ಕಾರ್ ಚಾಲನೆ ವೇಳೆ ಸೆಕ್ಸ್- ಜೋಡಿಗೆ ಆರು ತಿಂಗಳು ಜೈಲು ಶಿಕ್ಷೆ

ಮ್ಯಾಡ್ರಿಡ್: ಸ್ಪ್ಯಾನಿಷ್ ಮೋಟರ್ ವೇನಲ್ಲಿ ಕಾರು ಚಲಾಯಿಸುತ್ತಿದ್ದಾಗ ದಂಪತಿ ಸೆಕ್ಸ್ ಮಾಡಿದ್ದಕ್ಕೆ ಆರು ತಿಂಗಳು ಜೈಲು ಶಿಕ್ಷೆ ವಿಧಿಸಿ ಕೋರ್ಟ್ ಆದೇಶ ಹೊರಡಿಸಿದೆ.

ಕಳೆದ ವರ್ಷ ಸೆಗೊವಿಯಾ ಪ್ರಾಂತ್ಯದ ವಿಲ್ಕಾಸ್ಟಿನ್ ಬಳಿ ಎಪಿ-6 ರಸ್ತೆಯ ಮಧ್ಯೆ ಸಂಚರಿಸುತ್ತಲೇ ದಂಪತಿ ಸೆಕ್ಸ್ ಮಾಡಿದ್ದು, ಈ ವಿಡಿಯೋವನ್ನು ಇನ್ನೊಬ್ಬ ವಾಹನ ಸವಾರ ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದನು.

ವಿಡಿಯೋದಲ್ಲಿ ಬೆತ್ತಲೆಯಾಗಿ ಕಾಣಿಸಿಕೊಂಡಿರುವ ಮಹಿಳೆ ತನ್ನ ಸಂಗಾತಿಯ ತೊಡೆ ಮೇಲೆ ಕುಳಿತು ರಸ್ತೆಯ ಮಧ್ಯೆ ಕಾರಿನಲ್ಲಿ ಮಾತುಕತೆ ನಡೆಸುತ್ತಿದ್ದಳು. ಅಲ್ಲದೆ, ಇತರ ವಾಹನಗಳಿಗಿಂತ ವೇಗವಾಗಿ ವಾಹನ ಚಲಾಯಿಸುತ್ತಿದ್ದರು. ಸ್ಲೋ ಲೈನ್ ನಲ್ಲಿ ವೇಗವಾಗಿ ಕಾರ್ ಚಲಾಯಿಸುತ್ತಿರುವದನ್ನು ಕಂಡು ಇತರ ವಾಹನ ಸವಾರರು ಬೆಚ್ಚಿಬಿದ್ದಿದ್ದರು.

ಈ ರೀತಿ ರ‍್ಯಾಶ್ ಡ್ರೈವಿಂಗ್ ಮಾಡುತ್ತ, ಕಾರ್ ನಲ್ಲೇ ಸೆಕ್ಸ್ ಮಾಡುತ್ತಿದ್ದ ಜೋಡಿಯ ಮಾಹಿತಿಗಾಗಿ ಪೊಲೀಸರು ತಡಕಾಡುತ್ತಿದ್ದರು. ನಂತರ ಚಾಲಕನನ್ನು ಪತ್ತೆ ಹಚ್ಚಿದ್ದು, ವಿಚಾರಣೆ ನಡೆಸಿದಾಗ ರ‍್ಯಾಶ್ ಡ್ರೈವಿಂಗ್ ಕುರಿತು ಒಪ್ಪಿಕೊಂಡಿದ್ದಾನೆ. ನಂತರ ತನ್ನ ಪ್ರಿಯತಮೆಯ ಹೆಸರು ಹೇಳಿದ್ದಾನೆ. ಅಜಾಗರೂಕತೆಯಿಂದ ವಾಹನ ಚಲಾಯಿಸಿದ ಆರೋಪವನ್ನು ಈ ಜೋಡಿ ಒಪ್ಪಿಕೊಂಡಿದ್ದು, ಆರು ತಿಂಗಳ ಜೈಲು ಶಿಕ್ಷೆಯನ್ನು ವಿಧಿಸಲಾಗಿದೆ. ಅಲ್ಲದೆ ಎರಡು ವರ್ಷಗಳ ಕಾಲ ವಾಹನ ಚಲಾಯಿಸುವುದನ್ನು ನಿಷೇಧಿಸಲಾಗಿದೆ.

ಸೆಗೋವಿಯಾದ ನ್ಯಾಯಾಧೀಶರು ನೀಡಿದ ಆದೇಶದಲ್ಲಿ ಕಾರ್ ಜಿಗ್-ಜ್ಯಾಗಡ್ ಎಂಬ ಸಾಲುಗಳನ್ನು ಸೇರಿಸಿದ್ದಾರೆ. ಅಲ್ಲದೆ ಡ್ರೈವರ್ ಮೇಲೆ ಆತನ ಗೆಳತಿ ಕುಳಿತುಕೊಂಡು ಲೈಂಗಿಕ ಕ್ರಿಯೆ ನಡೆಸಿದ್ದಾಳೆ. ಇದನ್ನು ಕಂಡ ಇತರ ವಾಹನ ಸವಾರರು ನಿಬ್ಬೆರಗಾಗಿದ್ದಾರೆ ಎಂದು ಉಲ್ಲೇಖಿಸಿದ್ದಾರೆ.

ಲೈಂಗಿಕ ಕ್ರಿಯೆಯಲ್ಲಿ ಭಾಗಿಯಾಗಿರುವ ವಿಡಿಯೋವನ್ನು ಮತ್ತೊಬ್ಬ ವಾಹನ ಚಾಲಕ ಚಿತ್ರೀಕರಿಸಿದ್ದಾನೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಪೊಲೀಸರು ಎಚ್ಚೆತ್ತುಕೊಂಡಿದ್ದು, ನಂತರ ಪ್ರಕರಣ ದಾಖಲಿಸಿಕೊಂಡು ಆರೋಪಿಗಳನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ರೀತಿಯ ವರ್ತನೆಗೆ ಸ್ಪೇನ್‍ನ ಕಾನೂನಿನ ಪ್ರಕಾರ 2 ವರ್ಷ ಜೈಲು ಶಿಕ್ಷೆ, 500 ಯೂರೋ(39,201 ರೂ.) ದಂಡ ವಿಧಿಸಬಹುದಾಗಿದೆ.