ಶೀಘ್ರವೇ ಇತಿಹಾಸ ಸೇರಲಿದೆ ಐಕಾನಿಕ್ ದೂರದರ್ಶನ ಲೋಗೋ

ನವದೆಹಲಿ: ದೂರದರ್ಶನ ಐಕಾನಿಕ್ ಲೋಗೋ ಶೀಘ್ರವೇ ಇತಿಹಾಸ ಸೇರಲಿದೆ. ಈ ಸಂಬಂಧ 5 ಹೊಸ ಲೋಗೋಗಳನ್ನು ಶಾರ್ಟ್ ಲಿಸ್ಟ್ ಮಾಡಿದ್ದು, ಇವುಗಳ ಪೈಕಿ ಅಂತಿಮವಾಗಿ ಒಂದು ಆಯ್ಕೆ ಅಗಲಿದೆ.

2017 ಜುಲೈ ಮತ್ತು ಆಗಸ್ಟ್ ನಡುವೆ ದೂರದರ್ಶನ್ ಲೋಗೋ ಸ್ಪರ್ಧೆ ನಡೆಸಿತ್ತು. ಈ ಸ್ಪರ್ಧೆಯಲ್ಲಿ 10 ಸಾವಿರಕ್ಕೂ ಅಧಿಕ ಮಂದಿ ಭಾಗವಹಿಸಿದ್ದರು. ಈಗ 5 ಲೋಗೋಗಳನ್ನು ಅಂತಿಮ ಹಂತದ ಸುತ್ತಿಗೆ ಆಯ್ಕೆ ಮಾಡಲಾಗಿದೆ.

A variant of one of the shortlisted logos has been piloted for the new look of @DDIndiaLive https://t.co/jiQBuZmJKA

— Shashi Shekhar Vempati शशि शेखर (@shashidigital) May 20, 2019

ಪ್ರಸಾರ ಭಾರತಿಯ ಸಿಇಒ ಶಶಿ ಶೇಖರ್ ಟ್ವೀಟ್ ಮಾಡಿ 10 ಸಾವಿರ ಎಂಟ್ರಿಯಲ್ಲಿ ಟಾಪ್ 5 ಲೋಗೋವನ್ನು ಆಯ್ಕೆ ಮಾಡಲಾಗಿದೆ. ಈ ಲೋಗೋ ಪೈಕಿ ಅಂತಿಮವಾಗಿ ಒಂದನ್ನು ಅಂತಿಮಗೊಳಿಸಲಾಗುವುದು ಎಂದು ಹೇಳಿದ್ದಾರೆ.

ಡಿಡಿಗೆ ಹೊಸ ಬ್ರಾಂಡ್ ನೀಡಲು ಮತ್ತು ದೂರದರ್ಶನದತ್ತ ಯುವ ಜನರನ್ನು ಸೆಳೆಯಲು ಈ ಲೋಗೋ ಸ್ಪರ್ಧೆಯನ್ನು ಆಯೋಜಿಸಲಾಗಿತ್ತು. ಈ ಸ್ಪರ್ಧೆಯಲ್ಲಿ ಮೊದಲ ಸ್ಥಾನ ಪಡೆದವರಿಗೆ 10 ಸಾವಿರ ರೂ. ನಗದು ಬಹುಮಾನ ನೀಡಲಾಗುತ್ತದೆ.