ಎಣ್ಣೆ ಮತ್ತಿಗೆ ಬಟ್ಟೆಹರಿದುಕೊಂಡು ಬಡಿದಾಡಿದ ಕುಡುಕರು – ತಪ್ಪಿಸಲು ಹೋದವರಿಗೂ ಬಿತ್ತು ಗೂಸಾ

ಮಡಿಕೇರಿ: ಕಂಠಪೂರ್ತಿ ಕುಡಿದು ನಡುಬೀದಿಯಲ್ಲೇ ಕುಡುಕರು ಬಡಿದಾಡಿಕೊಂಡು, ಹೊಡೆದಾಟ ತಪ್ಪಿಸಲು ಹೋದವರಿಗೂ ಗೂಸಾ ಕೊಟ್ಟು ರಂಪಾಟ ನಡೆಸಿದ್ದಾರೆ.

ವಿರಾಜಪೇಟೆ ನಗರದ ಬಸ್ ನಿಲ್ದಾಣದ ಬಳಿ ಕುಡುಕರು ಬೀದಿ ರಂಪಾಟ ಮಾಡಿದ್ದಾರೆ. ಕಂಠಪೂರ್ತಿ ಕುಡಿದು ಕುಸ್ತಿ, ಬಾಕ್ಸಿಂಗ್ ಕಣದಲ್ಲಿದ್ದಾರೆನೋ ಎನ್ನುವ ಹಾಗೆ ಬಡಿದಾಡಿಕೊಂಡಿದ್ದಾರೆ. ಓರ್ವ ಕುಡುಕನಂತೂ ಮೈಮೇಲೆ ಧರಿಸಿದ್ದ ಬಟ್ಟೆಯನ್ನು ಹರಿದುಕೊಂಡು ಎಗರಿ ಎಗರಿ ಇನ್ನೋರ್ವನ ಮೇಲೆ ಹೊಡೆದಾಟಕ್ಕೆ ಹೋಗುತ್ತಿದ್ದನ್ನ ನೋಡಿ ಸ್ಥಳದಲ್ಲಿ ನೆರೆದವರು ಜಗಳ ಬಿಡಿಸಲು ಹೋದರೆ, ಅವರಿಗೆ ಕುಡುಕ ಏಟು ನೀಡಿದ್ದಾನೆ.

ಈ ದೃಶ್ಯವನ್ನು ಕೆಲವರು ವಿಡಿಯೋ ಮಾಡಿಕೊಂಡಿದ್ದು, ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ಈ ವಿಡಿಯೋ ಸದ್ಯ ಎಲ್ಲೆಡೆ ವೈರಲ್ ಆಗಿದ್ದು, ಕುಡುಕರ ರಂಪಾಟ ನೆಟ್ಟಿಗರಿಗೆ ಮನರಂಜನೆ ನೀಡಿದೆ.