ಬೀಜಿಂಗ್: ಮಗಳಿಗೆ (Daughter) ಗಾಯ ಮಾಡಿದ್ದ ಏಡಿಯ (Crab) ವಿರುದ್ಧ ಸೇಡು ತೀರಿಸಿಕೊಳ್ಳಲು ನಿರ್ಧರಿಸಿದ್ದ ತಂದೆಯೋರ್ವ (Father) ತೊಂದರೆಗೆ ಸಿಲುಕಿದ ಘಟನೆ ಚೀನಾದಲ್ಲಿ (China) ನಡೆದಿದೆ.
ಚೀನಾದ ಝೆಜಿಯಾಂಗ್ (39) ಆಸ್ಪತ್ರೆಗೆ ಸೇರಿದ ವ್ಯಕ್ತಿ. ಈತನ ಮಗಳಿಗೆ ಏಡಿಯೊಂದು ಗಾಯ ಮಾಡಿತ್ತು. ಇದರಿಂದ ಕೋಪಗೊಂಡ ಝೆಜಿಯಾಂಗ್ ಆ ಜೀವಂತ ಏಡಿಯನ್ನೆ ತಿಂದಿದ್ದಾನೆ. ಆದರೆ 2 ತಿಂಗಳ ನಂತರ ಝೆಜಿಯಾಂಗ್‍ಗೆ ತೀವ್ರವಾದ ಬೆನ್ನುನೋವು ಪ್ರಾರಂಭವಾಗಿದೆ. ಈ ಹಿನ್ನೆಲೆಯಲ್ಲಿ ಆತನನ್ನು ಆಸ್ಪತ್ರೆಗೆ ಸಾಗಿಸಲಾಯಿತು.
ಈ ವೇಳೆ ಝೆಜಿಯಾಂಗ್‍ನನ್ನು ಪರೀಕ್ಷಿಸಿದ ವೈದ್ಯರು ಅಲರ್ಜಿಯಿಂದ ಈ ರೀತಿ ಆಗಿದೆ. ಈ ಹಿಂದೆ ಏನನ್ನಾದರೂ ಸೇವಿಸಿದ್ದೀರಾ ಎಂದು ಪ್ರಶ್ನಿಸಿದ್ದಾನೆ. ಆ ವೇಳೆ ಏಡಿ ತಿಂದಿರುವ ಬಗ್ಗೆ ಹೇಳಿಕೊಳ್ಳಲು ನಿರಾಕರಿಸಿದ್ದಾನೆ. ಆದರೆ ಆತನ ಪತ್ನಿ ಈ ವಿಷಯವನ್ನು ವೈದ್ಯರಿಗೆ ತಿಳಿಸಿದ್ದಾಳೆ. ಇದನ್ನೂ ಓದಿ: ಕರೆಂಟ್ ಬಿಲ್ ನೋಡಿ ಕೂಲಿ ಕಾರ್ಮಿಕ ಕಂಗಾಲು
ಇದಾದ ಬಳಿಕ ಅವರನ್ನು ರಕ್ತ ಪರೀಕ್ಷೆಗೆ ಕಳುಹಿಸಲಾಯಿತು. ಅದರಲ್ಲಿ ಸಮಸ್ಯೆ ಇರುವುದು ಕಂಡುಬಂದಿದೆ. ನಂತರ ಅವರಿಗೆ ಸರಿಯಾದ ಚಿಕಿತ್ಸೆ ನೀಡಿ ಡಿಸ್ಚಾರ್ಜ್ ಮಾಡಲಾಯಿತು. ಇದನ್ನೂ ಓದಿ: ಭಾರತದ ಉಕ್ಕಿನ ಮನುಷ್ಯ ಎಂದೇ ಖ್ಯಾತಿಯಾಗಿದ್ದ ಟಾಟಾ ಸ್ಟೀಲ್ ಮಾಜಿ ವ್ಯವಸ್ಥಾಪಕ ನಿರ್ದೇಶಕ ಜೆಜೆ ಇರಾನಿ ನಿಧನ
Leave a Reply