ಉಪನ್ಯಾಸಕನ ಮನೆಯಲ್ಲಿ ಖೋಟಾನೋಟು ಮೆಷಿನ್- ನಮ್ಮ ತಪ್ಪೇನಿಲ್ಲ ಅಂತಿದೆ ಕೊಪ್ಪಳದ ಕುಟುಂಬ

ಕೊಪ್ಪಳ: ಅತಿಥಿ ಉಪನ್ಯಾಸಕರೊಬ್ಬರ ಮನೆಯಲ್ಲಿ 2000 ರೂಪಾಯಿ ಖೋಟಾ ನೋಟುಗಳು ಮತ್ತು ಅದನ್ನು ತಯಾರಿಸುವ ಮೆಷಿನ್ ಪತ್ತೆಯಾಗಿದೆ.

ಕೊಪ್ಪಳ ನಗರದ ಕುಂಬಾರ ಓಣಿಯಲ್ಲಿನ ಅತಿಥಿ ಉಪನ್ಯಾಸಕ ಶಿವಕುಮಾರ್ ಕುಕನೂರು ಮನೆಗೆ ಶುಕ್ರವಾರ ಪಿಎಸ್‍ಐ ಫಕೀರಮ್ಮ ನೇತೃತ್ವದಲ್ಲಿ ಪೊಲೀಸರು ದಾಳಿ ನಡೆಸಿದ್ರು. ಈ ವೇಳೆ ಸುಮಾರು 1 ಲಕ್ಷ ರೂ. ಮೌಲ್ಯದ 2 ಸಾವಿರ ಮುಖ ಬೆಲೆಯ ಖೋಟಾ ನೋಟು ಬಾಕ್ಸ್ ಪತ್ತೆಯಾಗಿದೆ.

ಶಿವಕುಮಾರ್‍ನನ್ನ ಬಂಧಿಸಿ ಕರೆದೊಯ್ದ ಕೂಡಲೇ ಸಂಬಂಧಿಕರು ಪೊಲೀಸ್ ಠಾಣೆ ಮುಂದೆ ಪ್ರತಿಭಟನೆ ನಡೆಸಿದ್ರು. ಇದ್ರಲ್ಲಿ ಶಿವಕುಮಾರ್ ತಪ್ಪಿಲ್ಲ, ಯಾರೋ ದುಷ್ಕರ್ಮಿಗಳು ನಮ್ಮ ಮನೆಯಲ್ಲಿ ಖೋಟಾ ನೋಟು, ಮೆಷಿನ್ ತಂದಿಟ್ಟಿದ್ದಾರೆಂದು ಆರೋಪಿಸಿದ್ದಾರೆ. ಜೊತೆಗೆ ಖೋಟಾ ನೋಟು ಶಿವಕುಮಾರ್ ಮನೆಯಲ್ಲಿವೆ ಎಂದು ದೂರು ನೀಡಿದ ವ್ಯಕ್ತಿಯ ಹೆಸರು ಬಹಿರಂಗ ಪಡಿಸಲು ಪಟ್ಟು ಹಿಡಿದಿದ್ದಾರೆ.