲಭ ವಿಧಾನ

* ನಂತರ ಉಪ್ಪು ಮತ್ತು ಖಾರದ ಅಗತ್ಯ ಇದೆಯಾ ನೋಡಿ ಅಗತ್ಯವಿದ್ದರೆ ಹಾಕಿ ಕಲಸಿದರೆ ರುಚಿ ರುಚಿಯಾದ ಚುರುಮುರಿ ಸಿದ್ಧವಾಗುತ್ತದೆ. ಇದನ್ನೂ ಓದಿ: ಮಂಗಳೂರು ಸ್ಟೈಲ್ ಚಿಕನ್ ಸುಕ್ಕಾ ಮಾಡೋ ಸುಲಭ ವಿಧಾನ