ಗಮನಿಸಿ: ಬಜ್ಜಿ, ಬೋಂಡಾ ನ್ಯೂಸ್ ಪೇಪರ್‍ನಲ್ಲಿ ಕಟ್ಟಿದ್ರೆ ಬೀಳುತ್ತೆ ದಂಡ!

ಬೆಂಗಳೂರು: ಹೋಟೆಲ್‍ನವರು, ಬೀದಿ ವ್ಯಾಪಾರಿಗಳು ನ್ಯೂಸ್ ಪೇಪರ್‍ಗಳಲ್ಲಿ ಇನ್ಮುಂದೆ ಊಟ ಪಾರ್ಸಲ್ ಮಾಡೋ ಹಾಗಿಲ್ಲ. ಊಟ ಮಾತ್ರ ಅಲ್ಲ ಮನುಷ್ಯರು ತಿನ್ನುವ ಯಾವ ಆಹಾರವನ್ನ ಪಾರ್ಸಲ್ ಮಾಡೋ ಹಾಗಿಲ್ಲ.

ಸಾರ್ವಜನಿಕರ ಆರೋಗ್ಯ ದೃಷ್ಟಿಯಿಂದ ಆರೋಗ್ಯ ಇಲಾಖೆ ನ್ಯೂಸ್ ಪೇಪರ್ ನಲ್ಲಿ ಪಾರ್ಸೆಲ್ ಮಾಡೋದು ಬ್ಯಾನ್ ಮಾಡಿದೆ. ನ್ಯೂಸ್ ಪೇಪರ್‍ನಿಂದ ಮನುಷ್ಯನ ಆರೋಗ್ಯಕ್ಕೆ ಹಾನಿ ಉಂಟಾಗುತ್ತೆ ಅಂತ ಆರೋಗ್ಯ ಇಲಾಖೆ ಈ ಆದೇಶ ಹೊರಡಿಸಿದೆ.

ಪ್ರಸ್ತುತ ಆದೇಶ ಬೆಂಗಳೂರು, ಮೈಸೂರು, ಬೆಳಗಾವಿ, ಮಂಗಳೂರು, ಹುಬ್ಬಳ್ಳಿ-ಧಾರವಾಡ, ಕಲಬುರ್ಗಿ ಪಾಲಿಕೆ ವ್ಯಾಪ್ತಿಯಲ್ಲಿ ಈ ಕ್ಷಣದಿಂದಲೇ ಜಾರಿಗೆ ಬರಲಿದೆ. ಒಂದು ವೇಳೆ ಆರೋಗ್ಯ ಇಲಾಖೆ ಆದೇಶ ಮೀರಿದ್ರೆ ಕಾನೂನು ಕ್ರಮ ಜರುಗಿಸೋ ಜೊತೆಗೆ ದಂಡವನ್ನೂ ಕಟ್ಟಬೇಕಾಗುತ್ತದೆ.