ನಾಡಿಮಿಡಿತ ನೋಡಿಯೇ ಬಿಪಿ, ಶುಗರ್ ಗೆ ಚಿಕಿತ್ಸೆ ನೀಡುತ್ತಿದ್ದ ಫೇಕ್ ಡಾಕ್ಟರ್ ಬಲೆಗೆ!

ಬಾಗಲಕೋಟೆ: ನಾಡಿ ಮಿಡಿತ ನೋಡಿಯೇ ಚಿಕಿತ್ಸೆ ಕೊಡುತ್ತಿದ್ದ ನಕಲಿ ವೈದ್ಯನೊಬ್ಬ ಇದೀಗ ಜಿಲ್ಲೆಯ ವೈದ್ಯಾಧಿಕಾರಿಗಳ ಬಲೆಗೆ ಬಿದ್ದಿದ್ದಾನೆ.

ಬಳ್ಳಾರಿ ಜಿಲ್ಲೆ ಹೋಸಪೇಟೆ ಮೂಲದ ಜನಾರ್ದನ್ ಸಿಕ್ಕಿಬಿದ್ದ ನಕಲಿ ವೈದ್ಯ. ಈತನಿಗೆ ವೈದ್ಯಕೀಯ ವೃತ್ತಿಯ ಎಬಿಸಿಡಿ ಗೊತ್ತಿಲ್ಲ. ಆದ್ರೆ ಜನರನ್ನು ಮರಳು ಮಾಡಿ ಹಣ ವಸೂಲಿ ಮಾಡುತ್ತಿದ್ದ. ಆಕ್ಯೂ ಪಂಕ್ಚರ್ ಚಿಕಿತ್ಸೆ ಎಂದು ರೋಗಿಗಳಿಗೆ ಟೋಪಿ ಹಾಕುತ್ತಿದ್ದ

ಬಾಗಲಕೋಟೆ ತಾಲೂಕಿನ ಕೆಸನೂರು ಗ್ರಾಮದ ಮನೆಯೊಂದ್ರಲ್ಲಿ ನಕಲಿ ವೈದ್ಯಕೀಯ ದಾಖಲೆಗಳನ್ನ ಇಟ್ಟುಕೊಂಡು ಬಿಪಿ, ಸಕ್ಕರೆ ಕಾಯಿಲೆಯಂತಹ ಕ್ಲಿಷ್ಟ ರೋಗಗಳಿಗೆ ಕೇವಲ ನಾಡಿ ಮಿಡಿತ ಅರಿತು ರೋಗ ಗುಣ ಮಾಡ್ತೀನಿ ಅಂತಾ ಹೇಳುತ್ತಾ ತನ್ನ ಬಳಿ ಬರುವ ರೋಗಿಗಳಿಗೆ ಆಕ್ಯೂ ಪಂಕ್ಚರ್ ಚಿಕಿತ್ಸೆ ಎಂದು ಹೇಳಿಕೊಂಡು ಹಣ ವಸೂಲಿ ದಂಧೆಗೆ ಇಳಿದಿದ್ದ.

ಮುಗ್ಧ ಗ್ರಾಮಸ್ಥರು ಇವನ ಮಾತಿಗೆ ಮರುಳಾಗಿ ಹಣ ಕೊಟ್ಟು ಚಿಕಿತ್ಸೆ ಪಡೆಯಲು ಬರುತ್ತಿದ್ದರು. ಊರಿನವರ ಸಹಾಯದಿಂದ ಈ ª ವಿಷಯ ಮಾಧ್ಯಮ ಮಂದಿಗೆ ತಿಳಿದಾಗ ಈ ನೀಚ ವೈದ್ಯನ ಬಣ್ಣ ಬಯಲಾಗಿದೆ.