ಸದನದಲ್ಲಿ ಕದ್ದು ಮುಚ್ಚಿ ಯುವತಿ ಫೋಟೋ ನೋಡಿದ ಮಾಜಿ ಸಚಿವ ಎನ್ ಮಹೇಶ್!

ಬೆಳಗಾವಿ: ರಾಜ್ಯ ಸಮಸ್ಯೆಗಳ ಬಗ್ಗೆ ಗಂಭೀರ ಚರ್ಚೆ ನಡೆಯಬೇಕಿದ್ದ ವಿಧಾನಸಭೆಯಲ್ಲಿ ಚುನಾಯಿತ ಪ್ರತಿನಿಧಿಗಳ ಮಹಿಳೆಯರ ಫೋಟೊ ನೋಡುವ ಖಯಾಲಿ ಮುಂದುವರೆದಿದೆ.

ಸೋಮವಾರ ಸುವರ್ಣಸೌಧದಲ್ಲಿ ಸದನ ಆರಂಭ ಆಗುವ ವೇಳೆ ಮಾಜಿ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ, ಬಿಎಸ್‍ಪಿ ಶಾಸಕರಾಗಿರುವ ಎನ್ ಮಹೇಶ್ ಅವರು ಮಹಿಳೆಯ ಫೋಟೋ ನೋಡುವುದರಲ್ಲಿ ತಲ್ಲಿನರಾಗಿದ್ದರು. ಈ ದೃಶ್ಯಗಳು ಪಬ್ಲಿಕ್ ಟಿವಿಗೆ ಲಭ್ಯವಾಗಿದ್ದು, ಸದನದಲ್ಲಿ ಈ ರೀತಿ ನಡೆದುಕೊಳ್ಳುವುದು ಎಷ್ಟು ಸರಿ ಎಂಬ ಚರ್ಚೆ ಆರಂಭವಾಗಿದೆ.

ಇಂದು ಬೆಳಗ್ಗೆ ಸ್ಪೀಕರ್ ಅವರು ಸದನ ಆರಂಭ ಮಾಡಲು ಬೆಲ್ ಮಾಡಲು ಸೂಚನೆ ನೀಡುವ ಮುನ್ನ ಘಟನೆ ನಡೆದಿದ್ದು, ಈ ವೇಳೆ ಹಾಜರಿದ್ದ ಎನ್.ಮಹೇಶ್ ಅವರು ಕದ್ದುಮುಚ್ಚಿ ವಾಟ್ಸಾಪ್ ನಲ್ಲಿ ಮಹಿಳೆಯರ ಫೋಟೋ ವೀಕ್ಷಣೆ ಮಾಡಿದ್ದು ಪಬ್ಲಿಕ್ ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಈ ಹಿಂದೆ ಮಾಜಿ ಸಿಎಂ ಯಡಿಯೂರಪ್ಪ ಅವರು ಅವಧಿಯಲ್ಲಿ ಕೆಲ ಶಾಸಕರು ವಿಡಿಯೋಗಳನ್ನು ನೋಡುವ ಮೂಲಕ ವಿವಾದಕ್ಕೆ ಕಾರಣರಾಗಿದ್ದರು. ಈ ಬಳಿಕ ಸದನದಲ್ಲಿ ಮೊಬೈಲ್ ತೆಗೆದುಕೊಂಡು ಹೋಗದಂತೆ ನಿಯಮ ರೂಪಿಸಿ, ಮೊಬೈಲ್ ಈಡಲು ಪ್ರತ್ಯೇಕ ನಿಯಮ ರೂಪಿಸಿದ್ದರು. ಆದರೂ ಮಹೇಶ್ ಅವರು ಮೊಬೈಲ್‍ನೊಂದಿಗೆ ತೆರಳಿದ್ದು ಯಾಕೆ ಎನ್ನುವ ಪ್ರಶ್ನೆ ಎದ್ದಿದೆ.

ಈ ಕುರಿತು ಮಾಜಿ ಸಚಿವ ಮಹೇಶ್ ಅವರು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಸಚಿವರು ಮೊಬೈಲಿನಲ್ಲಿ ಕಾಣಿಕೊಂಡ ಯುವತಿ ಯಾರು? ಸದನದಲ್ಲಿ ಯುವತಿಯ ಫೋಟೋ ನೋಡಿದ್ದು ಯಾಕೆ ಎನ್ನುವುದರ ಬಗ್ಗೆ ಸ್ಪಷ್ಟೀಕರಣ ನೀಡಬೇಕಿದೆ. ಅಂದಹಾಗೇ ಸಾಮಾನ್ಯವಾಗಿ ಮೊಬೈಲ್ ಬಳಕೆ ಮಾಡದ ಸಚಿವರು ತಮ್ಮನ್ನ ಯಾರು ನೋಡಿದ್ದಾರೆ ಎಂಬುವುದನ್ನು ಗಮನಿಸಿ ಬಳಿಕ ಫೋಟೋ ನೋಡಿದ್ದು ದೃಶ್ಯಗಳಲ್ಲಿ ಕಾಣಬಹುದಾಗಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv