ಡೆಂಘೀಯಿಂದ ಸುಸ್ತಾಗಿದ್ದ ಪತ್ನಿ ‘ಮಿಲನ’ಕ್ಕೆ ಬಿಡಲಿಲ್ಲ ಎಂದು ಕೊಂದೇ ಬಿಟ್ಟ ಪತಿ

ಚಂಡೀಗಢ: ಪತ್ನಿ ಸೆಕ್ಸ್ ಗೆ ಸಹಕರಿಸಲಿಲ್ಲ ಎಂದು ವ್ಯಕ್ತಿಯೊಬ್ಬ ಪತ್ನಿಯನ್ನು ಉಸಿರುಗಟ್ಟಿಸಿ ಸಾಯಿಸಿದ ಘಟನೆ ಹರ್ಯಾಣದ ಕುರುಕ್ಷೇತ್ರ ಜಿಲ್ಲೆಯಲ್ಲಿ ನಡೆದಿದೆ. ಜಿಲ್ಲೆಯ ಜೋಗ್ನಾ ಖೇರಾ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಕಾಮುಕ ಪತಿರಾಯನನ್ನು ಪೊಲೀಸರು ಬಂಧಿಸಿದ್ದಾರೆ.

ಏನಾಗಿತ್ತು?: 10 ವರ್ಷದ ಹಿಂದೆ ಸಂಜೀವ್ ಕುಮಾರ್ ಎಂಬಾತನಿಗೆ ಸುಮನ್ ಎಂಬಾಕೆಯ ಜೊತೆ ಮದುವೆಯಾಗಿತ್ತು. ಇವರಿಗೆ ಇಬ್ಬರು ಮಕ್ಕಳಿದ್ದಾರೆ. ವೃತ್ತಿಯಲ್ಲಿ ಪೈಂಟರ್ ಆಗಿದ್ದ ಸಂಜೀವ್ ಕಳೆದ ಮಂಗಳವಾರ ಕೆಲಸ ಮುಗಿಸಿ ಮನೆಗೆ ಬಂದಿದ್ದಾನೆ.

ಆದರೆ ಕೆಲ ದಿನಗಳಿಂದ ಪತ್ನಿ ಸುಮನ್ ಗೆ ಹುಷಾರಿರಲಿಲ್ಲ. ವೈದ್ಯರ ಬಳಿ ಪರಿಶೀಲನೆ ಮಾಡಿದಾಗ ಆಕೆಗೆ ಡೆಂಘೀ ಜ್ವರ ಬಂದಿರುವುದು ಖಚಿತವಾಗಿತ್ತು. ಸಹಜವಾಗಿಯೇ ಇದರಿಂದಾಗಿ ಸುಮನ್ ತೀವ್ರ ಸುಸ್ತಿನಿಂದ ಬಳಲುತ್ತಿದ್ದರು. ಆದರೆ ಮಂಗಳವಾರ ರಾತ್ರಿ ಮನೆಗೆ ಬಂದ ಸಂಜೀವ್ ಪತ್ನಿಯ ಮುಂದೆ ತನ್ನ ಕಾಮ ಬಯಕೆ ಮುಂದಿಟ್ಟಿದ್ದಾನೆ. ಆದರೆ ಡೆಂಘೀಯಿಂದ ಬಳಲುತ್ತಿದ್ದ ಸುಮನ್ ಇದಕ್ಕೆ ನಿರಾಕರಿಸಿದ್ದಾರೆ. ಈ ವೇಳೆ ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆದಿದೆ. ಇದರಿಂದ ರೊಚ್ಚಿಗೆದ್ದ ಪತಿ ಸಂಜೀವ್ ಕುಮಾರ್ ಸುಮನ್ ಕತ್ತು ಹಿಸುಕಿದ್ದಾನೆ. ಆತನ ಹಿಡಿತ ಬಿಗಿಯಾಗುತ್ತಿದ್ದಂತೆಯೇ ಸುಮನ್ ಉಸಿರುಗಟ್ಟಿ ಸಾವನ್ನಪ್ಪಿದ್ದಾರೆ.

ಸೋದರಿಯ ಸಾವಿನ ವಿಚಾರ ಗೊತ್ತಾಗುತ್ತಿದ್ದಂತೆಯೇ ಸುಮನ್ ಸೋದರ ಕುರುಕ್ಷೇತ್ರ ವಿವಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ವೇಳೆ ಸಂಜೀವ್ ಕುಮಾರ್ ನನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ವಿಚಾರಣೆ ವೇಳೆ ಸಂಜೀವ್ ತಾನು ನಡೆಸಿದ ಕೃತ್ಯದ ಬಗ್ಗೆ ತಪ್ಪೊಪ್ಪಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ಸಂಜೀವ್ ಕುಮಾರ್ ಹಾಗೂ ಆತನ ಕುಟುಂಬದ 6 ಮಂದಿಯನ್ನು ಬಂಧಿಸಿದ್ದಾರೆ.

ಇದನ್ನೂ ಓದಿ: ಪ್ರೇಮಿಗಳ ಮಿಲನದ ವಿಡಿಯೋ ಇಟ್ಕೊಂಡು ಬ್ಲಾಕ್‍ಮೇಲ್: ಕೊನೆಗೆ ಯುವತಿ ಮೇಲೆ ಗ್ಯಾಂಗ್ ರೇಪ್